Nehemia 9:9 - Die Bybel 2020-vertaling

⁹ “ U het die ellende van ons voorouers in Egipte raakgesien, hulle noodkreet by die Rietsee het U gehoor.

Bybel vir almal

⁹ “U het gesien dit gaan sleg met ons voorvaders in Egipte. U het geluister toe hulle na U geroep het by die Riet-see en gevra het dat U hulle moet help.

Afrikaans 1933-1953

⁹ En U het die ellende van ons vaders in Egipte aangesien en hulle geroep by die Skelfsee gehoor,

Afrikaans 1983

⁹ U het die nood van ons voorvaders in Egipte gesien, gehoor toe hulle by die Rietsee om hulp geroep het,

Contemporary Afrikaans Bible 2023

⁹ En het die ellende van ons vaders in Egipte gesien en hulle geroep by die Skelfsee gehoor;

Die Boodskap

⁹ U het gesien hoe ons voorouers in Egipte gely het. U het gehoor toe hulle ernstig om hulp geroep het by die Rietsee.

Nuwe Lewende Vertaling

⁹ “U het gesien hoe ons voorouers swaarkry in Egipte, U het gehoor hoe hulle roep by die Rietsee.

Nehemia 9:9 Kruisverwysings

Eksodus 14:31

Toe Israel die magtige daad sien wat die Here teen Egipte gedoen het, het die volk vir die Here ontsag gehad en hulle vertroue in die Here en in sy dienskneg, Moses, gestel.

Eksodus 2:25

God het die Israeliete raakgesien, ja, God het kennis geneem.

Eksodus 3:16

“ Gaan, en bring die oudstes van Israel byeen, en sê vir hulle, ‘Die Here, die God van julle voorvaders, die God van Abraham, Isak en Jakob, het aan my verskyn en gesê: “Ek gee noukeurig aandag aan julle en aan wat julle in Egipte aangedoen word.

Esegiël 20:6

Op daardie dag het Ek my hand vir hulle opgehef dat Ek hulle uit Egipteland sal uitlei na 'n land wat Ek vir hulle uitgesoek het, 'n land wat oorloop van melk en heuning; dit is 'n sieraad onder al die lande.

Handelinge 7:34

Ek het duidelik die mishandeling van my volk in Egipte gesien en hulle jammerklag gehoor; daarom het ek neergedaal om hulle te red. En nou, kom nader, Ek wil jou na Egipte stuur.’

Handelinge 7:7

Maar Ek sal die nasie straf wat hulle as slawe aanhou,’ het God gesê, ‘en daarna sal hulle uitgaan en My op hierdie plek dien’.