Matteus 5:8 - Die Bybel 2020-vertaling

⁸ Gelukkig is dié wat suiwer van hart is, want hulle sal God sien.

Bybel vir almal

⁸ Mense wat net vir God dien, is gelukkige mense, want hulle sal God sien.

Afrikaans 1933-1953

⁸ Salig is die wat rein van hart is, want hulle sal God sien.

Afrikaans 1983

⁸ Geseënd is dié wat rein van hart is, want hulle sal God sien.

Contemporary Afrikaans Bible 2023

⁸ Geseënd is die wat rein van hart is, want hulle sal God sien.

Die Boodskap

⁸ “Gelukkig is almal wie se lewe van binne af nuut geword het. God sal sorg dat hulle Hom met hul eie oë sien.

Nuwe Lewende Vertaling

⁸ Gelukkig is dié wie se harte volkome op God gerig is, want hulle sal vir God sien.

Matteus 5:8 Kruisverwysings

Genesis 32:30

Jakob het die plek Pniël genoem, “want,” het hy gesê, “ek het God van aangesig tot aangesig gesien, en tog is my lewe gered.”

2 Samuel 22:27

teenoor dié wat hulle rein hou, bewys U Uself rein; maar teenoor dié wat vals is, tree U berekenend op!

Psalms 15:2

Hy wat onberispelik leef en regverdig optree, wat van harte die waarheid praat.

Psalms 18:26

Teenoor getroue volgelinge tree U getrou op; teenoor iemand wat onberispelik is, tree U onberispelik op;

Psalms 24:4

Die mens met skoon hande en 'n rein hart wat nie na nietigheid hunker en nie sweer by wat vals is nie,

Psalms 51:10

Laat my weer uitroepe van vreugde en blydskap hoor; laat die gebeente wat U verbrysel het, juig.

Psalms 51:6

Teen U, teen U alleen, het ek gesondig en gedoen wat verkeerd is in u oë, sodat U gelyk sal hê as U uitspraak lewer, volkome reg wanneer U oordeel.

Psalms 73:1

'n Psalm. Van Asaf. God is waarlik vir Israel goed, vir hulle wat rein harte het.

Spreuke 22:11

Wie 'n rein hart liefhet, wie innemend praat, sal 'n koning as sy vriend hê.

Handelinge 15:9

Hy het geen onderskeid getref tussen ons en hulle nie, want Hy het hulle harte deur die geloof gereinig.

1 Korinthiërs 13:12

Nou sien ons wel 'n geheimnisvolle beeld, soos in 'n spieël, maar eendag van aangesig tot aangesig. Nou ken ek slegs gedeeltelik, maar eendag sal ek ten volle ken, soos ek ten volle geken is.

2 Korinthiërs 7:1

Aangesien ons hierdie beloftes het, geliefdes, laat ons ons reinig van alle besoedeling van liggaam en gees, terwyl ons met diep ontsag vir God ons heiligheid verwesenlik.

Titus 1:15

Alles is rein vir dié wat rein is, maar vir die besoedeldes en ongelowiges is niks rein nie: sowel hulle denke as hulle gewete is besoedel.

Hebreërs 10:22

Laat ons daarom ingaan met 'n opregte hart, in volle geloofsekerheid, met ons harte besprinkel, vry van 'n slegte gewete, en ons liggame gewas met skoon water.

Hebreërs 12:14

Streef na vrede met almal en na die heiligmaking, waarsonder niemand die Here sal sien nie.

Hebreërs 9:14

hoeveel te meer sal die bloed van Christus, wat Homself deur die ewige Gees as vlekkelose offer aan God geoffer het, ons gewete reinig van dooie werke, sodat ons die lewende God kan dien?

Jakobus 3:17

Maar die wysheid van bo is in die eerste plek suiwer, en verder ook vredeliewend, bedagsaam, inskiklik, vol deernis en goeie vrugte, onpartydig en ongeveins.

Jakobus 4:8

Nader tot God, dan sal Hy tot julle nader. Reinig julle hande, sondaars, en suiwer julle harte, dubbelhartiges!

1 Petrus 1:22

Omdat julle julle innerlike, in gehoorsaamheid aan die waarheid, tot ongeveinsde broederliefde gereinig het, moet julle mekaar innig met rein harte liefhê.

Openbaring 22:4

Hulle sal sy aangesig sien, en sy Naam is op hulle voorkoppe.