Josua 15:4 - Die Bybel 2020-vertaling

⁴ gaan verby Asmon en strek verder na die Spruit van Egipte. Die verste punt van die grens is die see. Dit is hulle suidelike grens.

Bybel vir almal

⁴ Daarna gaan die grens verby die stad Asmona en dan saam met Egipte-spruit tot by die see. Dit is die suidgrens van Juda.

Afrikaans 1933-1953

⁴ dan loop dit oor na Asmon en loop aan na die spruit van Egipte, sodat die lyn doodloop by die see; dit sal julle suidelike lyn wees.

Afrikaans 1983

⁴ Dan loop dit oor na Asmon toe en met Egiptespruit langs totdat dit teen die see doodloop. Dit is Juda se suidelike grens.

Contemporary Afrikaans Bible 2023

⁴ Daarvandaan het dit deurgegaan na Asmon en uitgegaan na die rivier van Egipte; en die uitgange van daardie kus was by die see; dit sal julle suidkus wees.

Die Boodskap

⁴ Van daar af loop dit oor na Asmon, totdat dit uiteindelik die Egiptespruit bereik en die spruit dan volg tot waar dit teen die Middellandse See doodloop. Dit is hoe Juda se suidelike grens lyk.

Josua 15:4 Kruisverwysings

Genesis 15:18

Op daardie dag het die Here met Abram 'n verbond gesluit: “Aan jou nageslag gee Ek hierdie land, van die rivier van Egipte af tot by die groot rivier, die Eufraatrivier –

1 Konings 8:65

Salomo het in daardie tyd die Huttefees gevier. Die hele Israel was saam met hom, 'n groot byeenkoms uit die hele land, van Lebo-Hamat af tot by die Spruit van Egipte, saam voor die Here ons God, sewe dae lank en toe nog sewe dae lank, veertien dae altesaam.

Eksodus 23:31

Ek sal jou grense vasstel vanaf die Rietsee tot by die See van die Filistyne, en vanaf die woestyn tot by die Rivier, want Ek sal die inwoners van die land in julle hand gee, en jy sal hulle voor jou uit verdryf.

Jesaja 27:12

Op daardie dag sal die Here are uitslaan, vanaf die stroom van die Rivier tot by die Spruit van Egipte. Julle, Israeliete, sal soos are opgetel word, een vir een.

Numeri 34:5

Die grens swaai dan van Asmon af na die Spruit van Egipte, en die verste punt is die see.

Josua 13:3

van die Sigor af wat langs Egipte lê, noordwaarts tot by die gebied van Ekron. Dit word as Kanaänitiese gebied gereken, naamlik die gebied van die vyf Filistynse regeerders van Gasa, Asdod, Askelon, Gat, en Ekron, en van die Awwiete.

Josua 15:3

dan strek dit verder na die suide van die Akrabbimhoogte, gaan verby Sin en loop suid van Kades-Barnea op. Daarna gaan dit verby Gesron en loop op na Addar, draai dan weg na Karka,

Josua 15:47

Asdod met sy omliggende dorpies en gehuggies; Gasa met sy omliggende dorpies en gehuggies tot by die Spruit van Egipte en die Groot See met die kusgebied.