Lukas 23:2 - Die Bybel 2020-vertaling

² Hulle het Hom begin aankla en gesê: “Ons het vasgestel dat hierdie man ons volk op 'n dwaalweg lei, en hulle daarvan weerhou om belasting aan die keiser te betaal, terwyl hy van homself gesê het hy is die Gesalfde – 'n koning.”

Bybel vir almal

² Hulle het begin om Jesus te beskuldig. Hulle het gesê: “Ons het uitgevind dat hierdie man ons volk opstandig maak. Hy sê die mense moenie belasting betaal aan die keiser nie. Hy sê ook hy is 'n koning, die Christus.”

Afrikaans 1933-1953

² En hulle het Hom begin beskuldig en sê: Ons het gevind dat hierdie man die volk verlei en verbied om aan die keiser belasting te betaal, terwyl Hy sê dat Hy self Christus, die Koning, is.

Afrikaans 1983

² Daar het hulle die aanklag teen Hom begin deur te sê: “Ons het bevind dat hierdie man ons volk ophits: hy belet hulle om aan die keiser belasting te betaal en beweer dat hy die Christus, die koning, is.”

Contemporary Afrikaans Bible 2023

² En hulle het hom begin beskuldig en gesê: Ons het gevind dat hierdie man die nasie verdraai en verbied om aan die keiser belasting te gee, deur te sê dat hy self Christus, die Koning is.

Die Boodskap

² Daar aangekom, het hulle Jesus van ’n kant af beskuldig: “Hierdie man het ons volk op ’n dwaalspoor gebring. Hy is ’n vals boodskapper van God. Boonop stook hy die mense op om nie belasting aan die keiser te betaal nie. Hy vertel links en regs dat hy die Messias is. Hy dink ook hy is die koning, nie die keiser nie.”

Lukas 23:2 Kruisverwysings

1 Konings 18:17

Toe Agab vir Elia sien, sê Agab vir hom: “Is dit jy, die een wat Israel in die ongeluk stort? ”

Psalms 35:11

Gewelddadige getuies staan op, oor iets waarvan ek niks weet nie, ondervra hulle my.

Psalms 62:4

Hoe lank nog gaan julle 'n man bly aanval, vermoor julle almal hom – asof hy 'n muur is wat oorhel, 'n tuinmuur wat omgestoot word?

Jeremia 20:10

Ja, ek het die geskimp van baie gehoor: “Verskrikking aan alle kante! Neem kennis! Ons sal dit bekend maak!” Al my sogenaamde vriende verwag my val: “Miskien kan hy mislei word, sodat ons die oorhand oor hom kan kry en ons op hom kan wreek.”

Jeremia 38:4

Die •hoë amptenare sê toe vir die koning: “Hierdie man moet tog doodgemaak word! Op stuk van sake is hy besig om die hande van die krygsmanne wat nog in hierdie stad oor is, en die hande van die hele volk, lam te maak deur hierdie woorde vir hulle te sê. Ja, dié man soek nie vrede vir hierdie volk nie, maar teenspoed.”

Amos 7:10

Amasia, die priester van Bet-El, het toe vir Jerobeam, die koning van Israel, laat weet: “Amos het teen u 'n komplot gesmee binne die huis van Israel. Die land sal dit nie kan uithou onder al sy woorde nie;

Sagaria 11:8

Van drie herders het ek in een maand ontslae geraak. Ek het ongeduldig geraak met hulle; ook hulle het 'n afkeer in my gekry.

Matteus 17:27

Maar sodat ons hulle nie aanstoot gee nie, gaan see toe en gooi die hoek in. Vat die eerste vis wat jy uittrek, en as jy sy bek oopmaak, sal jy 'n stater vind. Neem dit en betaal dit aan hulle namens My en jou.”

Matteus 22:21

En hulle sê vir Hom: “Die keiser s'n.” Daarop sê Hy vir hulle: “Gee dan aan die keiser wat hom toekom en aan God wat Hom toekom.”

Matteus 27:11

Jesus het voor die prokurator verskyn, en die prokurator het Hom ondervra: “Is u die koning van die Jode? ” Jesus sê toe: “U sê dit.”

Markus 12:17

Daarop sê Jesus vir hulle: “Gee dan aan die keiser wat hom toekom en aan God wat Hom toekom.” Hulle was stomverbaas oor Hom.

Markus 15:2

Pilatus vra Hom toe: “Is u die koning van die Jode?” Hy antwoord hom: “U sê dit.”

Lukas 23:14

en vir hulle gesê: “Julle het hierdie man voor my gebring as iemand wat die volk op 'n dwaalweg lei. En kyk, ek het hom in julle teenwoordigheid verhoor, en kon hierdie man nie skuldig bevind op enige van die aanklagte wat julle teen hom inbring nie.

Lukas 23:5

Maar hulle het aangedring: “Hy sweep die volk dwarsdeur die hele Judea op met sy lering, vandat hy in Galilea begin het tot hier.”

Johannes 18:29

•Pilatus het uitgegaan na hulle toe en gevra: “Watter aanklag lê julle teen hierdie man?”

Johannes 18:30

Hulle het hom geantwoord: “As hy nie 'n kwaaddoener was nie, sou ons hom nie aan u uitgelewer het nie.”

Johannes 19:12

Van dié oomblik af het Pilatus aanhoudend probeer om Hom vry te laat, maar die Jode het geskreeu: “As u hierdie man vrylaat, is u nie 'n vriend van die keiser nie. Elkeen wat homself koning maak, verset hom teen die keiser.”

Handelinge 24:13

Hulle kan ook nie die dinge waarvan hulle my nou aankla, voor u bewys nie.

Handelinge 24:5

Ons het gevind dat hierdie man 'n pes is, en dat hy onder al die Jode in die wêreld onluste veroorsaak. Hy is 'n leier van die Nasarenersekte.

Romeine 13:7

Betaal aan almal wat hulle toekom: belasting aan wie belasting, tolgeld aan wie tolgeld, ontsag aan wie ontsag, eer aan wie eer toekom.