Nehemia 9:13 - Die Bybel 2020-vertaling

¹³ “ Op die berg Sinai het U neergedaal, met hulle uit die hemel gepraat. U het vir hulle gepaste beslissings gegee – betroubare wette, goeie voorskrifte en gebooie.

Bybel vir almal

¹³ U het afgekom na Sinai-berg, U het uit die hemel met hulle gepraat en vir hulle wette gegee wat reg en goed was.

Afrikaans 1933-1953

¹³ En op die berg Sinai het U neergedaal en met hulle gespreek uit die hemel, en U het aan hulle regte verordeninge en betroubare wette, goeie insettinge en gebooie gegee.

Afrikaans 1983

¹³ U het op Sinaiberg afgekom, met hulle uit die hemel gepraat en vir hulle bepalings vasgestel wat billik is, wette wat vas staan, voorskrifte en gebooie wat goed is.

Contemporary Afrikaans Bible 2023

¹³ U het ook op die berg Sinai neergedaal en uit die hemel met hulle gespreek en aan hulle regte verordeninge en ware wette, goeie insettinge en gebooie gegee.

Die Boodskap

¹³ U het afgekom uit die hemel na die berg Sinai toe en uit u woonplek met hulle gepraat. Die opdragte wat U vir hulle gegee het, was nie moeilik om te gehoorsaam nie. U wette is vir altyd waar en geldig. Dit wat U voorskryf, is goed en reg.

Nuwe Lewende Vertaling

¹³ “U het uit die hemel na Sinaiberg toe afgekom en met hulle gepraat. U het vir hulle gegee: voorskrifte wat regverdig is en gebooie wat seker is, voorskrifte en bevele wat goed is.

Nehemia 9:13 Kruisverwysings

2 Konings 17:37

Die vaste voorskrifte, die bepalings, die wet en die gebod wat Hy vir julle neergeskryf het, moet julle altyd noukeurig nakom. Julle mag nie vir ander gode ontsag hê nie.

Esra 7:6

Hierdie Esra het opgetrek uit Babilonië. Hy was self 'n skrifgeleerde, kundig in die Wet van Moses wat die Here, die God van Israel, gegee het. Die koning het alles wat hy gevra het aan hom gegee, omdat die Here, sy God, se hand oor hom was.

Psalms 119:137

Regverdig is U, Here, en u beslissings is reg.

Psalms 119:160

Die wese van u woord is betroubaarheid, en elkeen van u regverdige beslissings is vir ewig.

Psalms 119:4

U het self u opdragte gegee, sodat mense dit noukeurig sal nakom.

Eksodus 16:23

Hy sê toe vir hulle: “Dit is wat die Here gesê het, ‘Môre is dit 'n buitengewone Sabbat, 'n heilige Sabbat tot eer van die Here. Wat julle wil bak, moet julle bak, en wat julle wil kook, moet julle kook. Alles wat te veel is, moet julle veilig bêre tot die oggend.’ ”

Eksodus 19:11

Hulle moet gereed wees op die derde dag, want op die derde dag sal die Here, voor die oë van die hele volk, op die berg Sinai neerdaal.

Eksodus 20:1

Toe het God al hierdie woorde gespreek:

Eksodus 20:22

Die Here het vir Moses gesê: “So moet jy vir die Israeliete sê, ‘Julle het self gesien dat Ek uit die hemel met julle praat.

Jesaja 64:1

As U maar die hemel wou oopskeur en afdaal – die berge sal bewe van u teenwoordigheid.

Jesaja 64:3

Toe U ontsagwekkende dade gedoen het wat ons nie verwag het nie, het U afgedaal; vanweë u teenwoordigheid het die berge gebewe.

Habakuk 3:3

Toe God uit Teman kom, die Heilige van die Paranberge, •Sela het sy luister die hemelruim bedek, sy lof die aarde gevul.

Romeine 7:16

En as ek dit doen wat ek nie wil nie, gee ek toe dat die wet goed is.

Deuteronomium 33:2

Hy het gesê: “Van Sinai af het die Here gekom, van Seïr af het Hy vir Israel lig laat skyn, laat straal van die berg Paran af. By Hom was tienduisende heiliges; in sy regterhand was 'n wet van vuur vir hulle;

Deuteronomium 4:33

Het enige volk al die stem van 'n god gehoor wat uit vuur praat, soos wat julle self gehoor het, en nogtans bly leef het?

Deuteronomium 4:36

“ Uit die hemel het Hy julle sy stem laat hoor om julle op te voed, en op die aarde het Hy julle sy groot vuur laat sien. En sy woorde het julle uit die vuur gehoor.

Deuteronomium 4:8

Watter ander groot nasie het vaste voorskrifte en beslissings wat so regverdig is soos hierdie hele wet wat ek vandag aan julle gaan voorhou?

Deuteronomium 5:4

“ Op die berg het die Here uit die vuur van aangesig tot aangesig met julle gepraat.