Hosea 6:6 - Die Bybel 2020-vertaling

⁶ want Ek verwag troue liefde, nie offers nie; kennis van God, eerder as •brandoffers.”

Bybel vir almal

⁶ Ek wou julle straf, want offers en brand-offers is nie vir My belangrik nie. Ek wil hê julle moet lief wees vir My en julle moet naby My wees.

Afrikaans 1933-1953

⁶ Want Ek het 'n behae in liefde en nie in offerande nie, en in kennis van God meer as in brandoffers.

Afrikaans 1983

⁶ want Ek verwag liefde eerder as offers, toewyding aan My eerder as brandoffers.

Contemporary Afrikaans Bible 2023

⁶ Want Ek het barmhartigheid begeer en nie offerande nie; en die kennis van God meer as brandoffers.

Die Boodskap

⁶ Ek wil baie eerder hê dat julle by My bly as dat julle van ver af offers vir My slag. Ek wil eerder hê dat julle getrou moet wees aan My as dat julle op altare offers vir My verbrand.

Nuwe Lewende Vertaling

⁶ Ek soek troue liefde en nie offers nie; toewyding aan God en nie brandoffers nie.

Hosea 6:6 Kruisverwysings

1 Kronieke 28:9

En jy, my seun Salomo, erken die God van jou vader, en dien Hom met 'n onverdeelde hart en 'n gewillige gees, want die Here ondersoek alle harte, en in elke bedoeling van die gedagtes het Hy insig. As jy Hom soek, sal Hy Hom deur jou laat vind; maar as jy Hom verlaat, sal Hy jou vir altyd verwerp.

Psalms 50:8

Dit is nie oor jou offers wat Ek jou wil teregwys nie; jou •brandoffers is altyd voor My.

Spreuke 21:3

Om te doen wat reg en billik is, is vir die Here verkieslik bo offers.

Prediker 5:1

Moenie gou wees met jou mond en laat jou hart nie haastig wees om 'n woord voor God te uiter nie. Want God is in die hemel en jy is op die aarde; daarom moet jou woorde min wees.

Jesaja 1:11

“Wat baat julle magdom slagoffers My?” vra die Here. “Ek het genoeg gehad van die •brandoffers van ramme en die vet van gevoerde diere. Die bloed van bulle, lammers en bokramme staan My nie aan nie.

Jesaja 58:6

Is dit nie hierdie vas wat Ek verkies nie, dat julle die boeie van goddeloosheid losmaak, die stroppe van die juk stukkend ruk, verdruktes vry wegstuur en elke juk breek?

Jeremia 22:16

Hy het die reg van magteloses en behoeftiges gehandhaaf – toe het dit goed gegaan. Is dit nie wat dit is om My te ken nie?” ’ is die uitspraak van die Here.

Jeremia 7:22

Ja, Ek het nie, op die dag toe Ek hulle uit Egipteland laat optrek het, met julle voorouers soseer gepraat of opdrag gegee oor brandoffers of maaltydoffers nie,

Daniël 4:27

Daarom, o koning, mag my raad vir u aanvaarbaar wees: Breek deur die regte optrede met u sonde en met u ongeregtigheid, deur guns te betoon aan armes – miskien sal u voorspoed lank duur.”

Hosea 14:2

Keer terug, Israel, na die Here jou God, want jy het deur jou sondeskuld gestruikel.

Hosea 2:20

“ Op daardie dag sal Ek antwoord,” is die uitspraak van die Here. “Ek sal die hemel antwoord, en dit sal die aarde antwoord;

Hosea 4:1

Luister na die woord van die Here, Israeliete, want die Here het 'n regsaak teen die inwoners van die land: “Omdat daar geen betroubaarheid, geen troue liefde, en geen kennis van God in die land is nie,

Hosea 8:13

Hulle slag offers vir die genot – vleis, sodat hulle kan eet. Die Here, Hy aanvaar hulle nie. Nou gaan Hy hulle sondeskuld in herinnering roep, en Hy gaan rekenskap eis oor hulle sondes. Wat hulle betref, na Egipte sal hulle terugkeer.

Amos 5:21

“ Ek haat, Ek verwerp julle feeste; Ek wil julle feesvierings nie ruik nie.

Miga 6:6

“Waarmee sal ek die Here tegemoetgaan, my neerbuig voor die verhewe God? Sal ek Hom tegemoetgaan met •brandoffers, met jaaroudkalwers?

Miga 6:8

Hy het aan jou, mens, bekend gemaak wat goed is: Wat anders eis die Here van jou as om net te doen wat reg is, om troue liefde te bewys en om nederig die pad saam met jou God te loop?

Matteus 12:7

As julle maar net begryp het wat bedoel word met ‘Ek wil barmhartigheid hê en nie offerande nie,’ sou julle nie hierdie onskuldige mense veroordeel het nie.

Matteus 5:7

Gelukkig is die barmhartiges, want hulle sal barmhartigheid ontvang.

Matteus 9:13

Gaan leer wat beteken, ‘Ek wil barmhartigheid hê en nie offerande nie.’ Ek het immers nie gekom om •regverdiges te roep nie, maar sondaars.”

Markus 12:33

‘Om Hom lief te hê met jou hele hart, jou hele verstand en met al jou krag, en om jou naaste lief te hê soos jouself’, is belangriker as al die •brandoffers en diereoffers.”

Josua 5:5

Die hele volk wat weggetrek het, was immers besny; maar al die volksgenote wat in die woestyn gebore is terwyl hulle op pad was, gedurende hulle uittog uit Egipte, is nie besny nie.

1 Johannes 2:3

En dit is hoe ons weet dat ons Hom ken: As ons sy gebooie onderhou.

1 Johannes 3:6

Elkeen wat in Hom bly, sondig nie meer nie; elkeen wat aanhou sondig, het Hom nie gesien, en Hom nie leer ken nie.

1 Samuel 15:22

Daarop het Samuel geantwoord: “Is daar vir die Here vreugde in •brandoffers en •maaltydoffers, soos in gehoorsaamheid aan die stem van die Here? Kyk, om gehoorsaam te wees is beter as maaltydoffers, om te luister beter as die vet van ramme.