Lukas 10:3 - Die Bybel 2020-vertaling

³ Gaan nou! Kyk, Ek stuur julle soos lammers tussen wolwe in.

Bybel vir almal

³ Gaan nou, maar onthou, Ek stuur julle na die mense in die wêreld, en julle sal wees soos skape wat tussen gevaarlike wolwe is.

Afrikaans 1933-1953

³ Gaan dan; kyk, Ek stuur julle soos lammers onder wolwe.

Afrikaans 1983

³ Gaan nou! Maar onthou: Ek stuur julle soos lammers tussen wolwe in.

Contemporary Afrikaans Bible 2023

³ Gaan voort: kyk, Ek stuur julle soos lammers tussen wolwe.

Die Boodskap

³ “Gaan nou na die plekke toe waarheen Ek nog op pad is. Maar wees gewaarsku: daar wag groot gevare op julle. Ek stuur julle soos ’n klompie skape deur ’n bos wat wemel van gevaarlike diere.

Nuwe Lewende Vertaling

³ Gaan nou, en onthou dat Ek julle soos lammers tussen wolwe instuur.

Lukas 10:3 Kruisverwysings

Psalms 22:21

Red tog my lewe van die swaard, my enigste lewe uit die mag van die honde.

Sefanja 3:3

Die •hoë amptenare in die stad is brullende leeus, haar regters is nagwolwe wat niks tot die oggend laat oorbly nie.

Matteus 10:16

“Kyk, Ek stuur julle uit soos skape onder die wolwe. Wees dan behoedsaam soos slange en onskuldig soos duiwe.

Matteus 10:22

En julle sal deur almal gehaat word ter wille van my Naam. Maar wie volhard tot aan die einde, dié sal verlos word.

Matteus 7:15

“Wees op julle hoede vir die vals profete wat in skaapsklere na julle kom, maar in hulle binneste wolwe is wat verskeur.

Lukas 10:4

“ Moenie 'n beursie of 'n reissak of sandale saamdra nie, en moet niemand langs die pad groet nie.

Johannes 10:12

Die huurarbeider, wat nie 'n herder is nie, en aan wie die skape nie behoort nie, sien die wolf kom, los die skape en vlug – en die wolf vang en verjaag hulle –

Johannes 15:20

Onthou die woorde wat Ek vir julle gesê het: 'n Slaaf is nie belangriker as sy eienaar nie. As hulle My vervolg het, sal hulle julle ook vervolg. As hulle my woorde gehoorsaam het, sal hulle ook julle woorde gehoorsaam.

Johannes 16:2

Hulle sal julle uit die •sinagoges ban. Daar kom 'n tyd dat elkeen wat vir julle doodmaak, sal dink dat hy 'n diens aan God bewys.

Handelinge 20:29

Ek weet dat wrede wolwe ná my vertrek julle geledere sal binnedring en die kudde nie sal spaar nie.

Handelinge 9:16

Ek sal boonop aan hom toon hoeveel hy ter wille van my Naam moet ly. ”

Handelinge 9:2

en van hom briewe gevra aan die •sinagoges in Damaskus, sodat, indien hy enige mense opspoor wat aanhangers van die Weg is, mans sowel as vroue, hy hulle geboeid na Jerusalem kon bring.