Josua 23:3 - Die Bybel 2020-vertaling

³ Julle het self alles gesien wat die Here julle God gedoen het aan al hierdie nasies, ter wille van julle. Die Here julle God, Hy is immers die Een wat vir julle geveg het.

Bybel vir almal

³ Julle het self alles gesien wat julle God die Here vir julle gedoen het met hierdie volke. Want julle God die Here, Hy self het oorlog gemaak sodat julle die vyande kon oorwin.

Afrikaans 1933-1953

³ en julle het self gesien alles wat die Here julle God aan al hierdie nasies voor julle uit gedoen het; want die Here julle God, Hy het vir julle gestry.

Afrikaans 1983

³ Julle het gesien wat die Here julle God alles aan hierdie nasies gedoen het ter wille van julle. Dit is Hy, die Here julle God, wat die oorlog vir julle gevoer het.

Contemporary Afrikaans Bible 2023

³ En julle het alles gesien wat die HERE julle God aan al hierdie nasies gedoen het om julle ontwil; want die HERE julle God is Hy wat vir julle geveg het.

Die Boodskap

³ Julle het alles gesien en beleef wat die Here julle God tydens my leeftyd vir julle gedoen het. Julle het gesien hoe Hy namens julle teen julle vyande opgetree het.

Josua 23:3 Kruisverwysings

Eksodus 14:14

Die Here self sal vir julle veg. Julle moet net stil bly.”

Eksodus 19:4

‘Julle het self gesien wat Ek aan die Egiptenare gedoen het, en hoe Ek julle op arendsvlerke gedra en julle na My gebring het.

Esegiël 20:28

Ek het hulle na die land gebring waaroor Ek my hand opgehef het om dit aan hulle te gee. Maar hulle het elke hoë heuwel en elke blaarryke boom raakgesien, en daar hulle •offers geslag, daar tot my ergernis hulle offergawes aangebied, daar hulle geurige offers neergesit en daar hulle •drankoffers uitgegiet.

Maleagi 1:5

Met julle eie oë sal julle dit sien en julle sal self erken: “Die Here is groot buite die grense van Israel.”

Deuteronomium 1:30

Die Here julle God wat voor julle uit gaan, Hy self sal vir julle veg net soos al die vorige kere toe Hy dit voor julle oë vir julle gedoen het in Egipte

Deuteronomium 20:4

Dit is immers die Here julle God wat saam met julle gaan om vir julle teen julle vyande te veg, om julle te laat wen.’

Deuteronomium 4:9

“ Wees net versigtig, ja, let noukeurig daarop dat julle nie die dinge vergeet wat julle met julle eie oë gesien het nie, en dat dit nie uit julle harte verdwyn solank julle leef nie. Sorg dat julle kinders en kleinkinders kennis dra

Deuteronomium 7:17

Jy sou kon dink, hierdie nasies is groter as ek, hoe kan ek hulle verdryf?

Deuteronomium 7:24

Hy sal hulle konings in jou hand gee en jy sal hulle name tot niet maak onder die hemel. Niemand sal voor jou kan standhou nie, totdat jy hulle uitgedelg het.

Josua 10:14

Daar was nooit tevore of daarna 'n dag soos hierdie nie, waarop die Here geluister het na die stem van 'n mens. Ja, die Here het vir Israel geveg.

Josua 10:42

al hierdie konings en hulle land het Josua met een veldtog verower, want die Here, die God van Israel, het vir Israel geveg.

Josua 23:10

Net een van julle jaag 'n duisend op loop; want die Here julle God, Hy is die Een wat vir julle veg soos Hy julle beloof het.