Numeri 12:2 - Die Bybel 2020-vertaling

² Hulle het gesê: “Is dit dan net deur Moses wat die Here gepraat het? Het Hy nie deur ons ook gepraat nie?” Die Here het dit gehoor.

Bybel vir almal

² Hulle het gesê: “Die Here het nie net met Moses gepraat nie, Hy het ook met ons gepraat.” Die Here het gehoor wat hulle sê.

Afrikaans 1933-1953

² En hulle het gesê: Het die Here dan maar alleen met Moses gespreek? Het Hy nie ook met ons gespreek nie? En die Here het dit gehoor.

Afrikaans 1983

² “Het die Here dan net deur Moses gepraat,” wou hulle ook nog weet, “en nie ook deur ons nie?” Die Here het dit gehoor.

Contemporary Afrikaans Bible 2023

² Toe sê hulle: Het die HERE werklik deur Moses gespreek? het Hy nie ook deur ons gespreek nie? En die HERE het dit gehoor.

Die Boodskap

^2-4 “Het die Here dan net deur Moses gepraat en nie deur ons ook nie?” wou hulle by hom weet. Die Here het gehoor wat hulle sê, want Moses was ’n baie nederige mens, die nederigste op aarde. Die drie van hulle is deur die Here aangesê om dadelik na die tent toe te gaan waar Hy aanbid word. Hulle is toe soontoe.

Numeri 12:2 Kruisverwysings

Genesis 29:33

Sy het weer swanger geword en aan 'n seun geboorte gegee. Toe sê sy: “Ja, die Here het gehoor dat ek die nie-geliefde is, want Hy het my ook hierdie seun gegee.” En sy het hom Simeon genoem.

2 Samuel 11:27

Nadat die routyd verby was, het Dawid haar laat haal en in sy paleis ontvang. Sy het sy vrou geword en vir hom 'n seun in die wêreld gebring. Maar dit wat Dawid gedoen het, was verkeerd in die oë van die Here.

2 Konings 19:4

Miskien hoor die Here u God al die woorde van die rabsakee vir wie die koning van Assirië, sy heer, gestuur het om die lewende God uit te tart, en miskien sal Hy hom straf oor die woorde wat die Here u God gehoor het. Begin dan bid ter wille van die res wat nog oorgebly het. ’ ”

Eksodus 4:14

Die toorn van die Here het teen Moses ontbrand en Hy het gesê: “Is Aäron, die Leviet, nie jou broer nie? Ek weet dat hy welsprekend is. Wat meer is, kyk, hy is op pad om jou te ontmoet; en wanneer hy jou sien, sal sy hart verheug wees.

Eksodus 4:30

Aäron het al die woorde wat die Here vir Moses gesê het, herhaal. Moses het al die tekens voor die oë van die volk gedoen,

Eksodus 5:1

Hierna het Moses en Aäron gegaan en vir die farao gesê: “So sê die Here, die God van Israel, ‘Laat my volk gaan, sodat hulle vir My 'n fees kan hou in die woestyn. ’ ”

Eksodus 7:10

Moses en Aäron het toe na die farao gegaan en gemaak soos die Here beveel het. Aäron het sy staf voor die farao en voor sy amptenare neergegooi, en dit het 'n slang geword.

Spreuke 13:10

Verwaandheid gee net rusie af, maar by hulle wat raad aanvaar, is daar wysheid.

Jesaja 37:4

Miskien hoor die Here u God die woorde van die rabsakee, vir wie die koning van Assirië, sy heer, gestuur het om die lewende God uit te tart; en miskien sal Hy hom straf oor die woorde wat die Here u God gehoor het. Begin dan bid ter wille van die res wat nog oorgebly het. ’ ”

Miga 6:4

Ek het jou immers laat optrek uit Egipteland, uit die plek van slawerny het Ek jou losgekoop. Ek het Moses, Aäron en Mirjam voor jou uit gestuur.

Numeri 11:1

Die volk het erg begin kla in die ore van die Here. Toe die Here dit hoor, het sy toorn ontbrand. Die vuur van die Here het teen hulle ontbrand, en dit het die rand van die kamp verteer.

Numeri 11:29

Maar Moses het vir hom gesê: “Is jy oorywerig ter wille van my? Ag, was die hele volk van die Here maar profete, dat die Here sy Gees oor hulle sou laat kom!”

Numeri 12:3

Maar die man Moses was baie beskeie, meer as enige mens op aarde.

Numeri 16:3

Hulle het hulle teen Moses en Aäron opgestel en vir hulle gesê: “Julle gaan nou te ver! Want die hele volksvergadering, hulle almal, is heilig, en die Here is in hulle midde. Waarom verhef julle julleself bo die geloofsgemeenskap van die Here?”

Romeine 12:10

Julle moet mekaar liefhê met innige broederliefde. Gaan mekaar voor in eerbetoning.

Romeine 12:3

Deur die genade wat aan my gegee is, sê ek vir elkeen van julle dat jy nie meer van jouself moet dink as wat jy behoort nie, maar dat jy jou gedagtes daarop moet instel om verstandig te wees, volgens die maat van geloof wat God aan elkeen toebedeel het.

Filippense 2:14

Doen alles sonder kla en teenpraat,

Filippense 2:3

deur nie iets uit selfsug of ydelheid te doen nie, maar in nederigheid die een die ander hoër te ag as homself;

1 Petrus 5:5

Net so moet julle wat jonk is, ondergeskik wees aan ouer mense. Beklee julle almal met nederigheid teenoor mekaar, want “God weerstaan hoogmoediges, maar aan nederiges gee Hy genade.”