Josua 22:9 - Die Bybel 2020-vertaling

⁹ Die nageslag van Ruben en Gad, en die halwe stam van Manasse, het omgedraai en weggegaan van die Israeliete af, van Silo af wat in die land Kanaän is, om na die landstreek Gilead te gaan, na die streek van hulle erfgrond waar hulle hulle gevestig het op bevel van die Here by monde van Moses.

Bybel vir almal

⁹ Die manne van die stamme Ruben en Gad en die halwe Manasse-stam het toe teruggegaan. Hulle het weggegaan van die ander Israeliete by die stad Silo in die land Kanaän. Hulle het na die land Gilead gegaan, die land wat aan hulle behoort. Die Here het vir Moses gesê hulle moet daardie land vat.

Afrikaans 1933-1953

⁹ So het die kinders van Ruben en die kinders van Gad en die halwe stam van Manasse dan teruggegaan, en hulle het weggetrek van die kinders van Israel af, uit Silo wat in die land Kanaän lê, om te gaan na die land Gílead, na die land van hulle besitting waarin hulle, op bevel van die Here deur die diens van Moses, vaste besittings verkry het.

Afrikaans 1983

⁹ Die stamme Ruben en Gad en die halwe Manassestam is toe van die Israeliete in Silo in Kanaän af weg om na Gilead toe te gaan, na hulle eie gebied wat in besit geneem is op die bevel van die Here deur Moses.

Contemporary Afrikaans Bible 2023

⁹ En die kinders van Ruben en die kinders van Gad en die halwe stam van Manasse het teruggekeer en van die kinders van Israel af weggetrek uit Silo wat in die land Kanaän is, om na die land Gílead te gaan, na die land van hulle besitting waarvan hulle in besit geneem is, volgens die woord van die HERE deur die diens van Moses.

Die Boodskap

⁹ Die stamme van Ruben, Gad en die halwe Manassestam het die Israeliete by Silo in Kanaän agtergelaat en die terugtog aangepak na hulle eie gebied toe in Gilead. Hierdie gebied het aan hulle behoort, soos die Here vroeër vir Moses gesê het.

Nuwe Lewende Vertaling

⁹ Die Rubeniete en Gadiete en die mans van die halwe Manassestam het die ander Israeliete in Silo in Kanaän agtergelaat. Hulle het teruggegaan na Gilead, na hulle grond wat hulle verower het, soos die Here hulle deur Moses beveel het.

Josua 22:9 Kruisverwysings

2 Samuel 2:9

Hy het hom koning gemaak oor Gilead, die Asuriete en Jisreël, en ook oor Efraim en Benjamin – oor die hele Israel.

1 Kronieke 5:9

Na die oostekant toe het hulle gewoon tot op die rand van die woestyn, in die rigting van die Eufraatrivier, want hulle vee het baie geword in die land Gilead.

Psalms 60:7

Sodat u geliefdes gered kan word – verlos tog met u regterhand en antwoord ons!

Numeri 32:1

Die nageslag van Ruben en Gad het baie vee gehad, besonder baie. Toe hulle die landstreek Jaser en die landstreek Gilead sien – en kyk, die gebied was 'n plek vir vee –

Numeri 32:20

Toe sê Moses vir hulle: “As julle hierdie saak so aanpak, as julle voor die Here julle vir die geveg bewapen,

Numeri 32:22

en die land voor die Here onderwerp is, kan julle daarná terugkeer. Julle sal dan sonder blaam wees teenoor die Here en teenoor Israel, en hierdie gebied sal in die oë van die Here vir julle erfgrond wees.

Numeri 32:26

Ons afhanklikes, ons vroue, ons vee en al ons diere sal daar in die stede van Gilead bly;

Numeri 32:29

Moses het vir hulle gesê: “As die nageslag van Gad en Ruben saam met julle die Jordaan oorsteek, elkeen wat gewapen is vir die geveg voor die Here, en die land voor julle onderwerp is, moet julle vir hulle die land Gilead gee as erfgrond.

Deuteronomium 3:18

“ Ek het julle in daardie tyd opdrag gegee en gesê, ‘Die Here julle God het nou wel vir julle hierdie land gegee om in besit te neem, maar al julle onverskrokke manne moet gewapend oortrek voor julle volksgenote, die Israeliete.

Deuteronomium 3:20

Eers nadat die Here vir julle volksgenote rus gegee het, soos vir julle, wanneer ook hulle die land beset het wat die Here julle God vir hulle gaan gee oorkant die Jordaan, mag julle weer terugkom, elkeen na sy eiendom wat ek aan julle gegee het.’

Deuteronomium 34:1

Moses het uit die vlaktes van Moab teen die berg Nebo uitgeklim, na die kruin van Pisga wat teenoor Jerigo lê. Die Here het hom die hele land, van Gilead tot by Dan, gewys,

Josua 13:11

ook Gilead en die gebiede van die mense van Gesur en Maäga; die hele berg Hermon en die hele Basan tot by Salga –

Josua 13:25

en dié gebied het aan hulle behoort: Jaser, al die dorpe in Gilead en die helfte van die land van die Ammoniete tot by Aroër wat langs Rabba lê;

Josua 13:31

Die helfte van Gilead, asook Astarot en Edreï, die dorpe van die koninkryk van Og in Basan, is aan die nageslag van Magir, seun van Manasse, gegee, aan die helfte van die nageslag van Magir, ooreenkomstig hulle familiegroepe.

Josua 22:10

Toe hulle by Gelilot kom, wat in die land Kanaän langs die Jordaan is, het die nageslag van Ruben en Gad en die halwe stam van Manasse, daar langs die Jordaan 'n altaar gebou, 'n groot, indrukwekkende altaar.

Rigters 20:1

Al die Israeliete het toe uitgetrek. Die volksvergadering het, van Dan tot Berseba en van die Gileadstreek af, soos een man saamgetrek voor die Here in Mispa.

Rigters 5:17

Gilead het oorkant die Jordaan vertoef, en Dan – waarom is hy tydelik by die skepe? Aser sit langs die seestrand, by sy vasmeerplekke vertoef hy.