Lukas 7:30 - Die Bybel 2020-vertaling

³⁰ Maar die •Fariseërs en die wetskenners het God se plan vir hulle verwerp, en hulle nie deur Johannes laat doop nie.

Bybel vir almal

³⁰ Maar die Fariseërs en die skrifgeleerdes wou nie vir Johannes vra om hulle te doop nie, want hulle wou nie God se plan aanvaar nie, God se plan om hulle te red.

Afrikaans 1933-1953

³⁰ Maar die Fariseërs en die wetgeleerdes het die raad van God aangaande hulle verwerp deur hulle nie deur hom te laat doop nie.

Afrikaans 1983

³⁰ Net die Fariseërs en die wetgeleerdes het die bedoeling van God verwerp en hulle nie deur Johannes laat doop nie.

Contemporary Afrikaans Bible 2023

³⁰ Maar die Fariseërs en die wetgeleerdes het die raad van God teen hulleself verwerp, omdat hulle nie deur Hom gedoop is nie.

Die Boodskap

³⁰ Maar die Fariseërs en die kenners van die wet het hulle natuurlik nie gesteur aan wat God deur Johannes vir hulle gesê het nie. Daarom dat hulle botweg geweier het om hulle deur Johannes te laat doop.

Nuwe Lewende Vertaling

³⁰ Maar die Fariseërs en wetskenners het God se plan vir hulle verwerp, want hulle het geweier om deur Johannes gedoop te word.

Lukas 7:30 Kruisverwysings

Spreuke 1:25

julle al my raad in die wind geslaan het, my teregwysings nie aanvaar het nie,

Jeremia 8:8

Hoe kan julle dan sê, ‘Ons is wys, die Here se wet is by ons’? Kyk, skrywers se leuenagtige pen het dit leuens gemaak.

Matteus 22:35

Een van hulle, 'n wetskenner, het vervolgens 'n vraag gestel om Hom te toets:

Lukas 13:34

Jerusalem, Jerusalem, jy wat die profete doodmaak en dié stenig wat na jou gestuur is! Hoe dikwels wou Ek jou kinders bymekaarmaak soos 'n hen haar kuikens onder haar vlerke, maar julle wou nie!

Lukas 20:6

En as ons sê, ‘van mense,’ sal die hele volk ons stenig, omdat hulle daarvan oortuig is dat Johannes 'n profeet is.”

Lukas 7:31

“Met wie kan ek dan hierdie geslag mense vergelyk? Soos wie is hulle?

Handelinge 20:27

want ek het nie daarvan teruggedeins om die volle heilsplan van God aan julle te verkondig nie.

Romeine 10:21

Maar van Israel sê hy: “Die hele dag deur het Ek my hande uitgestrek na 'n ongehoorsame en opstandige volk.”

2 Korinthiërs 6:1

As medewerkers van God doen ons 'n ernstige beroep op julle om nie die genade van God tevergeefs te ontvang nie!

Galasiërs 2:21

Ek verwerp nie die genade van God nie; want as •vryspraak deur die wet kom, dan het Christus tevergeefs gesterf.

Efesiërs 1:11

In Hom is ons ook as erfgename uitverkies, voorbestem volgens die voorneme van die Een wat alles volgens sy raad en wil laat gebeur,