Josua 22:4 - Die Bybel 2020-vertaling

⁴ En nou het die Here julle God vir julle broers rus gegee, soos Hy hulle beloof het. Julle moet dan nou omdraai en na julle woonplekke gaan, na die land van julle erfgrond, wat Moses, die dienskneg van die Here, vir julle gegee het oorkant die Jordaan.

Bybel vir almal

⁴ En nou het julle God die Here die ander Israeliete laat wen teen hulle vyande, Hy het dit vir hulle belowe. Gaan nou terug na julle woonplekke in die land wat aan julle behoort, die land oos van die Jordaan-rivier. Dit is die land wat Moses, die dienaar van die Here, vir julle gegee het.

Afrikaans 1933-1953

⁴ Maar nou het die Here julle God jul broers rus gegee, soos Hy hulle beloof het; draai dan nou om en gaan na julle tente, na die land van julle besitting wat Moses, die kneg van die Here, julle oorkant die Jordaan gegee het.

Afrikaans 1983

⁴ Nou het Hy aan julle broers 'n woonplek gegee soos Hy hulle beloof het. Gaan nou terug na julle eie woonplekke toe, na julle eie gebied oorkant die Jordaan wat Moses die dienaar van die Here aan julle toegeken het.

Contemporary Afrikaans Bible 2023

⁴ En nou het die HERE julle God rus gegee aan julle broers, soos Hy hulle beloof het; daarom gaan julle nou terug en gaan na julle tente en na die land van julle besitting wat Moses, die kneg van die HERE aan die anderkant aan julle gegee het, kant Jordaan.

Die Boodskap

⁴ Nou het die Here julle God sy belofte aan julle broers nagekom en hulle bly in vrede in hulle land. Julle kan nou teruggaan na julle eie land toe wat Moses vir julle gegee het, daar aan die oostekant van die Jordaan.

Nuwe Lewende Vertaling

⁴ Die Here julle God het soos Hy beloof het, vir julle volksgenote permanente blyplek gegee. Julle kan nou omdraai en teruggaan na julle woonplekke toe, na die grond wat Moses, die dienaar van die Here, vir julle oorkant die Jordaanrivier gegee het.

Josua 22:4 Kruisverwysings

1 Kronieke 22:18

“Is die Here julle God nie met julle nie? En het Hy julle nie aan alle kante rus gegee nie? Ja, Hy het die inwoners van die land in my hand gegee, en die land is aan die Here en aan sy volk onderwerp.

Eksodus 33:14

Die Here het gesê: “Moet my teenwoordigheid saamgaan, en moet Ek vir jou rus gee? ”

Numeri 32:18

Ons sal nie na ons huise terugkeer nie, totdat elkeen van die Israeliete sy erfdeel volledig besit;

Deuteronomium 12:9

Want julle het nou nog nie by die rusplek en erfenis aangekom wat die Here jou God vir jou gaan gee nie.

Deuteronomium 29:8

hulle land afgeneem en dit as erfenis aan die stamme van Ruben en Gad en die halwe stam van Manasse gegee.

Deuteronomium 3:20

Eers nadat die Here vir julle volksgenote rus gegee het, soos vir julle, wanneer ook hulle die land beset het wat die Here julle God vir hulle gaan gee oorkant die Jordaan, mag julle weer terugkom, elkeen na sy eiendom wat ek aan julle gegee het.’

Hebreërs 4:8

As Josua hulle dan tot rus gebring het, sou Hy nie gepraat het van 'n ander dag daarna nie.

Josua 1:15

totdat die Here vir julle broers rus gegee het soos vir julle, en hulle ook die land wat die Here julle God vir hulle gee, in besit geneem het. Dan mag julle terugkeer na die land wat julle eiendom is en dit in besit neem – die land wat Moses, die dienskneg van die Here, vir julle gegee het oorkant die Jordaan, aan die oostekant.’ ”

Josua 12:6

Moses, die dienskneg van die Here, en die Israeliete het hulle verslaan, en Moses, die dienskneg van die Here, het dit as eiendom aan die stamme van Ruben en Gad en die halwe stam van Manasse gegee.

Josua 13:15

Moses het aan die stam van die nageslag van Ruben, ooreenkomstig hulle familiegroepe, die volgende gegee,

Josua 13:8

Saam met die ander halwe stam van Manasse het die stamme van Ruben en Gad hulle erfdeel wat Moses aan hulle gegee het oorkant die Jordaan, aan die oostekant, ontvang, net soos Moses, die dienskneg van die Here, dit aan hulle gegee het:

Josua 22:3

Alreeds vir 'n baie lang tyd, tot vandag toe, het julle nie julle broers in die steek gelaat nie. Julle het die verpligtinge van die Here julle God se opdrag nagekom.