Nehemia 9:14 - Die Bybel 2020-vertaling

¹⁴ U heilige Sabbat het U aan hulle bekend gestel; gebooie, vaste voorskrifte en 'n wet het U hulle opgelê by monde van Moses, u dienskneg.

Bybel vir almal

¹⁴ U het vir hulle geleer van u gewyde Sabbatdag en U het vir Moses gestuur om wette vir hulle te gee.

Afrikaans 1933-1953

¹⁴ En u heilige sabbat het U aan hulle bekend gemaak, en gebooie en insettinge en 'n wet deur die diens van u kneg Moses hulle beveel.

Afrikaans 1983

¹⁴ U het hulle geleer van u gewyde sabbat en aan hulle gebooie, voorskrifte en 'n wet gegee deur Moses, u dienaar.

Contemporary Afrikaans Bible 2023

¹⁴ En u heilige sabbat aan hulle bekend gemaak en voorskrifte, insettinge en wette aan hulle beveel deur die hand van u kneg Moses.

Die Boodskap

¹⁴ U het hulle geleer wat U van hulle verwag op die sabbat. U het u wil baie duidelik in die gebooie en in al u ander wette bekendgemaak deur u dienaar Moses.

Nehemia 9:14 Kruisverwysings

Genesis 2:3

God het die sewende dag geseën; Hy het dit heilig verklaar, want op dié dag het Hy gerus van al sy werk – dit wat God geskep het deur dit te maak.

Nehemia 1:8

Onthou asseblief die woord wat U u dienskneg Moses opgedra het, ‘As julle ontrou is, sal Ek julle verstrooi onder die volke,

Nehemia 10:32

Ons lê onsself die verpligting op om jaarliks 'n derde van 'n sikkel af te staan vir die diens in die huis van ons God:

Eksodus 16:23

Hy sê toe vir hulle: “Dit is wat die Here gesê het, ‘Môre is dit 'n buitengewone Sabbat, 'n heilige Sabbat tot eer van die Here. Wat julle wil bak, moet julle bak, en wat julle wil kook, moet julle kook. Alles wat te veel is, moet julle veilig bêre tot die oggend.’ ”

Eksodus 16:29

Julle moet insien dat die Here vir julle die Sabbat gegee het – daarom gee Hy op die sesde dag twee dae se brood. Elkeen moet bly waar hy is; niemand mag op die sewende dag sy blyplek verlaat nie.”

Eksodus 24:12

Die Here het vir Moses gesê: “Kom na My toe op die berg en bly daar. Ek sal vir jou die kliptafels gee met die wet, met die opdragte wat Ek geskryf het, om hulle te onderrig.”

Esegiël 20:11

en vir hulle my vaste voorskrifte gegee. My bepalings het Ek aan hulle bekend gemaak, dit wat 'n mens moet doen, sodat hy daardeur kan leef.

Esegiël 20:12

Ook my Sabbatte het Ek vir hulle gegee, sodat dit 'n teken sou wees tussen My en hulle, sodat hulle kon besef dat Ek, die Here, hulle heilig.

Esegiël 20:20

My Sabbatte moet julle heilig hou, sodat dit 'n teken kan wees tussen My en julle, sodat julle kan erken dat Ek, die Here, julle God is.’

Levitikus 19:3

Elkeen van julle moet vir sy moeder en vader ontsag hê, en my Sabbatte moet julle onderhou. Ek is die Here julle God.

Levitikus 27:34

Dit is die gebooie wat die Here Moses by die berg Sinai gegee het om aan die Israeliete oor te dra.

Johannes 1:17

Want die wet is deur Moses gegee; die genade en die waarheid het deur Jesus Christus gekom.

Deuteronomium 4:45

Dit is die bepalings, die vaste voorskrifte en beslissings wat hy met hulle uittog uit Egipte vir hulle afgekondig het

Deuteronomium 4:5

“ Kyk, ek leer julle die vaste voorskrifte en beslissings soos die Here my God my beveel het, sodat julle daarvolgens kan leef in die land waarheen julle op pad is en wat julle in besit gaan neem.

Deuteronomium 5:31

Maar jy, kom staan hier by My, sodat Ek die volledige gebod, die vaste voorskrifte en beslissings wat jy vir hulle moet leer, aan jou kan voorhou. Hulle moet dit uitleef in die land wat Ek vir hulle gaan gee om in besit te neem.’