Nehemia 9:8 - Die Bybel 2020-vertaling

⁸ U het sy hart getrou teenoor U bevind en met hom die verbond gesluit om aan hom te gee die land van die Kanaäniete, die Hetiete, die Amoriete en Feresiete, die Jebusiete en Girgasiete, om dit aan sy nageslag te gee. U het u woord gestand gedoen, want U is regverdig.

Bybel vir almal

⁸ U het gesien dat hy vir U glo, en U het 'n verbond gemaak met hom. U het belowe om vir hom en sy nageslag die land te gee, die land van die Kanaäniete, die Hetiete, die Amoriete, die Feresiete, die Jebusiete, die Girgasiete. U het gedoen wat U belowe het, want U doen altyd wat reg is.

Afrikaans 1933-1953

⁸ En U het sy hart getrou bevind voor u aangesig, en U het met hom die verbond gesluit om die land te gee van die Kanaäniete, Hetiete, Amoriete en Feresiete en Jebusiete en Girgasiete, om dit aan sy nageslag te gee; en U het u woorde vervul, want U is regverdig.

Afrikaans 1983

⁸ U het hom getrou teenoor U bevind, met hom 'n verbond gesluit dat U die land van die Kanaäniete, die Hetiete en Amoriete, die Feresiete, Jebusiete en Girgasiete, aan sy nageslag sou gee, en U het u belofte nagekom; U is betroubaar.

Contemporary Afrikaans Bible 2023

⁸ En hy het sy hart getrou voor jou gegrond en 'n verbond met hom gesluit om die land van die Kanaäniete, die Hetiete, die Amoriete en die Feresiete en die Jebusiete en die Girgasiete te gee om dit, sê ek, aan sy nageslag te gee, en het u woorde volbring; want jy is regverdig:

Die Boodskap

⁸ Toe U sien dat hy U alleen gedien het, het U met hom ’n ooreenkoms aangegaan dat U die land van die Kanaäniete, die Hetiete, die Amoriete, die Feresiete, die Jebusiete en die Girgasiete aan hom en sy kinders sou gee. U het u woord gehou omdat U onder alle omstandighede betroubaar is.

Nuwe Lewende Vertaling

⁸ Toe U sien dat hy getrou was, het U ’n verbond gesluit met hom om aan hom en sy nageslag die land van die Kanaäniete, die Hetiete en Amoriete, die Feresiete, Jebusiete en Girgasiete te gee. U het gedoen wat U beloof het, want U is getrou aan u woord.

Nehemia 9:8 Kruisverwysings

Genesis 12:7

Die Here verskyn toe aan Abram en sê: “Aan jou nageslag gee Ek hierdie land.” Hy het toe daar 'n altaar gebou vir die Here wat aan hom verskyn het.

Genesis 15:6

Hy het die Here geglo. En Hy het dit vir hom as geregtigheid toegereken.

Genesis 22:12

“Moenie jou hand na die seun uitsteek nie,” het Hy gesê, “en moenie enigiets aan hom doen nie! Want nou weet Ek dat jy vir God ontsag het. Jy het nie jou seun, jou enigste, van My teruggehou nie.”

2 Samuel 22:31

“God, sy weg is volmaak; die woord van die Here is gelouter. Hy is 'n skild vir almal wat by Hom skuil.

1 Kronieke 1:14

en die voorvader van die Jebusiete, die Amoriete, die Girgasiete,

1 Kronieke 16:16

wat Hy gesluit het met Abraham en met 'n eed beloof het aan Isak.

Esra 9:15

Here, God van Israel, U is regverdig, en tog het U ons laat oorbly as mense wat vry geraak het, soos dit vandag is. Hier is ons voor U met ons skuld, omdat niemand hieroor voor U kan bly staan nie.”

Nehemia 9:33

U was regverdig in alles wat oor ons gekom het, ja, U het in trou opgetree – ons was skuldig.

Psalms 116:5

Genadig is die Here en regverdig; ons God is barmhartig.

Eksodus 3:17

Ek verklaar dan: Ek sal julle laat optrek, weg van die ellende in Egipte, na die land van die Kanaäniete, die Hetiete, die Amoriete, die Feresiete, die Hewiete en die Jebusiete, na 'n land wat oorloop van melk en heuning.” ’

Eksodus 3:8

Ek het afgekom om hulle uit die hand van Egipte te red en hulle uit daardie land te laat optrek na 'n goeie en uitgestrekte land, na 'n land wat oorloop van melk en heuning, die woonplek van die Kanaäniete, die Hetiete, die •Amoriete, die Feresiete, die Hewiete en die Jebusiete.

Esegiël 33:24

“Mensekind, dié wat op daardie puinhope in die land Israel woon, sê, ‘Abraham was net een, en hy het die land in besit geneem. Ons is baie, en aan ons is die land gegee as eiendom.’

Numeri 13:29

Die Amalekiete woon in die Suidland, die Hetiete, Jebusiete en •Amoriete woon in die bergwêreld, terwyl die Kanaäniete by die see en langs die Jordaan woon.”

Numeri 23:19

God is nie 'n man, dat Hy sou lieg nie, en nie 'n mensekind, dat Hy van plan sou verander nie. Sou Hy iets sê en dit nie doen nie, sou Hy praat en dit nie gestand doen nie?

Handelinge 13:22

Nadat God hom as koning verwyder het, het Hy Dawid tot hulle koning gemaak. Oor hom het Hy soos volg getuig, ‘In Dawid, die seun van Isai, het Ek 'n man na my hart gevind, wat al my wilsbesluite sal uitvoer. ’

Deuteronomium 26:3

Wanneer jy by die priester aankom wat in dié dae daar sal wees, moet jy vir hom sê, ‘Ek maak vandag aan die Here u God bekend dat ek aangekom het in die land wat die Here met 'n eed aan ons voorvaders beloof het om aan ons te gee.’

Deuteronomium 32:4

die Rots! Volmaak is sy werk, ja, al sy paaie is 'n maatstaf. 'n Betroubare God, sonder onreg, regverdig en onkreukbaar is Hy.

Deuteronomium 7:1

“ Wanneer die Here jou God jou in die land bring waarheen jy op pad is om dit in besit te neem, en Hy baie nasies voor jou uitdryf, sewe nasies wat groter en magtiger is as jy – die Hetiete, Girgasiete, Amoriete, Kanaäniete, Feresiete, Hewiete en Jebusiete –

Deuteronomium 9:5

en nie op grond van jou regverdigheid of opregte hart nie, dat jy ingaan om hulle land in besit te neem. Dit is vanweë die goddeloosheid van hierdie nasies dat die Here jou God hulle voor jou uit verdryf, en sodat Hy die belofte gestand kan doen wat Hy met 'n eed bevestig het aan jou voorvaders, Abraham, Isak en Jakob.

Titus 1:2

in die hoop op die ewige lewe wat God, wat nie kan lieg nie, reeds voor alle tye beloof het,

Hebreërs 11:17

Deur geloof het Abraham, toe hy getoets is, Isak as offer aangebied, en was hy op die punt om sy enigste te offer – hy wat die beloftes ontvang het,

Hebreërs 6:18

Die doel daarvan was dat, deur hierdie twee onveranderlike dinge, waarvolgens dit vir God onmoontlik sou wees om te lieg, ons wat vrygekom het, 'n kragtige bemoediging sou hê om stewig vas te hou aan die hoop wat voorlê.

Josua 11:23

Josua het die hele landstreek verower, net soos die Here vir Moses gesê het. Josua het dit aan Israel as erfdeel gegee, ooreenkomstig die indeling van hulle stamme. Die land het toe gerus van oorlog.

Josua 11:3

die Kanaäniete in die ooste en weste, die Amoriete, die Hetiete, en Feresiete, die Jebusiete in die bergland en die Hewiete onderkant Hermon in die Mispestreek.

Josua 23:14

Kyk, ek loop vandag die pad van almal op aarde. Erken met julle hele hart en julle hele wese dat nie een woord van al die goeie beloftes wat die Here julle God teenoor julle uitgespreek het, onvervuld gebly het nie; alles is vir julle vervul, nie een woord daarvan het onvervuld gebly nie.

Josua 9:1

Toe al die konings wat anderkant die Jordaan was, dit hoor – in die bergland, die Sjefela, en langs die hele kus van die Groot See tot teen die Libanon; dit is die Hetiete, die Amoriete, die Kanaäniete, die Feresiete, die Hewiete en die Jebusiete –

1 Johannes 1:9

As ons ons sondes bely – Hy is getrou en regverdig, en daarom sal Hy ons ons sondes vergeef en ons van alle kwaad reinig.