Hosea 6:6 - Afrikaans 1983

⁶ want Ek verwag liefde eerder as offers, toewyding aan My eerder as brandoffers.

Bybel vir almal

⁶ Ek wou julle straf, want offers en brand-offers is nie vir My belangrik nie. Ek wil hê julle moet lief wees vir My en julle moet naby My wees.

Die Bybel 2020-vertaling

⁶ want Ek verwag troue liefde, nie offers nie; kennis van God, eerder as •brandoffers.”

Afrikaans 1933-1953

⁶ Want Ek het 'n behae in liefde en nie in offerande nie, en in kennis van God meer as in brandoffers.

Contemporary Afrikaans Bible 2023

⁶ Want Ek het barmhartigheid begeer en nie offerande nie; en die kennis van God meer as brandoffers.

Die Boodskap

⁶ Ek wil baie eerder hê dat julle by My bly as dat julle van ver af offers vir My slag. Ek wil eerder hê dat julle getrou moet wees aan My as dat julle op altare offers vir My verbrand.

Nuwe Lewende Vertaling

⁶ Ek soek troue liefde en nie offers nie; toewyding aan God en nie brandoffers nie.

Hosea 6:6 Kruisverwysings

1 Kronieke 28:9

En jy, Salomo, my seun, jy moet die God van jou vader ken en Hom dien met jou hele hart en met 'n gewillige gemoed, want die Here ondersoek alle harte en ken die bedoeling van elke gedagte. As jy na Hom vra, sal Hy Hom deur jou laat vind, maar as jy Hom verlaat, sal Hy jou vir altyd verwerp.

Psalms 50:8

Dit is nie omdat jy nie offer dat Ek rekenskap van jou eis nie; jou brandoffers is immers gedurig voor My.

Spreuke 21:3

Die Here verkies dat 'n mens doen wat regverdig en reg is eerder as dat jy offers bring.

Prediker 5:1

Moenie te gou praat nie, moenie oorhaastig 'n belofte aan God maak nie, want Hy is in die hemel en jy op die aarde. Laat jou woorde daarom min wees.

Jesaja 1:11

Wat het Ek aan julle baie offers? vra die Here. Ek is sat van die brandoffers van ramme en die vet van voerbeeste; die bloed van bulle en lammers en bokke staan My nie aan nie.

Jesaja 58:6

Is die vas wat Ek wil hê, nie dít nie: om dié wat onregverdig gevange gehou word, te bevry, om die juk wat op mense druk, af te haal, om verdruktes vry te maak, om elke juk te breek?

Jeremia 22:16

Hy het die saak behartig van die swakke en die arme, en dit het goed gegaan. Wie hierdie dinge doen, dien My, sê die Here.

Jeremia 7:22

Toe Ek julle voorvaders uit Egipte laat trek het, het Ek hulle nie beveel om vir My brandoffers en ander offers te bring nie.

Daniël 4:27

Daarom, U Majesteit, luister na my raad: breek met u sonde en u ongeregtigheid, doen wat reg is en bewys barmhartigheid teenoor dié wat in nood is. Dan sal u voorspoed aanhou.”

Hosea 14:2

Keer terug na die Here jou God, Israel, want jy het geval deur jou sonde.

Hosea 2:20

Dié dag sal Ek antwoord, sê die Here. Ek sal die lug antwoord en dié sal die grond antwoord.

Hosea 4:1

Israeliete, luister na die woord van die Here, want Hy kla die inwoners van die land aan: Omdat trou, liefde en toewyding aan die wil van God in die land ontbreek,

Hosea 8:13

Hulle bring offers om hulle self te bevredig, hulle bring vleis sodat hulle dit self kan eet! Sulke offers is nie vir My, die Here, aanneemlik nie. Ek gaan Efraim se sonde teen hulle hou en hulle laat boet vir hulle oortredings: Efraim sal na Egipte toe moet teruggaan.

Amos 5:21

Ek haat, Ek verafsku julle feeste, Ek het niks aan julle feestye nie.

Miga 6:6

Wat sal ek saamvat as ek na die Here toe gaan, as ek voor die hoë God gaan kniel? Moet ek met offers na Hom toe gaan, met jaaroud kalwers?

Miga 6:8

Mens, die Here het jou bekend gemaak wat goed is: Hy vra van jou dat jy reg sal laat geskied, dat jy liefde en trou sal bewys, dat jy bedagsaam sal lewe voor jou God.

Matteus 12:7

As julle begryp het wat dit beteken: ‘Ek verwag barmhartigheid en nie offers nie,’ dan sou julle nie mense wat onskuldig is, veroordeel het nie.

Matteus 5:7

Geseënd is dié wat barmhartig is, want aan hulle sal barmhartigheid bewys word.

Matteus 9:13

Gaan leer wat dit beteken: ‘Ek verwag barmhartigheid en nie offers nie.’ Ek het nie gekom om mense te roep wat op die regte pad is nie, maar sondaars.”

Markus 12:33

En ‘om Hom lief te hê met jou hele hart en met jou hele denke en met al jou krag’ en ‘om jou naaste lief te hê soos jouself’ is van meer belang as al die brandoffers en ander diereoffers.”

Josua 5:5

al die mense wat destyds getrek het, was besny, maar die mense wat in die woestyn onderweg gebore is tydens die uittog uit Egipte, was nie een besny nie;

1 Johannes 2:3

As ons die gebooie van God gehoorsaam, weet ons daaraan dat ons Hom ken.

1 Johannes 3:6

Iemand wat in Hom bly, hou nie aan met sondig nie; iemand wat aanhou sondig, het Hom nie gesien nie en ken Hom nie.

1 Samuel 15:22

Maar Samuel antwoord: “Is brandoffers en ander diereoffers net so aanneemlik vir die Here as gehoorsaamheid aan sy bevel? Nee, gehoorsaamheid is beter as offerande, om te luister is beter as die vet van ramme.