Lukas 9:2 - Die Bybel 2020-vertaling

² Toe het Hy hulle uitgestuur om die •koninkryk van God te verkondig en om die siekes gesond te maak,

Bybel vir almal

² Hy het die dissipels gestuur om vir die mense te vertel God is Koning en Hy regeer. Die dissipels moes ook siek mense gesond maak.

Afrikaans 1933-1953

² En Hy het hulle uitgestuur om die koninkryk van God te verkondig en die siekes gesond te maak

Afrikaans 1983

² Toe het Hy hulle uitgestuur om die koninkryk van God te verkondig en die siekes gesond te maak.

Contemporary Afrikaans Bible 2023

² En Hy het hulle gestuur om die koninkryk van God te verkondig en die siekes te genees.

Die Boodskap

² Jesus het ook vir die dissipels vertel presies hoe hulle te werk moet gaan.

Nuwe Lewende Vertaling

² Toe het Hy hulle uitgestuur om almal te gaan vertel van die koningsheerskappy van God, en om siekes te genees.

Lukas 9:2 Kruisverwysings

Matteus 10:5

Jesus het hierdie twaalf uitgestuur, nadat Hy hulle die volgende opdragte gegee het: “Moet julle nie begewe op 'n pad na die heidene, en moenie in 'n Samaritaanse dorp ingaan nie,

Matteus 13:19

“Wanneer iemand die woord van die •koninkryk hoor en nie verstaan nie, kom die Bose en roof wat in sy hart gesaai is. Dit is die saad wat langs die pad gesaai is.

Matteus 24:14

Hierdie evangelie van die koninkryk sal oor die hele wêreld verkondig word as getuienis vir al die nasies. En dan sal die einde kom.”

Matteus 3:2

“Bekeer julle, want die •koninkryk van die hemele is op hande.”

Markus 16:15

Hy sê toe vir hulle: “Gaan die hele wêreld in en verkondig die evangelie aan die hele mensdom.

Markus 6:12

Hulle het toe uitgegaan en gepreek dat die mense hulle moet bekeer.

Lukas 10:1

Hierna het die Here nog twee-en-sewentig ander aangewys en hulle twee-twee voor Hom uitgestuur na elke dorp en plek wat Hy nog wou besoek.

Lukas 10:11

‘Selfs die stof van julle dorp wat aan ons voete kleef, vee ons af as aanklag teen julle. Maar dit moet julle weet: Die koninkryk van God is op hande!’

Lukas 10:9

Maak die siekes wat daar is, gesond en sê vir hulle, ‘Vir julle is die •koninkryk van God op hande.’

Lukas 16:16

Tot en met Johannes het die Wet en die Profete gegeld, maar van toe af word die evangelie van die •koninkryk van God verkondig, en elkeen probeer met alle mag daar ingaan.

Lukas 9:11

Maar die skare het dit agtergekom en Hom daarheen gevolg. Hy het hulle verwelkom, en met hulle gepraat oor die •koninkryk van God, en diegene wat genesing nodig gehad het, het Hy gesond gemaak.