Nehemia 6:9 - Die Bybel 2020-vertaling

⁹ Ja, hulle almal wou ons bang maak en het gedink: Hulle hande sal slap word vir die werk, sodat hulle dit nie sal doen nie. Daarom, maak my hande sterk, my Heer!

Bybel vir almal

⁹ Ja, hulle almal wou ons laat skrik, hulle het gedink ons sal moedeloos word, en die werk sal nie klaarkom nie. Daarom het ek gebid dat ek sterk sal bly.

Afrikaans 1933-1953

⁹ Want hulle almal wou ons bang maak en het gedink: Hulle hande sal die werk laat lê, sodat dit nie gedoen word nie. Versterk dan nou my hande!

Afrikaans 1983

⁹ Hulle het almal geprobeer om ons die skrik op die lyf te ja, met die gedagte: Hulle sal die werk laat staan en dit sal nie klaarkom nie. Sterk tog my hande, o God!

Contemporary Afrikaans Bible 2023

⁹ Want hulle het ons almal bang gemaak en gesê: Hulle hande sal verswak word van die werk, dat dit nie gedoen word nie. Versterk my hande dan nou, o God.

Die Boodskap

⁹ Hulle het ons probeer intimideer sodat ons moes ophou met die werk aan die muur. Maar ek het gebid: “God, maak my sterk sodat ek staande sal bly!”

Nuwe Lewende Vertaling

⁹ Dit was bloot hulle manier om ons te intimideer. Hulle het gedink dit sou ons moedeloos maak en dat die werk tot stilstand sou kom. Ek het vir krag gebid dat die werk kon voortgaan.

Nehemia 6:9 Kruisverwysings

2 Kronieke 15:7

Maar julle, wees dapper en moenie moed verloor nie, want daar is 'n beloning vir julle werk.”

2 Kronieke 32:18

Hulle het dit in Judees uitgeskreeu vir die manskappe van Jerusalem wat op die muur was, om hulle bang te maak en hulle te verskrik, sodat hulle die stad kon inneem.

Esra 1:6

Al die mense in hulle omgewing het hulle ondersteun met voorwerpe van silwer, met goud, goedere, vee en kosbare geskenke, afgesien van alles wat ook nog vrywillig gegee is.

Nehemia 6:14

Onthou tog, my God, vir Tobija en Sanballat, oor hierdie dade van hulle, en ook Noadja, die profetes, en die res van die profete wat my wou bangmaak.

Psalms 138:3

Die dag toe ek geroep het, het U my geantwoord. U maak my innerlik sterker.

Psalms 56:3

My teenstanders treiter my die hele dag, ja, baie veg teen my uit die hoogte.

Psalms 68:35

Erken die krag van God, dat Hy hoog verhewe oor Israel is en dat sy krag in die wolke lê.

Psalms 71:1

By U, Here, skuil ek; laat my nie vir altyd beskaamd staan nie.

Jesaja 40:29

Dit is Hy wat vermoeides krag gee, wat lewenskrag vermeerder vir dié wat geen vermoëns het nie.

Jesaja 41:10

Moenie bang wees nie, want Ek is by jou; moenie vrees nie, want Ek is jou God. Ek versterk jou; ook help Ek en ondersteun Ek jou met my seëvierende regterhand.

Jeremia 38:4

Die •hoë amptenare sê toe vir die koning: “Hierdie man moet tog doodgemaak word! Op stuk van sake is hy besig om die hande van die krygsmanne wat nog in hierdie stad oor is, en die hande van die hele volk, lam te maak deur hierdie woorde vir hulle te sê. Ja, dié man soek nie vrede vir hierdie volk nie, maar teenspoed.”

Esegiël 30:24

Ek sal die koning van Babilonië se arms sterk maak en my swaard in sy hand gee. Maar Ek sal die arms van die farao breek. Dodelik verwond, sal hy kreunend voor hom kerm.

Sagaria 10:12

“Ek sal hulle sterk maak in die Here; in sy Naam sal hulle leef,” is die uitspraak van die Here.

2 Korinthiërs 12:9

Maar Hy het vir my gesê: “My genade is vir jou genoeg, want my krag word in swakheid volbring.” Daarom sal ek my baie liewer op my swakhede beroem, sodat Christus se krag my kan beskut.

Efesiërs 3:16

Ek bid dat Hy vir julle na die rykdom van sy heerlikheid dít sal skenk: om deur sy Gees met krag na die innerlike mens versterk te word,

Efesiërs 6:10

Ten slotte: Vind jou sterkte in die Here en in sy geweldige krag.

Filippense 4:13

Tot dit alles is ek in staat deur Hom wat my krag gee.

Hebreërs 12:12

Daarom, tel op die slap hande en die lam knieë,

1 Petrus 5:10

Maar al moes julle vir 'n kort tydjie ly, sal die God van alle genade, wat julle tot sy ewige heerlikheid in •Christus Jesus geroep het, julle herstel, bemagtig, versterk en stewig vestig.

1 Samuel 30:6

Dawid was erg in die noute, want die manskappe het gedreig om hom te stenig. Al die manskappe was immers bitter ontsteld, elkeen oor sy seuns en dogters. Maar Dawid het krag gevind by die Here sy God.