Matteus 3:8 - Afrikaans 1983

⁸ Dra liewer vrugte wat bewys dat julle bekeer is.

Bybel vir almal

⁸ Nee, julle moet wys julle het verander en dat julle nou lewe soos God wil hê. Julle moet wys julle is soos bome wat goeie vrugte dra.

Die Bybel 2020-vertaling

⁸ Dra liewer vrugte wat by die bekering pas.

Afrikaans 1933-1953

⁸ Dra dan vrugte wat by die bekering pas.

Contemporary Afrikaans Bible 2023

⁸ Dra dan vrugte wat geskik is vir bekering:

Die Boodskap

⁸ Kry eerder julle lewe in orde en doen wat God sê. Wys dat julle berou het oor al julle sondes.

Nuwe Lewende Vertaling

⁸ Bewys eerder deur julle voorbeeldige lewe dat julle werklik tot inkeer gekom het.

Matteus 3:8 Kruisverwysings

Jeremia 26:13

Maar as julle nou goed doen en julle gedrag en optrede verander en luister na wat die Here julle God vir julle sê, sal Hy die straf herroep wat Hy oor julle aangekondig het.

Jeremia 36:3

As Juda hoor van al die rampe wat Ek oor hulle wil bring, sal elkeen hom miskien van sy verkeerde dade bekeer. Dan sal Ek hulle ongeregtighede en hulle sondes vergewe.

Matteus 21:32

Johannes het gekom om julle die regte pad te wys, en julle het hom nie geglo nie, maar tollenaars en prostitute het hom geglo. Maar selfs toe julle dit sien, het julle nie agterna berou gekry en hom geglo nie.”

Lukas 3:8

Dra liewer vrugte wat bewys dat julle bekeer is. En moenie by julleself sê: ‘Ons het Abraham as voorvader’ nie, want dit sê ek vir julle: God kan uit hierdie klippe kinders vir Abraham verwek.

Handelinge 26:20

Ek het eers vir die mense in Damaskus en in Jerusalem en toe deur die hele Judea en daarna vir die heidennasies gepreek dat hulle tot inkeer moet kom en hulle tot God moet bekeer; en dit moet hulle bewys met dade wat by die bekering pas.

Efesiërs 5:8

Vroeër was julle die ene duisternis, maar nou in die Here is julle lig. Leef dan as mense van die lig.

Efesiërs 5:9

Uit die lig kom alles voort wat goed en reg en waar is.

Filippense 1:11

en deur Jesus Christus sal julle geheel en al in die regte verhouding met God wees, tot sy lof en eer.