Matteus 3:8 - Die Bybel 2020-vertaling

⁸ Dra liewer vrugte wat by die bekering pas.

Bybel vir almal

⁸ Nee, julle moet wys julle het verander en dat julle nou lewe soos God wil hê. Julle moet wys julle is soos bome wat goeie vrugte dra.

Afrikaans 1933-1953

⁸ Dra dan vrugte wat by die bekering pas.

Afrikaans 1983

⁸ Dra liewer vrugte wat bewys dat julle bekeer is.

Contemporary Afrikaans Bible 2023

⁸ Dra dan vrugte wat geskik is vir bekering:

Die Boodskap

⁸ Kry eerder julle lewe in orde en doen wat God sê. Wys dat julle berou het oor al julle sondes.

Matteus 3:8 Kruisverwysings

Jeremia 26:13

Daarom, laat julle doen en late goed wees, en luister na die stem van die Here julle God, sodat die Here berou kan hê oor die onheil wat Hy oor julle aangekondig het.

Jeremia 36:3

Miskien sal die huis van Juda hoor van al die onheil wat Ek van plan is om hulle aan te doen, sodat elkeen van hulle sal omdraai weg van sy verkeerde pad, en Ek hulle sondeskuld en sonde kan vergewe.”

Matteus 21:32

Want Johannes het na julle gekom met die pad van •geregtigheid, en julle het hom nie geglo nie, maar die tollenaars en prostitute het hom geglo. En hoewel julle dit gesien het, het julle tog nie later berou gekry en hom geglo nie. ”

Lukas 3:8

Dra liewer vrugte wat by die bekering pas. Moenie vir julleself begin sê, ‘Ons het Abraham as voorvader’ nie, want ek sê vir julle, God kan uit hierdie klippe kinders vir Abraham verwek.

Handelinge 26:20

maar ek het eers aan die inwoners van Damaskus sowel as Jerusalem, en toe aan die hele landstreek van Judea en aan die heidene, verkondig dat hulle tot bekering moet kom en hulle na God moet keer deur werke te doen wat by die bekering pas.

Efesiërs 5:8

Want vroeër was julle wel duisternis, maar nou, in die Here, is julle lig. Leef as kinders van die lig!

Efesiërs 5:9

Die vrug van die lig bestaan immers uit alle goedheid en •geregtigheid en waarheid.

Filippense 1:11

gevul met die vrug van •geregtigheid deur Jesus Christus tot verheerliking en lof van God.