Joël 3:2 - Die Bybel 2020-vertaling

² sal Ek al die nasies versamel en hulle afbring na die vallei van Josafat! Ek sal daar met hulle in 'n regstryd tree oor my volk en my erfdeel, oor Israel, wat deur hulle onder die nasies verstrooi is. Hulle het my land verdeel

Bybel vir almal

² Ek sal al die volke bymekaarmaak en Ek sal hulle vat na die Josafat-vallei. Daar sal Ek die volke straf oor wat hulle gedoen het aan my volk, die Israeliete wat aan My behoort. Die volke het my volk weggevat na ander lande en hulle het my land vir hulleself gevat.

Afrikaans 1933-1953

² sal Ek al die nasies versamel en hulle na die dal van Jósafat laat aftrek, om daar met hulle 'n strafgerig te hou ter wille van my volk en my erfdeel Israel wat hulle onder die nasies verstrooi het, en my land wat hulle verdeel het.

Contemporary Afrikaans Bible 2023

² Ek sal ook al die nasies versamel en hulle afbring in die dal van Jósafat en daar met hulle 'n stryd voer vir my volk en vir my erfdeel Israel, wat hulle onder die nasies verstrooi het en my land verdeel het.

Nuwe Lewende Vertaling

² Ek sal al die nasies van die wêreld in die Josafatvallei bymekaarmaak. Daar sal Ek hulle oordeel omdat hulle my volk kwaad aangedoen het. Hulle het Israel wat aan My behoort onder die nasies verstrooi en my land verdeel.

Joël 3:2 Kruisverwysings

2 Kronieke 20:26

Op die vierde dag het hulle in die Berakavallei byeengekom; ja, daar het hulle die Here geprys. Daarom word daardie plek Vallei van Lofprysing genoem; dit is vandag nog so.

Jesaja 66:16

Ja, met vuur en sy swaard gaan die Here die saak bereg met alle mense. Talryk sal dié wees wat deur die Here verslaan word.

Jesaja 66:18

“ En Ek? Wat hulle dade en gedagtes betref, die vuur is aan die kom om al die nasies en tale bymekaar te dryf. Hulle sal kom en my heerlikheid sien.

Jeremia 12:14

So sê die Here: “Wat al die slegte buurvolke betref, hulle wat skade aanrig aan die eiendom wat Ek aan my volk Israel as erfenis gegee het, kyk, Ek gaan hulle uit hulle grondgebied uitruk, en die huis van Juda sal Ek uit hulle midde uitruk.

Jeremia 25:31

Krygsgeskreeu galm tot aan die einde van die aarde, want die Here kla die nasies aan, die vonnis geld alle mense; goddeloses gee Hy oor aan die swaard,’ ” is die uitspraak van die Here.

Jeremia 49:1

Oor die Ammoniete. So sê die Here: “Het Israel geen kinders nie? Of het hy geen erfgenaam nie? Waarom het Milkom dan Gilead in besit geneem, en woon sy volk in die dorpe?

Jeremia 50:17

“Israel is 'n verwilderde skaap; leeus het hom verdryf. Eers het die koning van Assirië hom verslind; en nou teen die einde het Nebukadresar, die koning van Babilonië, aan sy bene geknaag. ”

Esegiël 25:8

“ ‘So sê my Heer, die Here: “Omdat Moab en Seïr sê, ‘Kyk, soos al die nasies, so is die huis van Juda ook maar’,

Esegiël 34:6

my kleinvee dwaal rond op al die berge en op elke hoë heuwel. Oor die hele oppervlakte van die aarde is my kleinvee verstrooi, en niemand sien na hulle om of soek na hulle nie.”

Esegiël 35:10

Omdat jy gesê het, ‘Die twee nasies en die twee lande behoort aan my, en ons gaan dit in besit neem,’ – alhoewel die Here daar was –

Esegiël 36:1

“ En jy, mensekind, profeteer teen die berge van Israel en sê, ‘Berge van Israel, hoor die woord van die Here!

Esegiël 36:5

ja, so sê my Heer, die Here: “Met die vuur van my heilige jaloesie praat Ek teen die res van die nasies en teen die hele Edom, wat met 'n hart vol vreugde en met 'n •siel vol veragting my land vir hulle as eiendom toegeëien het, sodat sy weivelde 'n buit kon wees.” ’

Esegiël 38:22

Ek sal met hom die saak bereg deur pessiekte en bloedvergieting. Geweldige stortreën, groot haelstene, vuur en swael sal Ek op hom, op sy troepe en op baie volke wat by hom is, laat neerreën.

Esegiël 39:11

“ ‘ “Op daardie dag sal Ek vir Gog 'n plek as graf gee in Israel, in die Vallei van Oberim, oos van die see. Dit sal 'n versperring wees vir verbygangers. Hulle sal Gog en sy hele horde daar begrawe, en die plek Vallei van Hamon-Gog noem.

Joël 3:12

“Die nasies moet in beweging kom en optrek na die vallei van Josafat, want dit is waar Ek gaan sit om al die omringende nasies te oordeel.”

Joël 3:14

Skares, daar is skares mense in die dal van beslissing! Ja, die dag van die Here is naby in die dal van beslissing!

Amos 1:11

So sê die Here: “Oor drie oortredings van Edom, ja, oor vier, sal Ek dit nie herroep nie; omdat hy sy broer met die swaard agtervolg het. Hy het sy meegevoel onderdruk, en in sy toorn het hy sonder ophou verskeur; hy het onverpoos met sy gramskap volgehou.

Miga 4:12

Húlle weet egter nie wat die Here beplan nie en hulle verstaan nie sy besluite nie, dat Hy hulle soos gerwe op 'n dorsvloer bymekaargemaak het.

Sefanja 3:8

Daarom moet julle My verwag,” is die uitspraak van die Here, “daardie dag as Ek opstaan vir die buit. Want my beslissing is: om nasies te versamel en koninkryke bymekaar te maak, om my verontwaardiging, al my brandende toorn, oor hulle uit te giet; want deur die vuur van my drif sal die hele aarde verteer word.

Openbaring 11:18

Die nasies was woedend, maar u toorn het ontvlam, en die bestemde tyd het aangebreek om u oordeel oor die dooies te vel, en om u diensknegte, die profete, en die •heiliges, en hulle wat ontsag het vir u Naam, klein en groot, te beloon, en om die vernietigers van die aarde te vernietig.”

Openbaring 16:14

Hulle is demoniese geeste wat tekens doen, en wat na die konings van die hele bewoonde wêreld gaan, om hulle byeen te bring vir die oorlog op die groot dag van God, die Almagtige.

Openbaring 16:16

Die geeste het die konings byeengebring by die plek wat in Hebreeus Armageddon genoem word.

Openbaring 16:6

want hulle het die bloed van •heiliges en profete vergiet, en U het hulle bloed gegee om te drink. Hulle verdien dit.”

Openbaring 20:8

Dan sal hy optrek om die nasies tussen die vier uithoeke van die aarde, die Gog en Magog, op 'n dwaalspoor te lei, en om hulle te mobiliseer vir die oorlog. Hulle getal is soos die sand van die see.