Lukas 5:1 - Die Bybel 2020-vertaling

¹ Op 'n dag, toe Jesus langs die Meer van Gennesaret staan en die skare Hom verdring om die woord van God te hoor,

Bybel vir almal

¹ Eendag het Jesus by die see van Gennesaret gestaan en Hy het die boodskap van God vir die mense verduidelik. Baie mense het na Hom geluister en hulle het rondom Jesus gestaan en teen Hom gedruk.

Afrikaans 1933-1953

¹ EN toe die skare by Hom aandring om die woord van God te hoor, gaan Hy by die meer Gennésaret staan

Afrikaans 1983

¹ Op 'n dag toe Jesus langs die Gennesaretmeer staan en die skare vorentoe beur om die woord van God te hoor,

Contemporary Afrikaans Bible 2023

¹ En terwyl die volk hom aandring om die woord van God te hoor, het hy by die meer van Genesaret gestaan,

Die Boodskap

¹ Op ’n dag het Jesus by die See van Galilea gepreek. Daar was so ’n groot klomp mense dat hulle mekaar omtrent vertrap het om Hom behoorlik te kon sien. Jesus maak toe ’n plan.

Nuwe Lewende Vertaling

¹ Eendag was Jesus op die strand van die See van Galilea besig om te preek, en groot menigtes het na Hom toe gebeur om na die woord van God te luister.

Lukas 5:1 Kruisverwysings

Numeri 34:11

Van Sefam af loop die grens af na Ribla, aan die oostekant van Ajin. Dan daal die grens verder af en loop al langs die berghange oos van die meer van Gennesaret.

Matteus 11:12

Maar sedert die dae van Johannes die Doper tot nou toe ly die koninkryk van die hemele onder geweld en probeer geweldenaars dit in besit neem.

Matteus 14:34

Nadat hulle na die oorkant gevaar het, het hulle aan wal gegaan by Gennesaret.

Markus 3:9

Hy het toe vir sy dissipels opdrag gegee om vir Hom 'n skuit gereed te hou om te voorkom dat die skare Hom vertrap.

Markus 4:1

Hy het weer begin om hulle langs die see te onderrig. Daar het toe so 'n groot skare om Hom saamgedrom dat Hy op die see in 'n boot gaan sit het, en die hele skare was op die strand langs die see.

Markus 5:24

Jesus het saam met hom vertrek. 'n Groot skare het Hom gevolg en teen Hom gedruk.

Markus 6:53

Nadat hulle na die oorkant gevaar het, het hulle by Gennesaret aan wal gegaan en vasgemeer.

Lukas 12:1

Terwyl die skare in hulle duisende saamdrom, sodat hulle mekaar byna vertrap, begin Jesus toe eers met sy dissipels praat: “Wees op julle hoede vir die suurdeeg van die •Fariseërs, dit is, hulle skynheiligheid.

Lukas 5:2

sien Hy twee bote langs die meer lê. Die vissermanne het al uitgeklim en was besig om hulle nette uit te spoel.

Lukas 8:22

Op 'n sekere dag het Jesus en sy dissipels in 'n boot geklim, en Hy het vir hulle gesê: “Kom ons gaan na die oorkant van die meer,” en hulle het uitgevaar.

Lukas 8:23

Tydens die vaart het Hy aan die slaap geraak. 'n Hewige stormwind het op die meer neergeswiep. Die boot het vol water begin word, en hulle was in lewensgevaar.

Lukas 8:33

Die demone het uit die man uitgegaan en in die varke ingevaar. Die trop het op loop gesit teen die helling af, die see in, en versuip.

Lukas 8:45

“Wie het My aangeraak?” het Jesus gevra. Toe almal dit ontken, het •Petrus gesê: “Meester, die skare dring tog rondom U saam en druk teen U aan.”

Johannes 1:40

Andreas, die broer van Simon •Petrus, was een van die twee wat gehoor het wat Johannes sê, en Jesus gevolg het.

Johannes 6:1

Hierna het Jesus na die oorkant van die See van Galilea, oftewel Tiberias, vertrek.

Deuteronomium 3:17

ook die Araba, met die Jordaan as grens vanaf die meer van Gennesaret tot by die See van die Araba, die Soutsee, en ooswaarts tot onder aan die hange van Pisga.

Hebreërs 13:7

Hou altyd julle leiers in gedagte, dié wat die woord van God aan julle verkondig het; gee ag op die uiteinde van hulle lewensloop, en neem hulle geloof as voorbeeld.

Josua 12:3

en wat ook regeer het oor die Araba aan die oostekant vanaf die meer van Gennesaret tot by die See van die Araba, die Soutsee, aan sy oostekant in die rigting van Bet-Jesimot, suid tot onder aan die hange van Pisga

Josua 13:27

in die Jordaanvallei was dit Bet-Haram, Bet-Nimra, Sukkot en Safon; die res van die koninkryk van Sihon, die koning van Gesbon – die Jordaan en oewergebied tot by die punt van die See van Gennesaret oorkant die Jordaan aan die oostekant.