Nehemia 10:29 - Die Bybel 2020-vertaling

²⁹ het aangesluit by hulle eie volksgenote, die vernames onder hulle, en hulleself met 'n vervloeking en eedswering daaraan verbind: “om die wet van God te volg wat by monde van Moses, die dienskneg van God, gegee is, om dit na te kom en om al die gebooie van die Here, ons Heer, sy beslissings en vaste voorskrifte, uit te voer,

Afrikaans 1933-1953

²⁹ het by hulle broers, die vername manne onder hulle, aangesluit, en hulle het onder eed en met beswering hulleself verplig om te wandel in die wet van God, wat deur die diens van Moses, die kneg van God, gegee is, en om te hou en te doen al die gebooie van die Here onse Here, en sy verordeninge en sy insettinge;

Afrikaans 1983

²⁹ het hulle aangesluit by hulle ampsgenote en leiers. Hulle het 'n dure eed afgelê om te leef volgens die wet van God wat deur Moses, die dienaar van God, aan die volk gegee is, en om gehoorsaam te wees aan al die gebooie van die Here, ons Here, en aan sy bepalings en voorskrifte.

Contemporary Afrikaans Bible 2023

²⁹ Hulle het by hulle broers, hulle edeles, aankleef en in die vloek en in 'n eed gekom om te wandel in die wet van God wat gegee is deur Moses, die kneg van God, en om al die gebooie van die HERE onse HERE te onderhou en te doen, en sy verordeninge en sy insettinge;

Die Boodskap

²⁹ het hulle leiers se voorbeeld gevolg. Hulle het ’n eed afgelê om volgens die Here se wil te leef soos Hy dit deur sy dienaar Moses bekendgemaak het. Verder het hulle ook belowe om al die Here ons God se voorskrifte te gehoorsaam.

Nehemia 10:29 Kruisverwysings

2 Konings 10:31

Jehu het egter nie daarby gehou om die wet van die Here, die God van Israel, met sy hele hart te volg nie. Hy het nie afgewyk van die sondes van Jerobeam waarmee hy Israel laat sondig het nie.

2 Konings 23:3

Daarna het die koning by die pilaar gaan staan en voor die Here die verbond gesluit. Hulle het onderneem om die Here te volg, om sy gebooie, sy bepalings en sy vaste voorskrifte met hulle hele hart en hulle hele wese na te kom, deur die woorde van hierdie verbond wat in hierdie boekrol geskryf is, gestand te doen. Die hele volk het tot die verbond toegetree.

1 Kronieke 9:2

Die eerste inwoners wat weer op hulle erfgrond in hulle stede was, was Israeliete, priesters, Leviete en tempeldienaars.

2 Kronieke 34:31

Die koning het op sy staanplek gaan staan en voor die Here die verbond gesluit. Hy het onderneem om die Here te volg, om sy gebooie, sy bepalings en sy vaste voorskrifte met sy hele hart en sy hele wese na te kom deur die woorde van hierdie verbond wat in hierdie boekrol geskryf is, uit te voer.

2 Kronieke 6:16

Daarom, Here, God van Israel, ter wille van u dienskneg, my vader Dawid, hou nou by wat U hom beloof het toe U gesê het, ‘Daar sal vir jou nooit iemand ontbreek wat voor my aangesig op die troon van Israel sit nie, as jou seuns maar net ag slaan op hulle optrede deur binne my wet te leef soos jy voor My geleef het.’

Nehemia 13:25

Ek het hulle verwyt, hulle vervloek, sommige van die mans geslaan en hulle hare uitgepluk. Ek het hulle by God besweer: “Julle mag nie julle dogters aan hulle seuns gee nie, en julle mag nie van hulle dogters as vroue neem vir julle seuns of vir julleself nie.

Nehemia 7:46

Die tempeldienaars was: Die afstammelinge van Siga, Gasufa, Tabbaot;

Nehemia 8:2

Die hele volk het toe soos een man byeengekom op die plein voor die Waterpoort en Esra, die skrifgeleerde, gevra om die •boekrol te bring met die Wet van Moses wat die Here Israel beveel het.

Nehemia 8:3

Esra, die priester, het toe op die eerste dag van die sewende maand die Wet voorgehou aan die byeenkoms, wat mans en vroue ingesluit het, elkeen wat met begrip kon luister.

Nehemia 9:2

Die nageslag van Israel het hulle afgesonder van al die uitlanders. Hulle het gestaan en belydenis gedoen van hulle sondes en die sondeskuld van hulle voorouers.

Nehemia 9:38

“Op grond van dit alles gaan ons nou 'n bindende ooreenkoms sluit en dit op skrif stel, en daarop die seël plaas met die name van ons leiers, ons Leviete en ons priesters.”

Psalms 105:45

sodat hulle sy vaste voorskrifte kan nakom en by sy wette kan hou. Halleluja!

Psalms 119:106

Ek het 'n eed afgelê – en daarby gehou – om u regverdige beslissings na te kom.

Psalms 8:1

Vir die •musiekleier. Op Haghittiet. 'n Psalm. Van Dawid.

Psalms 8:9

die voëls van die hemel, en die visse van die see wat verbytrek op hulle roetes deur die oseane.

Jesaja 14:1

Maar die Here sal Hom oor Jakob ontferm; Hy sal Israel weer kies, en hulle op hulle grond tot rus bring. Vreemdelinge sal by hulle aansluit, hulle by die huis van Jakob voeg.

Jeremia 26:4

Sê vir hulle: “So sê die Here, ‘As julle nie na My luister nie – deur te leef volgens my wet wat Ek aan julle voorgehou het,

Jeremia 34:15

Julle het egter onlangs tot inkeer gekom en gedoen wat reg is in my oë deur elkeen vrylating aan te kondig vir sy medemens. Julle het voor My 'n verbond gesluit in die huis waaroor my Naam uitgeroep is.

Esegiël 36:27

My Gees sal Ek in julle binneste gee. Ek sal daarvoor sorg dat julle my vaste voorskrifte volg en dat julle my bepalings nakom en uitvoer.

Levitikus 20:26

Julle moet vir My heilig wees, want Ek, die Here, is heilig en Ek het julle van die volke afgesonder om aan My te behoort.

Maleagi 4:4

“Onthou die Wet van Moses, my dienskneg, wat Ek hom by Horeb beveel het en wat vir die hele Israel geld – die vaste voorskrifte en bepalings.

Numeri 5:21

en hier moet die priester dan die vrou die eed van vervloeking laat sweer deur vir haar te sê – “mag die Here jou 'n voorbeeld van vervloeking en verwensing maak onder jou volk wanneer Hy beskik dat jou heup krimp en jou maag opswel.

Johannes 1:17

Want die wet is deur Moses gegee; die genade en die waarheid het deur Jesus Christus gekom.

Johannes 15:14

Julle is my vriende as julle doen wat Ek julle beveel.

Johannes 7:19

Het Moses nie vir julle die wet gegee nie? En nie een van julle voer die wet uit nie. Waarom probeer julle My dan doodmaak? ”

Handelinge 11:23

Toe hy daar aankom en die genade van God sien, was hy bly en het almal aangemoedig om met vaste voorneme van hart aan die Here getrou te bly.

Handelinge 17:34

'n Paar manne het egter gelowig geword en by hom aangesluit, onder wie Dionisius, 'n lid van die Areopagus, en 'n vrou met die naam Damaris, en nog ander saam met hulle.

Handelinge 23:21

Moet u nie deur hulle laat oortuig nie, want meer as veertig van hulle manne gaan hom voorlê in 'n hinderlaag. Hulle het hulle met 'n eed daartoe verbind om nie te eet of te drink totdat hulle hom om die lewe gebring het nie. Hulle staan reeds gereed, en wag net op u instemming.”

Romeine 12:9

Julle liefde moet ongeveins wees. Verafsku die kwaad; hou vas aan die goeie.

Deuteronomium 33:4

die wet wat Moses ons beveel het, die eiendom van die geloofsgemeenskap van Jakob.

Deuteronomium 5:1

Moses het die hele Israel byeengeroep en vir hulle gesê: “Israel, luister na die vaste voorskrifte en beslissings wat ek vandag afkondig, sodat julle dit kan hoor. Julle moet dit leer en dit nougeset nakom.

Deuteronomium 5:32

“Daarom moet julle dit nougeset nakom, soos wat die Here julle God julle beveel het. Julle mag nie na links of regs afwyk nie.