Nehemia 4:10 - Die Bybel 2020-vertaling

¹⁰ Juda het gesê: “Die krag van die draers gee in, die puin is te veel. Ons alleen is nie in staat om die muur te herbou nie.”

Bybel vir almal

¹⁰ Die Judeërs het gesê: “Die mense wat die klippe moet dra, word moeg, en daar is groot hope grond wat hulle moet wegdra. Ons sal nie die muur klaar kan bou nie.”

Afrikaans 1933-1953

¹⁰ Maar Juda het gesê: Die krag van die lasdraers beswyk, en die puinhoop is groot, sodat ons nie aan die muur kan bou nie.

Afrikaans 1983

¹⁰ Die Judeërs het begin kla: “Die draers se kragte gee in, die puin is te veel. Ons gaan dit nie regkry om die muur klaar te bou nie.”

Contemporary Afrikaans Bible 2023

¹⁰ Toe sê Juda: Die krag van die lasdraers is vergaan, en daar is baie rommel; sodat ons nie die muur kan bou nie.

Die Boodskap

¹⁰ Die werkers in Juda het toe ’n treurige lied gesing: “Die bouers se kragte raak op, die rommel is net te veel om weg te vat, ons gaan nooit hierdie muur klaar gebou kry nie.”

Nuwe Lewende Vertaling

¹⁰ Maar die mense van Juda het begin sê: “Die bouers is besig om moeg te word en daar is baie rommel wat ons moet verwyder. Ons sal die muur nie alleen kan bou nie.

Nehemia 4:10 Kruisverwysings

2 Kronieke 2:18

Uit hulle het hy sewentigduisend draers gemaak, tagtigduisend klipkappers in die berge en drieduisend seshonderd was toesighouers om die mense te laat werk.

2 Kronieke 34:13

het ook beheer gehad oor die draers, en was toesighouers oor elke werker in elke soort werk. Sommige van die Leviete was sekretarisse, opsieners en hekwagte.

Nehemia 4:11

Ons teenstanders het gesê: “Hulle sal nie weet nie, dit nie eers agterkom nie, totdat ons tussen hulle inbeweeg, hulle doodmaak en 'n einde aan die werk maak.”

Nehemia 4:2

Hy het toe in die teenwoordigheid van sy stamgenote en die leër van Samaria gepraat en gesê: “Wat is die miserabele Judeërs besig om te doen? Knap hulle die plek vir hulle op? Gaan hulle offers slag? Gaan hulle dit vandag afhandel? Wil hulle die klippe uit die hope rommel weer gebruik terwyl dit verkool is?”

Nehemia 4:9

Ons het tot ons God gebid en dag en nag 'n wag teen hulle uitgesit.

Esegiël 29:18

“ Mensekind, Nebukadresar, die koning van Babilonië, het sy leër 'n verskriklike taak opgelê by Tirus. Elke kop was kaal en elke skouer rou geskuur. Maar by Tirus was daar nie vir hom en sy leër 'n beloning vir die harde werk wat hy teen haar verrig het nie.

Haggai 1:2

“So sê die Here, Heerser oor alle magte, ‘Hierdie volk sê die tyd is nog nie ryp om die Here se huis te herbou nie.’ ”

Numeri 13:31

Maar die manne wat saam met hom opgetrek het, het gesê: “Ons kan nie teen daardie volk uittrek nie, want hulle is sterker as ons.”

Numeri 32:9

Hulle het opgetrek tot by die Eskoldal en die land deurgekyk; maar hulle het die Israeliete ontmoedig, sodat hulle nie na die land gegaan het wat die Here vir hulle gegee het nie.