Hosea 8:13 - Die Bybel 2020-vertaling

¹³ Hulle slag offers vir die genot – vleis, sodat hulle kan eet. Die Here, Hy aanvaar hulle nie. Nou gaan Hy hulle sondeskuld in herinnering roep, en Hy gaan rekenskap eis oor hulle sondes. Wat hulle betref, na Egipte sal hulle terugkeer.

Bybel vir almal

¹³ Hulle het vir My offers gebring, maar hulle het die vleis self geëet. Ek hou nie van hulle nie. Ek sal onthou dat hulle sonde gedoen het en Ek sal hulle straf: Hulle sal moet teruggaan na Egipte.

Afrikaans 1933-1953

¹³ Slagoffers, My aangebied, offer hulle — vleis is dit, en hulle eet; die Here het geen behae daarin nie. Nou sal Hy aan hulle ongeregtigheid dink en oor hulle sondes besoeking doen; hulle sal teruggaan na Egipte.

Afrikaans 1983

¹³ Hulle bring offers om hulle self te bevredig, hulle bring vleis sodat hulle dit self kan eet! Sulke offers is nie vir My, die Here, aanneemlik nie. Ek gaan Efraim se sonde teen hulle hou en hulle laat boet vir hulle oortredings: Efraim sal na Egipte toe moet teruggaan.

Contemporary Afrikaans Bible 2023

¹³ Hulle offer vleis vir die slagoffers van my offers en eet dit; maar die HERE aanvaar hulle nie; nou sal Hy aan hulle ongeregtigheid dink en hulle sondes besoek; hulle sal na Egipte terugkeer.

Die Boodskap

¹³ Hulle hou daarvan om bymekaar te kom om offers te bring en by die offerplekke saam te eet. Die Here hou niks van die manier waarop hulle dit doen nie. Hulle doen dit op presies dieselfde manier as waarop ander nasies dit vir hulle afgode doen. Die Here onthou alles wat hulle verkeerd gedoen het. Hy gaan hulle straf vir al hulle sondes. Hy sal hulle weer laat teruggaan Egipte toe waar hulle slawewerk gedoen het.

Nuwe Lewende Vertaling

¹³ Hulle hou daarvan om offers vir My te bring en die vleis daarvan te eet, maar Ek verwerp hulle offers. Ek sal hulle sondes onthou en hulle tot verantwoording roep: hulle sal na Egipte toe teruggaan.

Hosea 8:13 Kruisverwysings

Eksodus 20:3

Jy mag naas My nie ander gode hê nie.

Eksodus 32:34

Gaan dan nou, lei die volk na die plek waaroor Ek met jou gepraat het. Kyk, my engel gaan voor jou uit. Maar die dag wanneer Ek rekenskap eis, sal Ek hulle tot verantwoording roep oor hulle sonde.”

Spreuke 21:27

Die offer van goddeloses is afstootlik, hoeveel te meer as dit gebring word met 'n slinkse bedoeling!

Jesaja 1:11

“Wat baat julle magdom slagoffers My?” vra die Here. “Ek het genoeg gehad van die •brandoffers van ramme en die vet van gevoerde diere. Die bloed van bulle, lammers en bokramme staan My nie aan nie.

Jeremia 14:10

So sê die Here oor hierdie volk: “Hulle is tog so lief om af te dwaal, hulle hou nie hulle voete in bedwang nie; die Here aanvaar hulle nie. Nou gaan Hy hulle sondeskuld in herinnering roep, en Hy gaan rekenskap oor hulle sondes eis.”

Jeremia 6:20

Waarom nog vir My wierook uit Skeba laat kom, of kosbare kalmoes uit 'n ver land? Julle •brandoffers is nie aanvaarbaar nie, en julle •maaltydoffers geval My nie. ”

Esegiël 29:16

Egipte sal nie weer vir die huis van Israel 'n bron van vertroue wees nie, maar 'n land wat hulle herinner aan sondeskuld toe hulle hulle na Egipte gewend het. Hulle sal besef dat Ek, die Heer, die Here is.” ’ ”

Hosea 11:5

“ Hy sal nie na Egipteland teruggaan nie, maar Assirië, dié sal sy koning wees; want hulle het geweier om hulle te bekeer.

Hosea 12:11

Ek het met die profete gepraat; Ek het dit deur baie visioene gedoen, en deur profete tref Ek vergelykings.

Hosea 4:9

Dit sal met die priesters gaan soos met die volk: Ek gaan van hulle rekenskap eis oor hulle optrede, hulle vergeld vir hulle dade.

Hosea 5:6

Met hulle kleinvee en beeste gaan hulle om die Here te soek, maar hulle sal Hom nie vind nie – Hy het Hom aan hulle onttrek.

Hosea 6:6

want Ek verwag troue liefde, nie offers nie; kennis van God, eerder as •brandoffers.”

Hosea 7:11

Efraim het geword soos 'n duif – dom en sonder verstand. Hulle het vir Egipte gekoer, maar na Assirië gevlieg.

Hosea 7:16

Hulle keer terug na wat nutteloos is; hulle het soos 'n slap boog geword. Hulle leiers sal deur die swaard val oor die vervloeking wat hulle uitgespreek het. Dit sal hulle bespotting wees in Egipteland.

Hosea 7:2

Hulle dink nie eers daaraan dat Ek al hulle boosheid in gedagte hou nie. Nou het hulle dade hulle ingehaal; dit lê oop en bloot voor My.”

Hosea 9:6

Want kyk, dié wat aan die verwoesting ontkom – Egipte sal hulle bymekaarmaak en Moof sal hulle begrawe. Hulle kosbaarhede van silwer – brandnetels sal dit in besit neem; sydissels sal in hulle tente wees.

Hosea 9:7

Die dae van afrekening het aangebreek; die dae van vergelding het gekom – Israel sal dit ervaar. Jy sê: “Die profeet is 'n gek, die man met die gees is waansinnig!” Ja, dit is oor die omvang van jou sondeskuld en omdat die vyandigheid so groot is.

Hosea 9:9

Hulle het uiters verdorwe opgetree soos in die dae van Gibea. Hy gaan hulle sondeskuld in herinnering roep, Hy gaan rekenskap eis oor hulle sondes.

Amos 3:2

‘Net julle, uit al die geslagte van die aarde, het Ek geken; daarom gaan Ek van julle rekenskap eis oor al julle sondeskuld.’ ”

Amos 5:22

Ja, selfs al lê julle vir My •brandoffers en julle •graanoffers op die altaar, Ek aanvaar dit nie; 'n •maaltydoffer van julle vetgemaakte kalwers sien Ek nie raak nie.

Amos 8:7

Die Here het gesweer by die trots van Jakob: “Ek sal al hulle dade in ewigheid nie vergeet nie.

Lukas 12:2

Daar is niks bedek wat nie openbaar sal word nie, en niks verborge wat nie bekend sal word nie.

1 Korinthiërs 11:20

Wanneer julle saamkom, is dit nie werklik om die Here se maaltyd te eet nie;

1 Korinthiërs 11:29

Want die een wat eet en drink sonder om die liggaam van die Here daarin te onderskei, is besig om 'n oordeel oor homself te eet en te drink.

1 Korinthiërs 4:5

Gevolglik moet julle nie reeds oordeel voordat die Here kom nie. Hy sal die verborge dinge van die duisternis aan die lig bring en die bedoelings van die hart blootlê. Dan sal elkeen afsonderlik van God lof ontvang.

Deuteronomium 28:68

Die Here sal jou na Egipte laat terugkeer in skepe, die pad waarvan ek vir jou gesê het, ‘Jy sal dit nooit weer sien nie.’ Daar sal julle julleself as slawe en slavinne te koop aanbied aan jou vyande, maar daar sal geen koper wees nie.”

Openbaring 16:19

Die groot stad het in drie dele uitmekaar geval, en die stede van die nasies het ineengetuimel. God het aan Babilon, die magtige, gedink deur aan haar die beker wyn van die gramskap van sy toorn te gee.

1 Samuel 15:22

Daarop het Samuel geantwoord: “Is daar vir die Here vreugde in •brandoffers en •maaltydoffers, soos in gehoorsaamheid aan die stem van die Here? Kyk, om gehoorsaam te wees is beter as maaltydoffers, om te luister beter as die vet van ramme.