Nehemia 7:5 - Die Bybel 2020-vertaling

⁵ God het my dit op die hart gelê, en ek het die hoëlui, die gesagsdraers en die volk byeengebring om geregistreer te word. Ek het afgekom op 'n geslagsregister van hulle wat eerste uit die ballingskap weggetrek het. Daarin staan toe geskryf:

Bybel vir almal

⁵ My God het my laat besluit om die belangrike mense en die leiers bymekaar te bring sodat ons die mense se name op die naamlys kon skryf. En toe kry ek 'n ander lys, die name van die mense wat eerste teruggekom het na Juda, was daarop geskryf. Ek het gesien hulle het daarop geskryf:

Afrikaans 1933-1953

⁵ Toe het my God in my hart gegee dat ek die edeles en die leiers en die volk bymekaar laat kom het om 'n geslagslys aan te lê; en ek het die geslagslys gekry van die wat eerste opgetrek het, en daarin geskrywe gevind:

Afrikaans 1983

⁵ My God het my die besluit laat neem om die vooraanstaande burgers, die amptenare en die ander mense te laat bymekaarkom vir opname in die familieregister. Ek het die register van dié wat eerste teruggekom het, in die hande gekry, en daarin die volgende opgeskryf gevind:

Contemporary Afrikaans Bible 2023

⁵ En my God het dit in my hart gegee om die edeles en die owerstes en die volk bymekaar te bring, sodat hulle volgens die geslagsregister gereken kan word. En ek het 'n register gevind van die geslagsregister van hulle wat eers opgekom het, en daarin geskrywe gevind:

Die Boodskap

⁵ God het my toe die idee gegee om die mense, die gewone inwoners, die vooraanstaande inwoners en hulle leiers bymekaar te laat kom sodat ek hulle amptelik kon registreer. Ek het die register met die name van dié wat eerste uit ballingskap teruggekom het, in die hande gekry en hierdie is die inligting wat daarin was:

Nuwe Lewende Vertaling

⁵ My God het my toe die idee gegee om al die leiers, die amptenare en die mense bymekaar te roep en volgens hulle families te registreer. Ek het op die register afgekom met die name van die mense wat eerste uit ballingskap teruggekom het. Daarin het geskryf gestaan:

Nehemia 7:5 Kruisverwysings

Esra 2:62

Hierdie mense het hulle inskrywings in die geslagsregisters probeer opspoor, maar kon dit nie vind nie. Hulle is toe as •onrein vir die priesterskap verklaar.

Esra 7:27

Lofwaardig is die Here, die God van ons voorouers! Dit is Hy wat dit op so 'n manier in die koning se hart gelê het om luister te verleen aan die huis van die Here wat in Jerusalem is,

Nehemia 5:19

Onthou, tot my voordeel, my God, alles wat ek vir hierdie volk gedoen het.

Nehemia 6:14

Onthou tog, my God, vir Tobija en Sanballat, oor hierdie dade van hulle, en ook Noadja, die profetes, en die res van die profete wat my wou bangmaak.

Nehemia 7:4

Die stad was groot en uitgestrek en die mense daarin was min. Die huise was nog nie herbou nie.

Nehemia 7:64

Hierdie mense het hulle inskrywings in die geslagsregisters probeer opspoor, maar kon dit nie vind nie. Hulle is toe as •onrein vir die priesterskap verklaar.

Spreuke 2:6

Ja, net die Here gee wysheid, uit sy mond kom kennis en verstandigheid.

Spreuke 3:6

Ken Hom in al jou weë, en Hy sal jou paaie reguit maak.

1 Korinthiërs 15:10

Maar deur die genade van God is ek wat ek is. Sy genade aan my was nie vergeefs nie, trouens, ek het baie harder gewerk as al die ander – eintlik nie ek nie, maar die genade van God, wat met my is.

2 Korinthiërs 3:5

Nie dat ons uit onsself bekwaam is om te reken dat iets uit onsself kom nie – nee, ons bekwaamheid kom van God.

2 Korinthiërs 8:16

En aan God die dank, wat dieselfde ywer in julle belang in die hart van Titus gegee het.

Kolossense 1:29

Daarvoor span ek my ook in, terwyl ek die worstelstryd voer, in ooreenstemming met sy krag, wat met mag in my werk.

Jakobus 1:16

Moenie mislei word nie, my geliefde broers.