Nehemia 1:3 - Die Bybel 2020-vertaling

³ Hulle sê toe vir my: “Dié wat nog in die provinsie is en die ballingskap oorleef het, ervaar groot probleme en vernedering. Die muur van Jerusalem is afgebreek en sy stadspoorte is deur vuur verwoes.”

Bybel vir almal

³ Hulle het vir my gesê: “Dit gaan baie sleg met die mense wat nog lewe en wat teruggegaan het uit Babel waar hulle gevangenes was. Vyande het die muur van Jerusalem afgebreek en sy poorte verbrand.”

Afrikaans 1933-1953

³ En hulle het vir my gesê: Die oorgeblewenes wat vrygekom het uit die gevangenskap daar in die provinsie, verkeer in groot ellende en in smaad, en die muur van Jerusalem lê stukkend en sy poorte is met vuur verbrand.

Afrikaans 1983

³ en hulle het vir my gesê: “Die ballinge wat teruggegaan het, beleef daar in die provinsie Juda groot ellende en smaad. Die muur van Jerusalem lê om, en die stadspoorte is verbrand.”

Contemporary Afrikaans Bible 2023

³ En hulle het vir my gesê: Die oorblyfsel wat oorgebly het van die ballinge daar in die provinsie, is in groot ellende en smaad; ook die muur van Jerusalem is afgebreek, en sy poorte is met vuur verbrand.

Die Boodskap

³ Hulle sê toe vir my: “Dit gaan glad nie goed met die mense daar in die provinsie Juda nie. Hulle kry baie swaar. Almal spot met hulle. Die muur wat rondom Jerusalem gebou is, lê ook nog steeds in puin en die stad se hekke is nog nie reggemaak nadat dit afgebrand is nie.”

Nuwe Lewende Vertaling

³ Hulle antwoord was: “Dit gaan nie goed met die mense wat uit die ballingskap teruggekeer het en daar oorgebly het nie. In die provinsie Juda is daar groot ellende en bespotting. Jerusalem se muur lê om en die stadspoorte is deur vuur vernietig.”

Nehemia 1:3 Kruisverwysings

1 Konings 9:7

sal Ek Israel uitroei van die grond af wat Ek hulle gegee het, en die tempel wat Ek geheilig het vir my Naam, sal Ek uit my teenwoordigheid verwyder. Dan sal Israel 'n spreuk en 'n spotnaam word onder al die volke,

2 Konings 25:10

En die stadsmure reg rondom Jerusalem is afgebreek deur die hele leër van die Galdeërs wat saam met die aanvoerder van die lyfwag was.

2 Kronieke 36:19

Hulle het die huis van God afgebrand, die stadsmure van Jerusalem afgebreek, al die stad se vestings verbrand en so alle kosbare voorwerpe daarin vernietig.

Esra 2:1

Hier volg 'n lys van die mense van die provinsie wat van die gevange ballinge af weggetrek het, dié wat •Nebukadnesar, die koning van Babilonië, na Babilonië weggevoer het. Hulle het na Jerusalem en Juda teruggekeer, elkeen na sy dorp,

Esra 5:8

“ Ons stel graag die koning in kennis dat ons na die provinsie Juda gegaan het, na die huis van die groot God. Dit word met groot klippe gebou en balke word in die mure gelê. Die werk word sorgvuldig gedoen en vorder goed onder hulle hande.

Nehemia 11:3

Hier volg die hoofde van die provinsie wat in Jerusalem gewoon het. In die dorpe van Juda het Israel, die priesters, die Leviete, die tempeldienaars en die nageslag van Salomo se dienaars, in hulle eie dorpe gewoon, elkeen op sy eiendom,

Nehemia 2:13

Ek het in die nag deur die Dalpoort uitgegaan, by die Jakkalsfontein langs na die Ashooppoort. Ek het die muur van Jerusalem wat afgebreek was en die poorte wat deur vuur verteer was, nagegaan.

Nehemia 2:17

Toe sê ek vir hulle: “Julle sien die moeilikheid waarin ons verkeer, dat Jerusalem vervalle lê en dat haar poorte deur vuur verwoes is. Kom ons herbou die muur van Jerusalem, sodat ons nie langer 'n bespotting is nie. ”

Nehemia 2:3

en vir die koning gesê: “Mag die koning vir ewig lewe! Waarom sou my gesig nie somber wees wanneer die stad, die plek van my voorouers se grafte, vervalle lê en sy poorte deur vuur verteer is nie? ”

Nehemia 7:6

Hier volg 'n lys van die mense van die provinsie wat van die gevange ballinge af weggetrek het, dié wat •Nebukadnesar, die koning van Babilonië, weggevoer het. Hulle het na Jerusalem en Juda teruggekeer, elkeen na sy dorp,

Ester 1:1

Dit het gebeur gedurende die tyd van Ahasveros, dieselfde Ahasveros wat regeer het vanaf Indië tot by Kus oor honderd sewe-en-twintig provinsies.

Psalms 79:4

Ons het die bespotting van ons bure geword, die hoon en spot van hulle rondom ons.

Spreuke 25:28

'n Stad wat deurbreek is, sonder 'n stadsmuur, so is iemand sonder selfbeheersing.

Jesaja 43:28

Toe het Ek die heilige •hoë amptenare ontwy. Ek het Jakob aan volledige vernietiging oorgegee, en Israel aan beledigings.

Jesaja 5:5

Daarom wil Ek aan julle bekend maak wat Ek aan my wingerd gaan doen: Ek gaan sy doringheining verwyder, sodat dit bewei word. Ek gaan sy gepakte klipmuur afbreek, sodat dit 'n vertrapte plek word.

Jeremia 24:9

Ek sal hulle 'n toonbeeld van verskrikking, van rampspoed maak – vir al die koninkryke van die aarde, 'n bespotting en 'n spreuk, 'n spotnaam en 'n vervloeking, op al die plekke waarheen Ek hulle verdryf.

Jeremia 29:18

Ek gaan hulle met die swaard, hongersnood en pessiekte agtervolg en Ek gaan van hulle 'n skrikwekkende voorbeeld maak vir al die koninkryke van die aarde, 'n voorbeeld van vervloeking, 'n skrikbeeld, die rede vir 'n gefluit en 'n bespotting onder al die nasies waarheen Ek hulle verdryf het,

Jeremia 39:8

Die paleis van die koning en die huise van die volk het die Galdeërs afgebrand, en die stadsmure van Jerusalem het hulle afgebreek.

Jeremia 42:18

Ja, so sê die Here, Heerser oor alle magte, die God van Israel: “Soos my toorn en woede oor die inwoners van Jerusalem losgebars het, so sal my woede oor julle uitbars wanneer julle na Egipte toe gaan. Julle sal 'n voorbeeld van verdoeming, 'n skrikbeeld, 'n vervloeking en 'n bespotting wees; en julle sal hierdie plek nooit weer sien nie.”

Jeremia 5:10

“ Klim op haar terrasse en rig verwoesting aan, maar moet dit nie heeltemal vernietig nie. Verwyder haar hegranke, want dit is nie die Here s'n nie.

Jeremia 52:14

Die hele leër van die Galdeërs wat saam met die aanvoerder van die lyfwag was, het al die stadsmure van Jerusalem reg rondom afgebreek.

Klaagliedere 1:7

In die tye van nood en omswerwinge onthou Jerusalem alles wat vir haar kosbaar was in die verlede. Toe haar volk in die hand van teenstanders val, was daar vir haar geen helper nie. Die teenstanders het na haar gekyk, hulle het oor haar ondergang gelag.

Klaagliedere 2:9

Haar stadspoorte het in die grond weggesak; Hy het hulle sluitbalke stukkend gebreek. Haar koning en haar leiers leef sonder leiding onder die nasies; selfs haar profete ontvang nie 'n visioen van die Here nie.

Klaagliedere 3:61

U het hulle uittarting gehoor, Here, al hulle planne teen my,

Klaagliedere 5:1

Onthou, Here, wat met ons gebeur het; kyk tog, en sien ons vernedering raak!

Levitikus 26:31

Ek sal julle stede puinhope maak en julle heiligdomme verwoes. Ek sal julle geurige offers nie wil ruik nie.

Levitikus 26:33

Maar julle sal Ek onder die nasies verstrooi en die swaard agter julle ontbloot. Julle land sal 'n woesteny word en julle stede puinhope.