Nehemia 13:22 - Die Bybel 2020-vertaling

²² Ek het toe vir die Leviete gesê dat hulle hulleself telkens moet reinig en die poorte moet kom bewaak, om sodoende die Sabbatdag heilig te hou. Ook hieroor, my God, moet U tog aan my dink en besorg oor my wees, ooreenkomstig u oorvloedige troue liefde.

Bybel vir almal

²² Ek het vir die Leviete gesê hulle moet hulleself reinig en by die poorte kom wagstaan, sodat die Sabbatdag 'n gewyde dag sal wees. Ek het gebid en gesê: “My God, U moet dit ook onthou, U moet goed wees vir my, U is altyd goed vir mense wat aan U behoort.”

Afrikaans 1933-1953

²² Verder het ek aan die Leviete gesê dat hulle hul moes reinig en kom as poortwagters om die sabbatdag te heilig. Dink ook hierom aan my, my God, en ontferm U oor my na die grootheid van u goedertierenheid.

Afrikaans 1983

²² Ek het die Leviete opdrag gegee om hulle te reinig en die poorte te kom bewaak sodat die sabbatdag heilig gehou sou word. Onthou tog ook dit, my God, ontferm U oor my in u groot liefde!

Contemporary Afrikaans Bible 2023

²² En ek het die Leviete bevel gegee dat hulle hulleself moes reinig en dat hulle moes kom en die poorte bewaak om die sabbatdag te heilig. Dink ook hieraan aan my, o my God, en spaar my na die grootheid van u goedertierenheid.

Die Boodskap

²² Ek het toe vir die Leviete opdrag gegee om hulleself aan die Here te gaan toewy sodat hulle die hekke op die sabbat kon oppas. Op hierdie manier kon hulle sorg dat die sabbat gehou word as ’n dag wat spesiaal aan die Here behoort. Onthou my asseblief ook vir hierdie goeie daad, my God. Gee tog baie vir my om. U is tog die God wat ons liefhet.

Nehemia 13:22 Kruisverwysings

2 Konings 20:3

“Ag, Here, dink tog daaraan dat ek voor U geleef het in getrouheid en met 'n onverdeelde hart, dat ek gedoen het wat goed is in u oë. ” Hiskia het toe bitterlik gehuil.

2 Konings 23:4

Die koning het toe vir Gilkija, die hoëpriester, vir die priesters tweede in rang, en ook die deurwagters, opdrag gegee om uit die •tempel van die Here al die voorwerpe wat vir Baäl en Asjera, asook al die hemelliggame gemaak is, uit te bring. Hy het dit buite Jerusalem op die terrasse by die Kidron verbrand en die as daarvan na Bet-El geneem.

2 Kronieke 29:24

Die priesters het hulle geslag en met die bloed 'n reinigingseremonie by die altaar uitgevoer om versoening te doen vir die hele Israel, “want vir die hele Israel,” het die koning gesê, “is hierdie brandoffer en reinigingsoffer.”

2 Kronieke 29:27

gee Hiskia die opdrag dat die brandoffer geoffer moet word op die altaar. Net toe met die brandoffer begin is, begin die lied van die Here en die trompette, met begeleiding deur die instrumente van Dawid, die koning van Israel.

2 Kronieke 29:30

Koning Hiskia en die leiers het vir die Leviete gesê om die Here te loof met die woorde van Dawid en van Asaf, die siener. Hulle het toe die Here met vreugde geloof, gekniel en in aanbidding gebuig.

Nehemia 12:10

Jesua het Jojakim verwek, Jojakim het Eljasib verwek, en Eljasib vir Jojada.

Nehemia 12:30

Toe die priesters en Leviete hulleself gereinig het, het hulle ook die volk, die stadspoorte en die muur gereinig.

Nehemia 13:14

Dink hieroor aan my, my God, en moet tog nie my troue liefdesdiens uitwis wat ek in die huis van my God, en vir die diensbeurte daarvan, gedoen het nie.

Nehemia 13:31

en vir die lewering van hout op vasgestelde tye, en vir die lewering van die eerste vrugte. Dink aan my, my God, tot my voordeel.

Nehemia 5:19

Onthou, tot my voordeel, my God, alles wat ek vir hierdie volk gedoen het.

Psalms 130:7

Israel, vestig jou hoop op die Here; want by die Here is troue liefde, by Hom is volkome bevryding.

Psalms 5:7

U laat leuenaars ten gronde gaan; die Here verafsku mense wat bloed vergiet en bedrog pleeg.

Psalms 51:1

Vir die •musiekleier. 'n Psalm. Van Dawid.

Jesaja 38:3

Hy het gesê: “Ag, Here, dink tog daaraan dat ek in getrouheid en met 'n onverdeelde hart voor U geleef het, dat ek gedoen het wat goed is in u oë!” Hiskia het toe bitterlik gehuil.

Jesaja 49:23

Konings sal jou voogde wees, en hulle prinsesse jou pleegmoeders. Gesig na die grond, sal hulle diep voor jou neerbuig; hulle sal selfs die stof van jou voete lek. Dan sal jy besef dat Ek die Here is. Wie op My wag, sal nie beskaamd staan nie. ”

Jesaja 55:7

Die goddelose moet van sy pad afsien, en die boosdoener van sy planne. Hy moet na die Here terugkeer, sodat Hy hom genadig kan wees, en na sy God, want Hy vergeef oorvloediglik.

2 Korinthiërs 1:12

Ons roem is juis dit: die getuienis van ons gewete dat ons in die wêreld, en veral teenoor julle, opgetree het in opregtheid en met eerlikheid wat van God kom – ook nie deur menslike wysheid nie, maar deur die genade van God.

Deuteronomium 5:12

Hou die Sabbatdag heilig soos die Here jou God jou beveel het: