Hosea 8:10 - Die Bybel 2020-vertaling

¹⁰ Selfs al werf hulle vriende onder die nasies – Ek gaan hulle nou bymekaar jaag, en hulle sal begin wegkwyn onder die las van die koning van vorste.

Bybel vir almal

¹⁰ Hulle het vriende gesoek by die ander volke, maar dit sal nou nog slegter met hulle gaan. Ek sal hulle nou op een plek laat bly, en hulle sal baie swaar kry. Die koning van Assirië sal hulle baie belasting laat betaal.

Afrikaans 1933-1953

¹⁰ Ook al werf hulle onder die volke, Ek sal hulle nou saamraap, en hulle sal begin minder word weens die laste deur die koning van die vorste opgelê.

Afrikaans 1983

¹⁰ Maar al sou hy ook vriende maak onder die nasies, sou dit niks baat nie, want Ek gaan hulle nou bymekaarjaag, en binnekort sal hulle soos donkies swaar dra aan die las van die koning van Assirië.

Contemporary Afrikaans Bible 2023

¹⁰ Ja, al het hulle gehuur onder die nasies, nou sal Ek hulle versamel, en hulle sal 'n bietjie treur oor die las van die koning van die vorste.

Die Boodskap

¹⁰ Selfs al kry Israel iemand anders onder die nasies wat hom wil help, gaan dit op niks uitloop. Ek sal hulle in ’n hoek vasdruk. Hulle knieë sal onder hulle knak soos pakdonkies wat ’n vrag dra wat te swaar is. Hulle sal soos ’n dier wees waarop die koning en die leiers ’n vrag sit wat te swaar is om te dra.

Nuwe Lewende Vertaling

¹⁰ Maar al het hy bondgenote onder baie lande gehuur, sal Ek hulle nou bymekaarmaak. Dan sal hulle swaarkry onder die las van die magtige koning.

Hosea 8:10 Kruisverwysings

2 Konings 14:26

Die Here het immers gesien dat die ellende van Israel baie bitter was. Dit was klaarpraat met wie gevange geneem is en wie vrygelaat is; en daar was geen helper vir Israel nie.

2 Konings 17:3

Dit is hy teen wie Salmaneser, die koning van Assirië, opgetrek het. Hosea het sy onderdaan geword en was aan hom skatpligtig.

2 Konings 17:4

Maar die koning van Assirië het by Hosea 'n sameswering ontdek, naamlik dat hy boodskappers gestuur het na So, die koning van Egipte, en nie die belasting vir die koning van Assirië geneem het nie, soos wat jaar ná jaar gebeur het. Daarop het die koning van Assirië hom gevange geneem en in die tronk aangehou.

1 Kronieke 5:26

Toe het die God van Israel die gees van Pul, die koning van Assirië – dit is die gees van Tiglat-Pilneser, die koning van Assirië – aangevuur, en hy het hulle in ballingskap weggevoer, dit is die mense van Ruben, Gad en die halwe stam van Manasse. Hy het hulle na Galag, Gabor, Hara en die rivier van Gosan geneem; dit is vandag nog so.

Jesaja 10:8

Hy het immers gesê, ‘Is my bevelvoerders nie almal konings nie?

Jesaja 30:2

Dit is hulle wat aanhou om na Egipte af te gaan, maar na my wil vra hulle nie – om toevlug te soek in die toevlugsoord van die farao, om te skuil in die skadu van Egipte!

Jesaja 36:13

Toe gaan staan die rabsakee en roep met 'n harde stem in Judees uit en sê: “Luister na die woorde van die opperkoning, die koning van Assirië!

Jeremia 42:2

en vir die profeet Jeremia gesê: “Laat ons smeekbede asseblief voor u neergelê word, en bid vir ons tot die Here u God, vir hierdie hele oorblyfsel, want ons het as 'n klein klompie oorgebly uit baie, soos u ons met u eie oë hier sien.

Esegiël 16:33

Aan alle prostitute word vergoeding betaal, maar jy het jou prys aan al jou minnaars betaal; jy het hulle omgekoop om na jou te kom, van oraloor, vir jou dade van owerspel.

Esegiël 16:37

daarom, kyk, Ek gaan al jou minnaars byeenbring, hulle aan wie jy genot verskaf het, elkeen vir wie jy lief was, sowel as elkeen wat jy gehaat het. Ek bring hulle teen jou byeen, van oraloor. Ek gaan jou kaal uittrek voor hulle. Hulle sal jou in al jou naaktheid sien.

Esegiël 22:20

Silwer, koper, yster, lood of tin word in 'n smeltoond saamgegooi om vuur daarteen aan te blaas, sodat dit smelt. So sal Ek julle saamgooi in my toorn en woede, julle ingooi en julle laat smelt.

Esegiël 23:5

“ Ohola het gehoereer terwyl sy onder my gesag was. Sy het gesmag na haar minnaars, die Assiriërs, vegters

Esegiël 26:7

“Ja, so sê die Heer, die Here, ‘Kyk, Ek gaan Nebukadresar, koning van Babilonië, die koning van die konings, uit die noorde na Tirus bring, met perde, strydwaens en ruiters, met 'n strydmag, 'n menigte manskappe.

Daniël 2:37

U, o koning, is die koning van die konings aan wie die God van die hemel die koningskap, die mag, die krag en eer gegee het.

Hosea 10:10

Omdat Ek so besluit het, gaan Ek hulle 'n les leer: Nasies sal teen hulle saamtrek omdat hulle verbind bly aan hulle twee sondes.

Hosea 12:2

Efraim pas die wind op, hy loop heeldag agter die oostewind aan. Al wat hy vermeerder, is leuens en verwoesting. Met Assirië sluit hulle 'n verdrag, maar olie word na Egipte gestuur.”

Haggai 2:6

“ Die Here, Heerser oor alle magte het immers gesê, ‘Nog een keer, binnekort, sal Ek die hemel en die aarde en die see en die droë grond laat bewe.