Jeremia 11:15 - Die Bybel 2020-vertaling

¹⁵ “Watter reg het my beminde in my huis om 'n bose plan te smee? Kan geloftes en heilige offervleis jou vrywaar van teenspoed? Dan kon jy uitgelate wees!”

Bybel vir almal

¹⁵ “Julle loop heen en weer in my tempel en julle maak slim planne, dit sal julle niks help nie. Julle offer baie vleis, maar dit sal nie julle swaarkry wegvat nie. Julle het slegte dinge gedoen, en julle mag nie nou juig nie.”

Afrikaans 1933-1953

¹⁵ Wat het my beminde in my huis te doen, dat sy daar haar listige plan uitvoer? Sal baie dinge en heilige vleis jou onheil van jou af wegneem? Dan kan jy jubel.

Afrikaans 1983

¹⁵ Waarom wil die volk wat Ek liefhet, sy sondige planne in my tempel uitvoer? Kan baie mense en offervleis die ramp van jou afweer dat jy kan jubel?

Contemporary Afrikaans Bible 2023

¹⁵ Wat het my beminde om in my huis te doen, terwyl sy skandelikheid met baie gedoen het en die heilige vlees van jou verbygegaan het? as jy kwaad doen, dan is jy bly.

Die Boodskap

¹⁵ Ek is baie lief vir my mense. Maar watter reg het hulle om in die tempel te kom as hulle hulle tevore hier so sleg gedra het? Dink hulle enigsins dat hulle met beloftes en offers die ramp kan keer? Eintlik geniet hulle dit om verkeerd te doen!”

Nuwe Lewende Vertaling

¹⁵ “Ek het my mense baie lief, maar watter reg het hulle om na die tempel te kom as hulle hulle vantevore so sleg gedra het? Kan hulle offerandes die vernietiging keer? In werklikheid geniet hulle dit om verkeerd te doen!”

Jeremia 11:15 Kruisverwysings

Psalms 50:16

Maar vir die goddelose sê God: “Watter reg het jy om my voorskrifte op te sê en my verbond op jou lippe te neem?

Psalms 60:5

U het u volk moeilike tye laat beleef; U het ons wyn laat drink wat ons laat steier.

Spreuke 10:23

Soos dit vir 'n dwaas 'n plesier is om 'n skandelike daad te begaan, so is wysheid vir 'n skerpsinnige mens.

Spreuke 15:8

Die offer van goddeloses is afstootlik vir die Here, maar die gebed van opregtes geniet sy goedkeuring.

Spreuke 2:14

van hulle wat vreugde daarin vind om kwaad te doen, wat juig oor die verdorwenheid van die kwaad,

Spreuke 21:27

Die offer van goddeloses is afstootlik, hoeveel te meer as dit gebring word met 'n slinkse bedoeling!

Spreuke 26:18

Soos 'n waansinnige wat brandpyle, dodelike pyle, rondskiet,

Spreuke 28:9

Wie sy oor wegdraai, sodat hy nie na die wet hoef te luister nie – selfs sy gebed is afstootlik.

Jesaja 50:1

So sê die Here: “Waar is julle moeder se skeibrief dan nou waarmee Ek haar weggestuur het? Of wie van my skuldeisers is daar aan wie Ek julle verkoop het? Kyk, oor julle sondeskuld is julle verkoop, en oor julle oortredings is julle moeder weggestuur.

Jeremia 12:7

“Ek het my huis verlaat; Ek het my eiendom prysgegee; Ek het my sielsbeminde oorgegee in die greep van haar vyande.

Jeremia 13:27

O, jou owerspel, jou gerunnik, jou skandalige hoerery! Op die heuwels in die veld, het Ek jou verfoeilike dade gesien. Wee jou, Jerusalem! Jy sal nie rein word nie. Hoe lank sal dit nog duur?”

Jeremia 15:1

Die Here het vir my gesê: “Al sou Moses en Samuel voor My staan, sou Ek niks vir hierdie volk voel nie. Stuur hulle weg uit my teenwoordigheid; laat hulle gaan!

Jeremia 2:2

“Gaan roep uit ten aanhore van Jerusalem, ‘So sê die Here: “Ek onthou jou – die trou van jou jeug, die liefde van jou bruidstyd, hoe jy my gevolg het in die woestyn, in 'n land waar nie gesaai word nie.

Jeremia 23:11

“Ja, profeet sowel as priester is besoedel; selfs in my huis het Ek hulle boosheid gevind,” is die uitspraak van die Here.

Jeremia 3:14

“Keer terug, afvallige kinders!” is die uitspraak van die Here, “want dit is Ek wat heer is oor julle. Ek sal julle terugneem, een uit 'n stad en twee uit 'n familiegroep; en Ek sal julle na Sion bring.

Jeremia 3:8

Sy het gesien dat Ek haar suster, die afvallige, Israel, weggestuur het omdat sy egbreuk gepleeg het. Ek het haar skeibrief vir haar gegee. Maar die verraderlike, haar suster Juda, is nie daardeur afgeskrik nie. Ook sy het gegaan en gehoereer.

Hosea 3:1

Die Here het vir my gesê: “Gaan weer, gaan bemin 'n vrou wat bemin word deur 'n vriend, en wat egbreuk pleeg; soos die Here die Israeliete liefhet, terwyl hulle na ander gode draai en van rosynekoeke hou.”

Matteus 22:11

Toe die koning ingaan om die gaste te sien, sien hy daar 'n man sonder 'n bruilofskleed aan.

Lukas 8:28

Toe hy Jesus sien, het hy uitgeroep, voor Hom neergeval en met 'n harde stem geskreeu: “Los my uit, Jesus, •Seun van God, die Allerhoogste! Ek smeek U, moet my nie pynig nie!”

Romeine 11:28

Wat die evangelie betref, is hulle wel vyande om julle ontwil, maar wat die uitverkiesing betref, is hulle geliefdes om die voorvaders se ontwil.

1 Korinthiërs 13:6

is nie bly oor onreg nie, maar is saam bly oor die waarheid.

Titus 1:15

Alles is rein vir dié wat rein is, maar vir die besoedeldes en ongelowiges is niks rein nie: sowel hulle denke as hulle gewete is besoedel.

Jakobus 4:16

Maar nou spog julle oor julle hoogmoedige optrede. Sulke gespog is verkeerd.