Lukas 8:54 - Die Bybel 2020-vertaling

⁵⁴ Maar Jesus het haar aan die hand geneem en uitgeroep: “Meisie, word wakker!”

Bybel vir almal

⁵⁴ Toe neem Jesus haar hand en Hy sê: “Kind, staan op.”

Afrikaans 1933-1953

⁵⁴ En toe Hy almal na buite uitgejaag het, gryp Hy haar hand en roep uit en sê: Dogtertjie, staan op!

Afrikaans 1983

⁵⁴ Maar Jesus het haar hand gevat en uitgeroep: “Dogtertjie, staan op!”

Contemporary Afrikaans Bible 2023

⁵⁴ En hy het hulle almal uitgesit en haar aan die hand gegryp en geroep en gesê: Meisie, staan op!

Die Boodskap

⁵⁴ Maar Jesus het hulle geïgnoreer en na die dogtertjie toe gestap. Hy het haar hand gevat en uitgeroep: “Dogtertjie, staan op! Word lewendig!”

Nuwe Lewende Vertaling

⁵⁴ Jesus vat haar toe aan die hand en sê hardop: “Staan op, my kind!”

Lukas 8:54 Kruisverwysings

Jeremia 31:32

Dit sal nie wees soos die verbond wat Ek met hulle voorouers gesluit het die dag toe Ek hulle aan die hand gegryp het om hulle uit Egipteland uit te lei nie – my verbond wat hulle self verbreek het, al was Ek Heer oor hulle,” is die uitspraak van die Here.

Matteus 9:25

Toe die klomp mense uitgejaag is, het Hy ingegaan en haar aan die hand geneem en die dogtertjie het opgestaan.

Markus 1:31

Hy het na haar gegaan, haar hand gevat en haar opgehelp. Die koors het haar verlaat en sy het hulle bedien.

Markus 8:23

Toe vat Hy die blinde man aan die hand en lei hom uit die dorp uit weg. En nadat Hy op sy oë gespoeg en sy hande op hom geplaas het, vra Hy hom: “Sien jy iets?”

Markus 9:27

Jesus het egter sy hand gevat, hom regop gehelp, en hy het opgestaan.

Lukas 8:51

Toe Jesus by die huis aankom, het Hy niemand toegelaat om saam met Hom in te gaan nie, behalwe Petrus, Johannes, Jakobus, en die kind se vader en moeder.

Lukas 8:53

Hulle het Hom egter uitgelag, omdat hulle geweet het dat sy gesterf het.

Lukas 8:55

Haar gees het teruggekeer, en sy het dadelik opgestaan. Jesus het beveel dat hulle vir haar iets te ete moet gee.

Johannes 11:43

En nadat Hy dit gesê het, roep Hy met 'n harde stem: “Lasarus, kom uit!”

Johannes 5:21

Want soos die Vader die dooies opwek en lewend maak, so maak die Seun ook lewend wie Hy wil.

Handelinge 9:40

Nadat Petrus almal na buite gestuur het, het hy gekniel en gebid. Toe het hy hom na die liggaam omgedraai en gesê: “Tabita, staan op!” Sy het haar oë oopgemaak, en toe sy Petrus sien, het sy regop gaan sit.

Romeine 4:17

soos daar geskryf staan: “Ek het jou die vader van baie nasies gemaak” – dit was hy in die oë van die God in wie hy geglo het, wat die dooies lewend maak, en dit wat nog nie bestaan nie, tot bestaan roep.