Lukas 10:9 - Die Bybel 2020-vertaling

⁹ Maak die siekes wat daar is, gesond en sê vir hulle, ‘Vir julle is die •koninkryk van God op hande.’

Bybel vir almal

⁹ Julle moet die siek mense in daardie stad gesond maak. Julle moet vir hulle sê: ‘Die tyd is naby wanneer julle sal weet God is Koning.’

Afrikaans 1933-1953

⁹ En maak die siekes gesond wat daarin is, en sê vir hulle: Die koninkryk van God het naby julle gekom.

Afrikaans 1983

⁹ Maak die siekes daar gesond en sê vir die mense: ‘Vir julle is die koninkryk van God baie naby!’

Contemporary Afrikaans Bible 2023

⁹ En genees die siekes wat daarin is, en sê vir hulle: Die koninkryk van God het naby julle gekom.

Die Boodskap

⁹ “Maak al die siek mense gesond wat julle raakloop. Sê ook vir hulle: ‘God se nuwe wêreld het tot hier by julle gekom.’

Nuwe Lewende Vertaling

⁹ Genees die siekes wat daar woon, en sê vir hulle: ‘Die koningsheerskappy van God is nou naby julle.’

Lukas 10:9 Kruisverwysings

Daniël 2:44

In die tyd van daardie konings sal die God van die hemel 'n koninkryk vestig wat vir ewig nie vernietig sal word of aan 'n ander volk oorgelaat sal word nie. Hierdie koninkryk sal al daardie ander verpletter en tot 'n einde bring, en dit sal standhou vir ewig.

Matteus 3:2

“Bekeer julle, want die •koninkryk van die hemele is op hande.”

Matteus 4:17

Van toe af het Jesus met sy verkondiging begin en gesê: “Bekeer julle, want die •koninkryk van die hemele is op hande.”

Markus 4:30

En Hy het gesê: “Hoe sou mens die •koninkryk van God uitbeeld, of deur watter gelykenis sou mens dit voorstel?

Markus 6:13

Hulle het baie demone uitgedryf, en baie siekes met olyfolie gesalf en gesond gemaak.

Lukas 10:10

Maar as julle in 'n dorp kom waar hulle julle nie verwelkom nie, gaan dan uit in die strate en sê,

Lukas 10:11

‘Selfs die stof van julle dorp wat aan ons voete kleef, vee ons af as aanklag teen julle. Maar dit moet julle weet: Die koninkryk van God is op hande!’

Lukas 9:2

Toe het Hy hulle uitgestuur om die •koninkryk van God te verkondig en om die siekes gesond te maak,

Johannes 3:3

Jesus het hom geantwoord: “Amen, amen, Ek sê vir jou: As iemand nie van bo gebore word nie, kan hy die •koninkryk van God nie sien nie.”

Johannes 3:5

Jesus antwoord: “Amen, amen, Ek sê vir jou: As iemand nie uit water én Gees gebore word nie, kan hy die koninkryk van God nie binnegaan nie.

Handelinge 28:28

“Julle moet dan weet dat hierdie verlossing van God aan die heidene gestuur is, en hulle sal luister. ”

Handelinge 28:31

Hy het die koninkryk van God verkondig en hulle met alle vrymoedigheid en ongehinderd oor die Here Jesus Christus onderrig.