Nehemia 4:7 - Die Bybel 2020-vertaling

⁷ Toe Sanballat, Tobija, die Arabiere, Ammoniete en mense van Asdod hoor dat die herstelwerk aan die mure om Jerusalem vorder, dat die bresse begin toegaan, het hulle baie kwaad geword.

Bybel vir almal

⁷ Sanballat en Tobija en die Arabiere en die Ammoniete en die mense van Asdod het baie kwaad geword toe hulle hoor dat die Judeërs die muur regmaak en dat dit goed gaan met die werk. Hulle het gehoor dat amper al die stukkende plekke in die muur weer reg is.

Afrikaans 1933-1953

⁷ Maar toe Sanbállat en Tobía en die Arabiere en die Ammoniete en die Asdodiete hoor dat die verbetering aan die mure van Jerusalem vorder, dat die skeure begin toeraak, het hulle baie kwaad geword.

Afrikaans 1983

⁷ Sanballat, Tobija, die Arabiere, die Ammoniete en die mense van Asdod was hewig ontsteld toe hulle hoor die herstel aan Jerusalem se mure vorder en die afgebreekte gedeeltes is byna klaar opgebou.

Contemporary Afrikaans Bible 2023

⁷ Maar dit het gebeur dat toe Sanballat en Tobía en die Arabiere en die Ammoniete en die Asdodiete hoor dat die mure van Jerusalem opgebou is en dat die skeure begin stop is, het hulle baie kwaad geword.

Die Boodskap

⁷ Toe Sanballat, Tobija, die Arabiere en die inwoners van Asdod hoor dat ons goed vorder en dat daar byna geen openinge meer in die muur was nie, was hulle baie kwaad.

Nuwe Lewende Vertaling

⁷ Die werk het gevorder en hulle het die gapings in die muur herstel. Toe Sanballat, Tobija, die Arabiere, die Ammoniete en die mense van Asdod dit hoor, het hulle baie kwaad geword.

Nehemia 4:7 Kruisverwysings

Genesis 3:15

Vyandskap sal Ek tussen jou en die vrou stel, en tussen jou nageslag en haar nageslag. Hy sal jou kop aanval, en jy sal sy hakskeen aanval.”

2 Konings 24:2

het die Here roofbendes van die Galdeërs, Arameërs, Moabiete en Ammoniete teen hom gestuur. Die Here het hulle teen Juda gestuur om hom te vernietig, ooreenkomstig die woord van die Here wat Hy by monde van sy diensknegte, die profete, gespreek het.

2 Kronieke 20:1

'n Tyd daarna het die Moabiete en Ammoniete, en saam met hulle van die Meüniete, teen Josafat opgetrek om oorlog te voer.

Esra 5:8

“ Ons stel graag die koning in kennis dat ons na die provinsie Juda gegaan het, na die huis van die groot God. Dit word met groot klippe gebou en balke word in die mure gelê. Die werk word sorgvuldig gedoen en vorder goed onder hulle hande.

Nehemia 2:10

Toe Sanballat uit Goron, en Tobija, die Ammonitiese amptenaar, dit hoor, het dit hulle baie sleg getref dat iemand gekom het om die Israeliete se welstand te bevorder.

Nehemia 2:19

Maar toe Sanballat uit Goron, Tobija, die Ammonitiese amptenaar, en Gesem, die Arabier, dit hoor, het hulle met ons die spot gedryf en ons veragtend aangespreek: “Wat is hierdie saak waarmee julle besig is? Wil julle in opstand kom teen die koning?”

Nehemia 4:1

Toe Sanballat hoor dat ons besig was om die muur te herbou, het dit hom ontstel en was hy baie geïrriteerd. Hy het die spot gedryf met die Judeërs.

Nehemia 4:6

Ons het die stadsmuur opgebou. Die dele van die hele muur is saamgevoeg tot op die helfte van sy hoogte. Die volk se hart was in hulle werk.

Nehemia 4:8

Hulle het almal as 'n eenheid saamgesweer om teen Jerusalem te kom veg, en by my verwarring te veroorsaak.

Nehemia 6:16

Toe al ons vyande dit hoor, het al die nasies rondom ons bang geword, en ons vyande het in hulle oë baie laag gedaal. Hulle het besef dat hierdie werk met God se bystand gedoen is.

Jeremia 25:20

en die hele gemengde bevolking; al die konings van die land Us; al die konings van die land van die Filistyne – Askelon, Gasa en Ekron, en dié wat oorgebly het in Asdod;

Jeremia 41:10

Daarna het Ismael almal wat van die volk oorgebly het, wat in Mispa was, in gevangenskap weggevoer – die dogters van die koning en al die mense wat in Mispa oorgebly het, oor wie Nebusaradan, die •aanvoerder van die lyfwag, vir Gedalja, seun van Agikam, aangestel het. Ismael, seun van Netanja, het hulle weggevoer en vertrek om oor te trek na die Ammoniete.

Amos 1:13

So sê die Here: “Oor drie oortredings van die Ammoniete, ja, oor vier, sal Ek dit nie herroep nie; omdat hulle swanger vroue van Gilead oopgekloof het sodat hulle hulle grondgebied kon uitbrei.

Amos 1:8

Ek sal die een wat op die troon sit, met geweld uit Asdod verwyder, die septerdraer uit Askelon. Ek sal my hand teen Ekron draai, en dié wat oorgebly het van die Filistyne sal omkom.” Dit het my Heer, die Here, gesê.

Amos 3:9

Basuin dit uit oor die vestings in Asdod, oor die vestings in Egipteland. Sê: “Kom bymekaar op die heuwels by Samaria, en aanskou die groot paniek in haar, die verdrukking in haar midde.”

Handelinge 5:33

Toe hulle dit hoor, was hulle rasend van woede en wou die apostels doodmaak.

Openbaring 12:17

Die draak was woedend vir die vrou, en het weggegaan om oorlog te voer teen die res van haar nageslag wat die gebooie van God nakom en vashou aan die getuienis wat Jesus gelewer het.

1 Samuel 11:2

Maar Nagas, die Ammoniet, het vir hulle gesê: “Op hierdie voorwaarde sal ek 'n ooreenkoms met julle sluit: Wanneer ek elkeen van julle se regteroog uitsteek en daardeur skande oor die hele Israel bring.”