Matteus 26:2 - Die Bybel 2020-vertaling

² “Julle is bewus daarvan dat die Pasga oor twee dae plaasvind, en dat die •Seun van die Mens oorgelewer gaan word om gekruisig te word. ”

Bybel vir almal

² “Julle weet dit is oor twee dae Paasfees. God gee My, die Seun van die mens, vir die mense sodat hulle My kan kruisig.”

Afrikaans 1933-1953

² Julle weet dat oor twee dae die pasga kom, dan word die Seun van die mens oorgelewer om gekruisig te word.

Afrikaans 1983

² “Julle weet dat dit oor twee dae paasfees is. Dan word die Seun van die mens oorgelewer om gekruisig te word.”

Contemporary Afrikaans Bible 2023

² Julle weet dat na twee dae die fees van die pasga is, en die Seun van die mens word oorgelewer om gekruisig te word.

Die Boodskap

² “Julle weet natuurlik dat dit oor twee dae paasfees is. Dit gaan ’n paasfees wees om te onthou, want Ek gaan verraai en gekruisig word.”

Nuwe Lewende Vertaling

² “Julle weet dat dit oor twee dae Paasfees is. Dan sal Ek, die Seun van die Mens, oorgegee word om gekruisig te word.”

Matteus 26:2 Kruisverwysings

Eksodus 34:25

Jy mag nie so slag dat die bloed van my offer naby suurdeeg is nie; en die offer by die fees van die Pasga mag nie tot die oggend oorstaan nie.

Matteus 10:4

Simon Kananeus en Judas Iskariot, wat Hom verraai het.

Matteus 17:22

Toe hulle in Galilea bymekaarkom, sê Jesus vir hulle: “Die •Seun van die Mens gaan oorgelewer word in die hande van mense.

Matteus 27:4

en gesê: “Ek het gesondig deur onskuldige bloed te verraai.” Hulle het egter gesê: “Wat het dit met ons te doen? Jy moet maar self toesien. ”

Lukas 22:15

Toe sê Hy vir hulle: “Ek het van harte begeer om hierdie Pasga saam met julle te eet voordat Ek ly.

Johannes 11:55

Die Joodse Pasga was naby, en baie mense het voor die Pasga van die platteland na Jerusalem opgegaan om hulleself te reinig.

Johannes 12:1

Ses dae voor die Pasga het Jesus na Betanië gegaan. Dit was die tuiste van Lasarus, wat Jesus uit die dood opgewek het.

Johannes 18:2

Judas, sy verraaier, het ook die plek geken, omdat Jesus en sy dissipels dikwels daar bymekaargekom het.

Johannes 18:32

sodat die woorde wat Jesus gesê het om aan te toon watter dood Hy sou sterf, vervul sou word.

Johannes 2:13

Die Pasga van die Jode was op hande, en Jesus het opgegaan na Jerusalem.