Josua 22:5 - Die Bybel 2020-vertaling

⁵ Kom net die opdragte en die wet nougeset na wat Moses, die dienskneg van die Here, julle beveel het, naamlik om die Here julle God lief te hê, al sy paaie te volg, sy gebooie na te kom, aan Hom vas te hou, en Hom te dien met julle hele hart en julle hele wese. ”

Bybel vir almal

⁵ Maar onthou, julle moet seker maak dat julle doen wat die gebooie en die wette sê wat Moses, die dienaar van die Here, vir julle gegee het. Julle moet lief wees vir julle God die Here, julle moet lewe soos Hy wil hê en julle moet doen wat sy gebooie sê. Julle moet aanhou om Hom te dien met julle hele hart, met julle hele lewe.”

Afrikaans 1933-1953

⁵ Neem net noukeurig in ag die onderhouding van die gebod en die wet wat Moses, die kneg van die Here, julle beveel het, om die Here julle God lief te hê en in al sy weë te wandel en sy gebooie te onderhou en Hom aan te hang en Hom te dien met julle hele hart en met julle hele siel.

Afrikaans 1983

⁵ Sorg net dat julle die gebod en die wet wat Moses die dienaar van die Here julle opgelê het, getrou onderhou, naamlik om die Here julle God lief te hê en volgens sy wil te lewe, sy gebooie te onderhou, aan Hom getrou te bly en Hom met julle hele hart en siel te dien.”

Contemporary Afrikaans Bible 2023

⁵ Maar let op om die gebod en die wet te doen wat Moses, die kneg van die HERE, jou beveel het, om die HERE jou God lief te hê en in al sy weë te wandel en sy gebooie te onderhou en Hom aan te kleef, en om hom te dien met jou hele hart en met jou hele siel.

Die Boodskap

⁵ Maar maak seker dat julle die gebooie en die wet wat Moses vir julle gegee het, nakom. Julle moet die Here julle God liefhê, volgens sy wil lewe, sy opdragte uitvoer, getrou wees aan Hom en Hom dien met alles binne-in julle.”

Josua 22:5 Kruisverwysings

Psalms 106:3

Gelukkig is hulle wat die reg onderhou, te alle tye geregtigheid handhaaf!

Psalms 78:7

en sodat húlle weer hulle vertroue in God kan stel, God se dade nie vergeet nie en kan hou by sy bevele.

Eksodus 15:26

Hy het gesê: “As jy noukeurig luister na die stem van die Here jou God, doen wat reg is in sy oë, aandag gee aan sy gebooie en al sy vaste voorskrifte nakom, dan sal Ek nie een van die siektes wat Ek op die Egiptenare gelaai het, oor jou bring nie; want Ek is die Here wat jou gesond maak. ”

Eksodus 20:6

maar troue liefde bewys aan duisende, aan hulle wat My liefhet en my gebooie nakom.

Eksodus 23:13

Alles wat Ek vir julle gesê het, moet julle nakom. Die name van ander gode mag julle nie aanroep nie; dit mag nie uit julle monde gehoor word nie.

Eksodus 23:25

Julle moet die Here julle God dien. Hy sal jou voedsel en water seën. Ek sal siektes uit jou midde verwyder.

Spreuke 4:23

Bewaak jou hart meer as enigiets wat bewaar word, want daaruit ontspring die lewe.

Jesaja 55:2

Waarom weeg julle silwer af vir wat nie brood is nie, en bestee julle moeitevolle arbeid aan wat nie versadig nie? As julle aandagtig na My luister, sal julle eet wat goed is, sal julle julle aan ryk kos verlustig.

Jeremia 12:16

As die ander volke die paaie van my volk goed leer ken, deur 'n eed af te lê in my Naam met die woorde, ‘So waar as die Here leef’ – soos hulle my volk geleer het om by Baäl te sweer – sal hulle in die midde van my volk gevestig word.

Matteus 22:37

Hy het vir hom gesê: “ ‘Jy moet die Here jou God liefhê met jou hele hart en met jou hele siel en met jou hele verstand.’

Matteus 4:10

Toe sê Jesus vir hom: “Gaan weg, Satan! Want daar staan geskryf, “ ‘Die Here jou God moet jy aanbid en Hom alleen dien.’ ”

Matteus 6:24

“Niemand kan twee base dien nie. Want hy sal óf die een haat en die ander een liefhê, óf hy sal aan die een lojaal wees en die ander een verag. Julle kan nie God én Mammon dien nie.

Lukas 1:74

gered uit die hand van ons vyande, Hom sonder vrees sou dien,

Johannes 12:26

As iemand My wil dien, laat hy My volg; en waar Ek is, daar sal my dienskneg ook wees. As iemand My dien, sal die Vader hom eer.

Johannes 14:15

“ As julle My liefhet, sal julle my gebooie onderhou.

Handelinge 11:23

Toe hy daar aankom en die genade van God sien, was hy bly en het almal aangemoedig om met vaste voorneme van hart aan die Here getrou te bly.

Handelinge 27:23

Verlede nag het 'n engel van die God aan wie ek behoort en vir wie ek dien, by my kom staan

Romeine 1:9

God, wat ek met my hele wese dien deur die evangelie van sy Seun, is my getuie dat ek gedurig aan julle dink

Romeine 12:9

Julle liefde moet ongeveins wees. Verafsku die kwaad; hou vas aan die goeie.

Romeine 8:28

Ons weet dat God alles ten goede laat meewerk vir hulle wat Hom liefhet, vir hulle wat volgens sy voorneme geroep is;

Deuteronomium 10:20

“Vir die Here jou God moet jy ontsag hê – Hom moet jy dien, aan Hom moet jy vashou en slegs in sy Naam moet jy sweer.

Deuteronomium 11:1

“ Jy moet die Here jou God liefhê en die verpligtinge wat Hy oplê, altyd nakom – sy vaste voorskrifte, sy beslissings en gebooie.

Deuteronomium 11:13

“ As julle goed luister na my gebooie wat ek vandag vir julle voorskryf, naamlik om die Here julle God lief te hê en Hom te dien met julle hele hart en julle hele wese,

Deuteronomium 11:22

“ Ja, as julle hierdie hele gebod wat ek vir julle voorskryf, sorgvuldig nakom deur dit uit te voer, die Here julle God lief te hê, al sy paaie te volg en aan Hom vas te hou,

Deuteronomium 13:4

Julle moet die Here julle God volg, vir Hom moet julle ontsag hê en sy gebooie nakom. Na sy stem moet julle luister, en Hom moet julle dien, en aan Hom moet julle vashou.

Deuteronomium 4:29

“ Daar sal julle die Here julle God soek en Hom vind, as julle Hom met hart en siel smeek.

Deuteronomium 4:4

Maar julle wat aan die Here julle God vasgehou het, julle almal leef vandag nog.

Deuteronomium 4:6

Kom dit na en voer dit uit, want daaruit sal dit vir die nasies duidelik wees dat julle wysheid en insig het. Wanneer hulle al hierdie vaste voorskrifte hoor, sal hulle sê, ‘Wat 'n wyse en verstandige volk is hierdie groot nasie nie!’

Deuteronomium 4:9

“ Wees net versigtig, ja, let noukeurig daarop dat julle nie die dinge vergeet wat julle met julle eie oë gesien het nie, en dat dit nie uit julle harte verdwyn solank julle leef nie. Sorg dat julle kinders en kleinkinders kennis dra

Deuteronomium 5:10

maar troue liefde bewys aan duisende, aan hulle wat My liefhet en my gebooie nakom.

Deuteronomium 6:17

“ Julle moet die gebooie van die Here julle God sorgvuldig nakom, sy bepalings en vaste voorskrifte wat Hy jou opgedra het.

Hebreërs 12:15

Sien toe dat niemand die genade van God verspeel nie, sodat geen wortel van bitterheid opskiet, en moeilikheid veroorsaak, en baie daardeur besoedel word nie;

Jakobus 1:12

Gelukkig is die man wat versoeking deurstaan, want as hy die toets slaag, sal hy die oorwinningskrans van die lewe ontvang, wat God beloof het aan hulle wat Hom liefhet.

Jakobus 2:5

Luister, my geliefde broers, het God nie die armes in die wêreld gekies om ryk in die geloof te wees nie? En om erfgename te wees van die koninkryk wat Hy beloof het aan hulle wat Hom liefhet nie?

Josua 23:8

Maar aan die Here julle God moet julle vashou, soos julle tot vandag toe gedoen het.

Openbaring 15:3

Hulle sing toe die lied van Moses, die dienskneg van God. Dit is ook die lied van die Lam, wat so lui: “Groots en wonderbaarlik is u dade, Here God, Almagtige. Regverdig en betroubaar is u paaie, o Koning van die nasies.

1 Samuel 12:20

Samuel het vir die volk gesê: “Moenie bang wees nie! Julle het wel al hierdie kwaad gedoen, maar moet net nie van die Here af wegdraai nie. Dien die Here met julle hele hart.

1 Samuel 12:24

Maar julle moet net vir die Here ontsag hê en Hom in getrouheid dien met julle hele hart. Ja, let op die groot dinge wat Hy vir julle gedoen het.

1 Samuel 7:3

Samuel het toe vir die hele huis van Israel gesê: “As julle met julle hele hart na die Here wil terugkeer, verwyder dan die vreemde gode uit julle midde, en ook die Astartes. Rig julle hart op die Here en dien Hom alleen, sodat Hy julle kan red uit die hand van die Filistyne.”