Joël 1:12 - Die Bybel 2020-vertaling

¹² Die wingerdstok het verdor en die vyeboom het verwelk, die granaat, selfs die palm en die appelboom. Al die bome van die veld het verdroog; ja, die mense se vreugde het ook opgedroog.

Bybel vir almal

¹² Die wingerde en die vyebome is droog en dood, en ook die granaatbome, die palmbome en die appelbome. Al die bome is droog en dood. Daar is niks waaroor die mense bly kan wees nie.

Afrikaans 1933-1953

¹² Die wingerdstok het verdor, en die vyeboom het verwelk; die granaat, ook die palm en die appelboom, al die bome van die land het verdor; want beskaamd is die vreugde, weg van die mensekinders af.

Afrikaans 1983

¹² die wingerd het verdor; die vyeboom staan verdroog, die granaat, die dadel en die appel, ja, al die bome in die boord het verdor. Daar het 'n einde gekom aan die vreugde van die mense.

Contemporary Afrikaans Bible 2023

¹² Die wingerdstok het opgedroog, en die vyeboom kwyn; die granaatboom, ook die palmboom en die appelboom, al die bome van die veld, het verdor, want die vreugde het verdor van die mensekinders.

Die Boodskap

¹² want die wingerde en die vyeboorde het almal van droogte doodgegaan; al die granaat-, dadel- en appelbome, ja, al die bome in julle boorde het verdroog en is besig om dood te gaan. Boonop het die mense se vreugde heeltemal opgedroog.

Nuwe Lewende Vertaling

¹² Die wingerde en die vyebome het verdroog en verdor. Die granaatbome, palmbome en die appelbome, al die vrugtebome het verdroog. Alle blydskap het daarmee saam verdwyn.

Joël 1:12 Kruisverwysings

Psalms 4:7

Baie mense sê: “Wie sal ons weer die goeie laat beleef?” Laat die lig van u teenwoordigheid oor ons skyn, Here!

Psalms 92:12

My oog kyk neer op my teenstanders, op hulle wat teen my opstaan; my oor hoor met vreugde van die kwaaddoeners.

Hooglied 2:3

Soos 'n appelboom tussen die bome van die bos, so is my liefste onder die jong mans. Ek sit graag in sy skaduwee, sy vrugte soet op my tong.

Hooglied 4:13

Jou bloeisels is 'n boord granate met heerlike vrugte, henna met nardus,

Jesaja 16:10

Vreugde en gejuig is weggeneem uit die vrugteboorde; in die wingerde word daar nie gejubel nie, word vreugderoepe nie aangehef nie. Wat wyn in die parskuipe betref – die druiwetrappers trap niks uit nie. “Aan vreugdekrete het Ek 'n einde gemaak.”

Jesaja 24:11

Daar is 'n gejammer oor wyn in die strate; alle blydskap het weggesink, verban is die vreugde van die land.

Jesaja 24:7

Die •nuwe wyn het opgeraak, wingerde kwyn weg, almal wat vrolik van hart was, sug.

Jesaja 9:3

Want die las van hulle juk en die hout oor hulle skouers, die stok van hulle slawedrywer, het U verpletter soos op die dag van Midian.

Jeremia 48:3

Daar klink 'n noodroep uit Goronajim, ‘Verwoesting en totale ineenstorting!’

Jeremia 48:33

“Vreugde en gejuig is weggeneem uit die vrugteboorde en uit die land van Moab. Aan wyn uit die parskuipe het Ek 'n einde gemaak. Die druiwetrappers trap nie. Die krete is nie vreugdekrete nie.

Joël 1:10

Die landerye is vernietig, die grond is uitgedor. Ja, die koring is vernietig, die •nuwe wyn het opgedroog, die olyfoes het weggekwyn.

Joël 1:16

Is die kos nie voor ons oë vernietig, en het die vreugde en blydskap nie uit die huis van ons God verdwyn nie?

Jona 4:7

Maar met dagbreek die volgende môre het God 'n wurm beskik. Dit het die kasterolieplant binnegedring, en dit het verlep.

Haggai 2:19

Is daar nog saad in die stoorkamer? Die wingerd, die vyebome, granate en olyfbome het nie eers gedra nie! Van vandag af sal Ek julle seën.”

Maleagi 3:11

Ek sal vir julle die sprinkane berispe, sodat hulle nie die opbrengs van julle landerye verwoes nie, en die druiwestok in die wingerd sal vir julle nie sonder vrugte wees nie,” sê die Here, Heerser oor alle magte.

Numeri 13:23

Toe hulle die Eskoldal bereik, sny hulle daar 'n rank met een druiwetros wat twee van hulle met 'n draaghout gedra het, af, en ook van die granate en vye.