Nehemia 1:11 - Die Bybel 2020-vertaling

¹¹ Ag my Heer, laat u oor asseblief aandagtig gerig wees op die gebed van u dienskneg en op die gebed van u diensknegte, wat vreugde daarin vind om ontsag vir u Naam te hê. Laat u dienskneg asseblief vandag slaag, en gee dat daar vir hom barmhartigheid sal wees by hierdie man. ” Ek was in daardie tyd die koning se skinker.

Bybel vir almal

¹¹ Ag, Here, luister asseblief wat ek bid, ek is u dienaar. Luister asseblief ook wat u dienaars bid, hulle wil graag vir U respekteer en dien. Laat dit wat ek vandag wil doen, slaag. Laat die koning doen wat ek vir hom vra.” Ek was die koning se skinker.

Afrikaans 1933-1953

¹¹ Ag, Here, laat u oor tog opmerksaam wees op die gebed van u kneg en op die gebed van u knegte wat verlang om u Naam te vrees; en laat dit tog vandag u kneg geluk, en verleen hom barmhartigheid voor die oë van hierdie man. Ek was naamlik skinker van die koning.

Afrikaans 1983

¹¹ Ag, Here, luister tog na die gebed van u dienaar en na die gebed van u dienaars, hulle vir wie dit 'n vreugde is om u Naam te eer. Laat my tog voorspoedig wees met wat ek vandag wil doen. Laat hierdie man my simpatiek gesind wees.” Ek was die koning se skinker.

Contemporary Afrikaans Bible 2023

¹¹ O HERE, ek smeek U, laat u oor tog luister na die gebed van u kneg en na die gebed van u dienaars wat u Naam wil vrees; genade in die oë van hierdie man. Want ek was die skinker van die koning.

Die Boodskap

¹¹ Here, hoor tog my gebed! Hoor ook die gebede van al die mense vir wie dit ’n vreugde is om U te dien en te eer. Help my met wat ek vandag wil doen; laat die koning my goedgesind wees as ek na hom toe gaan met dit wat ek hom wil vra.” In daardie stadium was dit my werk om die koning se wyn in te gooi.

Nuwe Lewende Vertaling

¹¹ Here, hoor asseblief my gebed! Luister na ons gebede, ons wat U graag wil eer. Laat my tog vandag suksesvol wees wanneer ek die koning ’n groot guns vra. Laat hy my goedgesind wees.” In dié stadium was ek die koning se wynkelner.

Nehemia 1:11 Kruisverwysings

Genesis 24:42

Ek het vandag by die fontein aangekom en gesê, ‘Here, God van my heer Abraham, as U my reis waarop ek tans is, tog maar goed wil laat afloop!

Genesis 32:11

Red my asseblief uit die hand van my broer, uit die hand van Esau, want ek is bang vir hom. Anders kom hy en verslaan my – die ma's saam met die kinders.

Genesis 32:28

Toe sê hy: “Jy sal nie meer Jakob genoem word nie, maar Israel. Want jy het met God en mense stryd gevoer, en het oorwin.”

Genesis 40:1

Ná verloop van tyd het die skinker van die koning van Egipte en die bakker 'n misstap begaan teenoor hulle heer, die koning van Egipte.

Genesis 40:2

Die farao was woedend vir sy twee paleisamptenare, vir die hoof van die skinkers en die hoof van die bakkers.

Genesis 40:21

Hy het die hoof van die skinkers herstel in sy amp as skinker, en hy het die beker in die farao se hand geplaas.

Genesis 40:23

Die hoof van die skinkers het egter nie weer aan Josef gedink nie; hy het hom vergeet.

Genesis 41:9

Die hoof van die skinkers praat toe met die farao: “My eie misstappe moet ek vandag in herinnering roep.

Genesis 43:14

Mag God, die Almagtige, gee dat julle barmhartigheid ervaar voor die man, en dat hy vir julle julle ander broer en Benjamin vrylaat. En ek – as ek kinderloos word, word ek kinderloos.”

2 Kronieke 6:40

“ My God, laat nou u oë tog oop wees, en u ore aandagtig luister na die gebede uit hierdie plek.

Esra 1:1

In die eerste regeringsjaar van Kores, die koning van Persië, het die Here die gees van Kores, koning van Persië, aangevuur. Dit het Hy gedoen om sy woord, aangekondig by monde van Jeremia, te vervul. Hy het 'n boodskap dwarsdeur sy hele koninkryk gestuur en dit selfs op skrif gestel:

Esra 7:6

Hierdie Esra het opgetrek uit Babilonië. Hy was self 'n skrifgeleerde, kundig in die Wet van Moses wat die Here, die God van Israel, gegee het. Die koning het alles wat hy gevra het aan hom gegee, omdat die Here, sy God, se hand oor hom was.

Nehemia 1:6

laat u oor asseblief aandagtig wees, en u oë oop wees, om te luister na die gebed van u dienskneg wat ek vandag, wat ek dag en nag voor U bid oor die Israeliete, u diensknegte, die gebed waarmee ek die sondes van die Israeliete bely wat ons teen U begaan het. Ook ek en my familie het gesondig.

Nehemia 2:1

In die maand •Nisan, in die twintigste regeringsjaar van koning Artasasta, het die wyn gereedgestaan voor hom. Ek het die wyn geneem en vir die koning aangebied. Ek was gewoonlik nie treurig voor hom nie.

Nehemia 2:8

ook 'n brief aan Asaf, die opsigter by die koning se bos, dat hy hout vir my moet gee om as balke te gebruik vir die poorte van die vesting by die •tempel, vir die stadsmuur en vir die huis waarin ek sal tuisgaan.” Die koning het die briewe vir my gegee, omdat die goeie hand van my God oor my was.

Psalms 106:46

Hy het gesorg dat daar ontferming is by almal wat hulle weggevoer het.

Psalms 130:2

My Heer, hoor tog my stem, laat u ore aandagtig luister na my smeekbedes.

Psalms 61:5

Ek wil vir altyd in u tent vertoef, ek wil skuil onder die beskutting van u vlerke. •Sela

Psalms 86:6

Here, hoor tog my gebed en gee tog aandag aan my smeekgebede.

Spreuke 1:29

Aangesien hulle kennis gehaat het, ontsag vir die Here nie gekies het nie,

Spreuke 21:1

Die koning se hart is waterstrome in die hand van die Here: Hy lei dit waarheen Hy wil.

Jeremia 42:12

Ek sal aan julle barmhartigheid bewys, sodat ook hy julle barmhartig sal wees en julle na julle grond sal laat terugkeer.

Maleagi 3:16

Daarop het dié wat vir die Here ontsag het, met mekaar geredeneer. Die Here het goed geluister en dit gehoor. Dit is toe in sy teenwoordigheid in 'n gedenkboek opgeteken tot voordeel van diegene wat ontsag vir die Here en respek vir sy Naam het.

Hebreërs 13:18

Bid vir ons, want ons is oortuig dat ons 'n goeie gewete het, omdat ons in alles daarna streef om eerbaar te leef.