Nehemia 6:10 - Die Bybel 2020-vertaling

¹⁰ Ek het self na die huis van Semaja, seun van Delaja, seun van Mehetabel, gegaan. Hy was ingeperk, maar het gesê: “Ons moet by die huis van God ontmoet, in die •tempel. Ons moet die deure van die tempel sluit, want hulle kom om jou dood te maak; in die nag kom hulle om jou dood te maak.”

Bybel vir almal

¹⁰ Ek het gegaan na die huis van Semaja seun van Delaja seun van Mehetabel. Hy kon nie uit sy huis kom nie. Hy het vir my gesê: “Ons moet mekaar in die tempel ontmoet, binne-in die gebou. Dan sluit ons die deure, want daar is mense wat jou wil kom doodmaak. Hulle wil dit vannag doen.”

Afrikaans 1933-1953

¹⁰ En toe ek in die huis van Semája, die seun van Delája, die seun van Mehetábeël kom, terwyl hy verhinder was, sê hy: Laat ons saamkom in die huis van God, binne-in die tempel, en laat ons die deure van die tempel toesluit; want hulle kom om u dood te maak, ja, hulle sal in die nag kom om u dood te maak.

Afrikaans 1983

¹⁰ Ek het by Semaja seun van Delaja, seun van Mehetabel, gekom waar hy homself in sy huis toegesluit het. Hy het vir my gesê: “Kom ons ontmoet mekaar in die huis van God, binne-in die tempel, en laat ons dan die deure van die tempel sluit, want daar kom mense om jou dood te maak, hulle kom vannag om jou dood te maak.”

Contemporary Afrikaans Bible 2023

¹⁰ Daarna het ek gekom by die huis van Semája, die seun van Delaja, die seun van Mehetabeël, wat opgesluit was; en hy sê: Laat ons saamkom in die huis van God, binne-in die tempel, en laat ons die deure van die tempel sluit, want hulle sal kom om jou dood te maak; ja, in die nag sal hulle kom om jou dood te maak.

Die Boodskap

¹⁰ Later het ek na Semaja seun van Delaja en die kleinseun van Mehetabel toe gegaan waar hy homself in sy huis toegesluit het. Hy het vir my gesê: “Ons twee moet saam in die woonplek van God, daar in die heiligste deel van die tempel, gaan wegkruip. Ons moet die deur sluit, want daar kom vannag mense om jou dood te maak.”

Nuwe Lewende Vertaling

¹⁰ Semaja seun van Delaja en kleinseun van Mehetabel was in sy huis toegesluit. Ek het hom gaan besoek. Hy het gesê: “Kom ons ontmoet mekaar in die tempel van God en sluit die deure van die tempel. U vyande is op pad om u vannag te kom doodmaak.”

Nehemia 6:10 Kruisverwysings

Genesis 36:39

Baäl-Ganan, seun van Agbor, het gesterf, en in sy plek het Hadar koning geword; die naam van sy dorp was Paü. Sy vrou se naam was Mehetabel, dogter van Matred, dogter van Me-Sahab.

1 Konings 6:5

en rondom, teen die buitemuur van die tempel, het hy 'n struktuur opgerig – dit is reg rondom die mure van die tempel, aan die hoofvertrek en aan die heiligste deel. Hy het rondom sykamers daarin aangebring.

2 Konings 11:3

Saam met haar is hy ses jaar lank versteek in die huis van die Here, terwyl Atalia oor die land regeer het.

2 Konings 9:8

Die hele huis van Agab sal ten gronde gaan. Ek sal van Agab die mansmense in Israel uitroei, hulle wat gevange is en hulle wat vrygelaat is.

2 Kronieke 28:24

Agas het die toebehore in die huis van God bymekaargemaak en die toebehore van die huis van God stukkend geslaan. Hy het die deure van die huis van die Here gesluit en vir hom altare opgerig op elke straathoek in Jerusalem.

2 Kronieke 29:3

Hy is die een wat reeds in die eerste jaar van sy regering, in die eerste maand al, die deure van die huis van die Here oopgemaak en dit herstel het.

2 Kronieke 29:7

Hulle het selfs die deure van die portaal gesluit en die lampe uitgedoof. Reukwerk het hulle nie gebrand nie, en •brandoffers het hulle nie in die heiligdom vir die God van Israel gebring nie.

Esra 10:31

uit die nageslag van Garim was dit Eliëser, Jissija, Malkija, Semaja, Simeon,

Esra 8:16

Ek het toe vir Eliëser, Ariël, Semaja, Elnatan, Jarib, Elnatan, Natan, Sagaria en Mesullam, die familiehoofde, asook Jojarib en Elnatan, verstandige manne, ontbied

Nehemia 6:12

Ek het besef: Kyk, dit is nie God wat hom gestuur het nie; maar die profesie het hy self oor my uitgespreek. Dit is Tobija en Sanballat wat hom gehuur het.

Psalms 12:2

Verlos tog, Here! Want daar is nie meer getroue volgelinge nie; die betroubares onder die mense het verdwyn.

Psalms 37:12

'n Goddelose beplan onheil teen die regverdige en kners op sy tande vir hom.

Spreuke 11:9

Met die mond vernietig 'n ongelowige sy medemens, maar deur kennis word regverdiges bevry.

Jeremia 36:5

Jeremia het Barug opdrag gegee: “Ek is ingeperk, ek mag nie na die huis van die Here gaan nie.

Esegiël 3:24

'n Gees het oor my gekom en my regop laat staan. Die Here het met my gepraat en vir my gesê: “Gaan, sluit jouself binne-in jou huis toe.

Maleagi 1:10

“Was daar maar iemand onder julle wat die tempeldeure kon toesluit, sodat julle nie die vuur op my altaar verniet aan die brand steek nie. Ek is julle nie goedgesind nie,” sê die Here, Heerser oor alle magte. “'n Offer uit julle hand is nie vir My aanvaarbaar nie.

Matteus 7:15

“Wees op julle hoede vir die vals profete wat in skaapsklere na julle kom, maar in hulle binneste wolwe is wat verskeur.

Johannes 3:20

Want elkeen wat kwaad doen, haat die lig en kom nie na die lig nie, sodat sy dade nie aan die kaak gestel kan word nie.

Handelinge 21:30

Die hele stad was in rep en roer, en daar het 'n samedromming van die volk ontstaan. Hulle het Paulus gegryp en hom uit die tempelterrein gesleep, en die poorte is dadelik gesluit.