Nehemia 13:2 - Die Bybel 2020-vertaling

² omdat hulle die Israeliete nie met brood en water tegemoetgegaan het nie, en Bileam teen Israel gehuur het om hulle te vervloek, maar dat ons God die vervloeking in 'n seën verander het.

Bybel vir almal

² want hulle het nie vir die Israeliete kos en water gegee nie, en Balak het vir Bileam gehuur om die Israeliete te vervloek.” Ons God het gekeer dat Bileam die Israeliete vervloek, hy moes hulle seën.

Afrikaans 1933-1953

² omdat hulle die kinders van Israel nie teëgekom het met brood en water nie, en Bíleam teen hulle gehuur het om hulle te vervloek; maar onse God het die vloek in 'n seën verander.

Afrikaans 1983

² Dit was omdat hulle nie brood en water aan die Israeliete wou gee nie en vir Bileam gehuur het om 'n vloek oor Israel uit te spreek. Ons God het die vloek in seën laat verander.

Contemporary Afrikaans Bible 2023

² Omdat hulle die kinders van Israel nie met brood en water teëgekom het nie, maar Bíleam teen hulle gehuur het om hulle te vervloek; maar onse God het die vloek in 'n seën verander.

Die Boodskap

² Die rede hiervoor was dat die Ammoniete en die Moabiete geweier het om vir die Israeliete kos of water te gee in die tyd van die uittog uit Egipte. Om die waarheid te sê, dit was hulle wat vir Bileam gehuur het om Israel te vervloek sodat God niks meer van hulle sou hou nie. Ons God het sy vloek in ’n seën verander.

Nuwe Lewende Vertaling

² Hierdie mense het destyds nie brood en water vir die Israeliete voorsien nie. Trouens, hulle het eerder vir Bileam gehuur om hulle te vervloek. Maar ons God het die vloek in ’n seën verander.

Nehemia 13:2 Kruisverwysings

Psalms 109:28

Hulle kan maar vervloek, maar U, U sal seën. Sou hulle teen my opstaan, sal hulle beskaam word; u dienskneg sal bly wees.

Miga 6:5

My volk, onthou tog wat Balak, die koning van Moab beplan het, en wat Bileam, die seun van Beor, hom geantwoord het. Onthou wat gebeur het van Sittim tot by Gilgal, sodat jy die regverdige dade van die Here kan erken.’ ”

Numeri 23:18

Bileam het sy orakelspreuk aangehef en gesê: “Staan op Balak, en luister! Gee aandag aan wat ek sê, seun van Sippor.

Matteus 25:40

Maar die Koning sal vir hulle sê, ‘•Amen, Ek sê vir julle: Wat julle ook al vir een van hierdie geringste broers van My gedoen het, het julle vir My gedoen.’

Deuteronomium 23:3

'n Ammoniet en Moabiet mag nie in die geloofsgemeenskap van die Here kom nie. Selfs tot die tiende geslag ná hulle mag nooit in die geloofsgemeenskap van die Here kom nie,

Deuteronomium 23:4

want hulle het julle, toe julle op pad was met julle uittog uit Egipte, nie met brood en water te hulp gekom nie, en ook omdat hulle Bileam, die seun van Beor, uit Petor in Aram-Naharajim gehuur het om jou te vervloek.

Deuteronomium 23:5

Maar die Here jou God was nie bereid om na Bileam te luister nie, en die Here jou God het die vloek vir jou in 'n seën verander, omdat die Here jou God jou liefhet.

2 Petrus 2:15

Omdat hulle die reguit pad verlaat het, het hulle verdwaal, en hulle begewe op die pad van Bileam, die seun van Bosor, wat lief was vir onregmatige loon.