Lukas 1:70 - Die Bybel 2020-vertaling

⁷⁰ soos Hy reeds lank gelede by monde van sy heilige profete beloof het –

Bybel vir almal

⁷⁰ Die Here het belowe Hy sal dit doen. Sy gewyde profete het dit lank gelede gesê.

Afrikaans 1933-1953

⁷⁰ soos Hy gespreek het deur die mond van sy heilige profete van ouds af —

Afrikaans 1983

⁷⁰ So het die Here dit reeds van oudsher belowe deur die mond van sy heilige profete:

Contemporary Afrikaans Bible 2023

⁷⁰ Soos Hy gespreek het deur die mond van sy heilige profete, wat bestaan het vandat die wêreld begin het:

Die Boodskap

⁷⁰ Die profete wat Hy gestuur het om sy wil bekend te maak, het daaroor gepraat.

Nuwe Lewende Vertaling

⁷⁰ soos Hy lank gelede deur sy heilige profete beloof het.

Lukas 1:70 Kruisverwysings

Genesis 12:3

Ek sal hulle seën wat jou seën, maar wie jou verwens, sal Ek vervloek. En deur jou sal al die grootfamilies van die aarde geseënd wees. ”

Genesis 3:15

Vyandskap sal Ek tussen jou en die vrou stel, en tussen jou nageslag en haar nageslag. Hy sal jou kop aanval, en jy sal sy hakskeen aanval.”

Genesis 49:10

Die septer sal nie van Juda wyk nie, ook nie die heerserstaf tussen sy voete nie, totdat hy aan wie dit behoort, kom, en volke aan hom gehoorsaam is.

2 Samuel 23:2

Die Gees van die Here spreek deur my, sy woord is op my tong.

Jeremia 23:5

“Kyk, daar kom dae,” is die uitspraak van die Here, “wanneer Ek vir Dawid 'n regverdige loot sal laat opkom. Hy sal as koning regeer en verstandig optree; hy sal in die land reg en geregtigheid handhaaf.

Jeremia 30:10

En jy, my dienskneg Jakob, moenie bang wees nie!’ is die uitspraak van die Here. ‘Moet jou nie laat afskrik nie, Israel! Want kyk, Ek gaan jou verlos uit 'n ver plek, jou nageslag uit die land van hulle gevangenskap. Jakob sal terugkeer; hy sal stil en rustig wees, en niemand sal hom opjaag nie.

Markus 12:36

Dawid self het deur die Heilige Gees gesê: “ ‘Die Here het vir my Here gesê: Sit aan my regterhand totdat Ek jou vyande onder jou voete geplaas het. ’

Lukas 24:44

Daarna het Hy vir hulle gesê: “Dit was my woorde wat Ek tot julle gerig het toe Ek nog saam met julle was, dat alles wat in die •Wet van Moses en die Profete en die Psalms oor My geskryf is, vervul moet word. ”

Handelinge 28:25

In onenigheid onder mekaar het hulle uiteengegaan, nadat Paulus nog 'n enkele laaste woord gespreek het: “Die Heilige Gees het tereg deur die profeet Jesaja aan julle voorvaders gesê:

Romeine 1:2

wat Hy reeds tevore deur sy profete in die heilige Skrifte beloof het

Hebreërs 3:7

Daarom, soos die Heilige Gees sê: “Vandag, as julle sy stem hoor,

1 Petrus 1:12

Aan hulle is geopenbaar dat hulle, wat hierdie dinge betref, nie besig was om hulleself nie, maar júlle, te bedien. Hierdie dinge is nou aan julle meegedeel deur hulle wat die evangelie aan julle verkondig het, deur die Heilige Gees, wat van die hemel gestuur is. Selfs engele begeer om insig hierin te verkry.

2 Petrus 1:21

Want geen profesie is ooit deur die wil van 'n mens voortgebring nie; maar, meegevoer deur die Heilige Gees, het mense die woorde uitgespreek wat van God afkomstig is.

2 Petrus 3:2

sodat julle die woorde kan onthou wat voorheen deur die heilige profete uitgespreek is, en ook die opdrag van ons Here en Verlosser wat julle •apostels deurgegee het.

Openbaring 19:10

En ek het voor sy voete neergeval om hom te aanbid. Maar hy sê vir my: “Moet dit nie doen nie! Ek is net 'n mededienskneg saam met jou en jou broers wat die getuienis oor Jesus huldig. Aanbid God, want die getuienis oor Jesus is die gees van die profesie. ”