Nehemia 1:1 - Die Bybel 2020-vertaling

¹ Die woorde van Nehemia, seun van Gagalja. Dit het gebeur in die maand Kislef, in die twintigste regeringsjaar, toe ek in die vestingstad Susan was.

Bybel vir almal

¹ Hierdie is die dinge wat Nehemia gesê en gedoen het. Nehemia was 'n seun van Gakalja. Dit was in die maand Kislef in die twintigste jaar. Ek was in die stad Susan, 'n stad wat sterk mure het.

Afrikaans 1933-1953

¹ DIE geskiedenis van Nehemía, die seun van Hagálja. En in die maand Kislew van die twintigste jaar toe ek in die vesting Susan was,

Afrikaans 1983

¹ Die verhaal van Nehemia seun van Gakalja. Dit was in die maand Kislef, die twintigste jaar. Ek was in die vestingstad Susan.

Contemporary Afrikaans Bible 2023

¹ Die woorde van Nehemia, die seun van Hagalja. En dit het gebeur in die maand Kisleu, in die twintigste jaar, terwyl ek in die paleis Susan was,

Die Boodskap

¹ Hier volg die verhaal oor alles wat Nehemia seun van Gakalja gedoen het. In die laatherfs van die twintigste regeringsjaar van koning Artasasta van Persië was ek, Nehemia, in die hoofstad Susan.

Nuwe Lewende Vertaling

¹ Hier is die gedenkskrif van Nehemia, die seun van Gakalja. In die twintigste jaar van Artasasta se koningskap, in November, was ek by sy vestingstad Susan.

Nehemia 1:1 Kruisverwysings

Esra 10:9

Al die manne van Juda en Benjamin het toe binne drie dae in Jerusalem bymekaargekom. Dit was in die negende maand, op die twintigste dag van die maand. Die hele volk het op die plein van die huis van God gesit en bewe van spanning hieroor, en ook as gevolg van die reënbuie.

Esra 7:7

Nog ander Israeliete en van die priesters, die Leviete, die sangers, poortwagte en tempeldienaars het ook in die sewende regeringsjaar van koning Artasasta na Jerusalem opgetrek.

Nehemia 10:1

Op die verseëlde geskrif was die volgende name: Nehemia, die administrateur, seun van Gagalja, en Sedekia,

Nehemia 2:1

In die maand •Nisan, in die twintigste regeringsjaar van koning Artasasta, het die wyn gereedgestaan voor hom. Ek het die wyn geneem en vir die koning aangebied. Ek was gewoonlik nie treurig voor hom nie.

Nehemia 5:14

Boonop het ek en my broers, vanaf die dag dat ek aangestel is om as hulle •streekgoewerneur in die land Juda op te tree, van die twintigste regeringsjaar van Artasasta, die koning, tot die twee-en-dertigste jaar – twaalf jaar lank – nie die voedsel wat streekgoewerneurs toekom, geëet nie.

Ester 1:2

In daardie tyd, terwyl koning Ahasveros op sy koninklike troon was in die vestingstad Susan –

Ester 3:15

Die boodskappers het op bevel van die koning haastig vertrek. Die wet is uitgevaardig in die vestingstad Susan. Die koning en Haman het gaan sit om te drink, maar die stad Susan was in beroering.

Daniël 8:2

In die visioen het ek myself in die vestingstad Susan, in die Elamprovinsie, gesien. Ek sien toe in die visioen dat ek langs die Ulaikanaal is.

Sagaria 7:1

In die vierde regeringsjaar van koning Darius, op die vierde dag van die negende maand, Kislef, was dít die woord van die Here aan Sagaria.