Nehemia 10:30 - Die Bybel 2020-vertaling

³⁰ en dat ons nie ons dogters aan die volke van die land sal gee nie, en hulle dogters nie vir ons seuns sal neem nie.

Bybel vir almal

³⁰ Hulle het gesê: “Ons sal ons kinders nie laat trou met die kinders van die ander mense in die land nie.

Afrikaans 1933-1953

³⁰ verder dat ons ons dogters nie sou gee aan die volke van die land, en hulle dogters nie sou neem vir ons seuns nie;

Afrikaans 1983

³⁰ Verder het hulle onderneem: “Ons sal ons dogters nie met die heidenvolke laat trou nie en hulle dogters nie met ons seuns nie.

Contemporary Afrikaans Bible 2023

³⁰ En dat ons nie ons dogters aan die mense van die land sou gee en hulle dogters nie vir ons seuns sou neem nie.

Die Boodskap

³⁰ Dit is wat hulle belowe het: “Ons sal nie ons kinders toelaat om met die kinders van die mense van hierdie land wat U nie ken nie, te trou nie.

Nuwe Lewende Vertaling

³⁰ Hulle het onderneem: “Ons sal nie ons dogters met die heidense mense van die land laat trou nie. Ons sal ook nie ons seuns toelaat om met hulle dogters te trou nie.

Nehemia 10:30 Kruisverwysings

2 Konings 23:25

'n Koning soos hy was daar nie voor hom nie – iemand wat na die Here teruggekeer het met sy hele hart en met sy hele wese en met al sy krag, in ooreenstemming met die hele Wet van Moses. En ná hom het daar ook nie iemand soos hy opgestaan nie.

2 Konings 23:3

Daarna het die koning by die pilaar gaan staan en voor die Here die verbond gesluit. Hulle het onderneem om die Here te volg, om sy gebooie, sy bepalings en sy vaste voorskrifte met hulle hele hart en hulle hele wese na te kom, deur die woorde van hierdie verbond wat in hierdie boekrol geskryf is, gestand te doen. Die hele volk het tot die verbond toegetree.

2 Kronieke 34:31

Die koning het op sy staanplek gaan staan en voor die Here die verbond gesluit. Hy het onderneem om die Here te volg, om sy gebooie, sy bepalings en sy vaste voorskrifte met sy hele hart en sy hele wese na te kom deur die woorde van hierdie verbond wat in hierdie boekrol geskryf is, uit te voer.

Nehemia 10:1

Op die verseëlde geskrif was die volgende name: Nehemia, die administrateur, seun van Gagalja, en Sedekia,

Nehemia 13:23

Ook in daardie tyd het ek Judeërs gesien wat getroud was met vroue uit Asdod, Ammon en Moab.

Nehemia 13:25

Ek het hulle verwyt, hulle vervloek, sommige van die mans geslaan en hulle hare uitgepluk. Ek het hulle by God besweer: “Julle mag nie julle dogters aan hulle seuns gee nie, en julle mag nie van hulle dogters as vroue neem vir julle seuns of vir julleself nie.

Nehemia 13:30

Ek het die priesters en Leviete gereinig van alles wat vreemd is. Ek het diensbeurte opgestel vir die priesters en die Leviete, vir elkeen met die oog op sy dienswerk,

Nehemia 5:12

Daarop het hulle gesê: “Ons sal dit teruggee en van hulle niks eis nie. Ons sal presies maak soos jy gesê het.” Ek het toe die priesters ontbied en daardie mense 'n eed laat aflê om ooreenkomstig hierdie onderneming op te tree.

Psalms 119:106

Ek het 'n eed afgelê – en daarby gehou – om u regverdige beslissings na te kom.

Eksodus 34:16

en jy sal van hulle dogters vir jou seuns neem, en hulle dogters sal agter hulle gode aan hoereer en veroorsaak dat jou seuns ook agter hulle gode aan hoereer.

Deuteronomium 29:11

julle kinders, julle vroue, en al die •vreemdelinge wat in jou kamp is, van hulle wat vir jou hout kap tot hulle wat vir jou water uit die put optrek –

Deuteronomium 7:3

Jy mag nie met hulle ondertrou nie. Jou dogter mag jy nie gee aan sy seun en sy dogter mag jy nie vir jou seun as vrou neem nie,