Lukas 2:20 - Die Bybel 2020-vertaling

²⁰ Die skaapwagters het teruggekeer, terwyl hulle God verheerlik en prys oor alles wat hulle gehoor en gesien het – presies soos dit aan hulle meegedeel is.

Bybel vir almal

²⁰ Die skaapwagters het teruggegaan. Hulle het God geloof en geprys oor alles wat hulle gehoor en gesien het. Dit het alles gebeur soos die engel vir hulle vertel het.

Afrikaans 1933-1953

²⁰ En die herders het teruggegaan en God verheerlik en geprys oor alles wat hulle gehoor en gesien het, net soos aan hulle gesê is.

Afrikaans 1983

²⁰ Die skaapwagters het toe teruggegaan terwyl hulle God loof en prys oor alles wat hulle gehoor en gesien het. Dit was alles net soos dit vir hulle gesê is.

Contemporary Afrikaans Bible 2023

²⁰ En die herders het teruggekeer en God verheerlik en geprys vir alles wat hulle gehoor en gesien het, soos aan hulle gesê is.

Die Boodskap

²⁰ Later het die skaapwagters teruggegaan na hulle skape toe. Hulle harte het oorgeloop van dankbaarheid teenoor God. Hulle het sy Naam geloof oor alles wat hulle gehoor en gesien het. Alles was presies net soos die engel vir hulle gesê het.

Lukas 2:20 Kruisverwysings

Psalms 106:48

Lofwaardig is die Here, die God van Israel, van ewigheid af en vir ewig. Die hele volk moet sê: “•Amen! Halleluja!”

Psalms 107:15

Hulle moet die Here prys vir sy troue liefde, vir sy wonders aan mensekinders;

Psalms 107:21

Hulle moet die Here prys vir sy troue liefde, vir sy wonders aan mensekinders.

Psalms 107:8

Hulle moet die Here prys vir sy troue liefde, vir sy wonders aan mensekinders;

Jesaja 29:19

Magteloses sal weer vreugde ervaar in die Here, en behoeftige mense sal juig oor die Heilige van Israel.

Matteus 9:8

Toe die skare dit sien, is hulle met diep ontsag vervul, en hulle het God, wat sulke gesag aan mense gee, geprys.

Markus 1:7

Hy het gepreek en gesê: “Ná my kom Hy wat sterker as ek is. Ek is nie eers werd om te buk en die riempies van sy sandale los te maak nie.

Lukas 18:43

En onmiddellik kon hy sien. Hy het Jesus gevolg en God geprys. Die hele volk wat dit gesien het, het God geloof.

Handelinge 11:18

Toe hulle dit hoor, het hulle geswyg en God verheerlik en gesê: “So het God dus ook aan die heidene die bekering tot die lewe geskenk.”