Handelinge 4:23 - Die Bybel 2020-vertaling

²³ Ná hulle vrylating het Petrus en Johannes na hulle eie mense gegaan en hulle vertel wat die leierpriesters en die familiehoofde alles vir hulle gesê het.

Bybel vir almal

²³ Petrus en Johannes kon toe huis toe gaan. Hulle het na die ander gelowiges toe gegaan en hulle het vir die gelowiges alles vertel wat die priesterleiers en die familieleiers vir hulle gesê het.

Afrikaans 1933-1953

²³ En nadat hulle losgelaat was, het hulle na hul eie mense gegaan en alles vertel wat die owerpriesters en die ouderlinge aan hulle gesê het.

Afrikaans 1983

²³ Nadat Petrus en Johannes losgelaat is, het hulle na hulle medegelowiges toe gegaan en vir hulle vertel wat die priesterhoofde en die familiehoofde alles vir hulle gesê het.

Contemporary Afrikaans Bible 2023

²³ En toe hulle losgelaat is, het hulle na hul eie geselskap gegaan en alles vertel wat die owerpriesters en die ouderlinge aan hulle gesê het.

Die Boodskap

²³ Nadat Petrus en Johannes vrygelaat is, het hulle na die ander gelowiges teruggegaan en vir hulle vertel dat die Joodse Raad hulle verbied het om met ander mense oor Jesus te praat.

Nuwe Lewende Vertaling

²³ Toe hulle vrygelaat is, het Petrus en Johannes dadelik die ander gelowiges opgesoek en vir hulle vertel wat die priesterhoofde en die familiehoofde alles gesê het.

Handelinge 4:23 Kruisverwysings

Psalms 119:63

Ek is 'n vriend van almal wat vir U ontsag het, en u opdragte nakom.

Psalms 16:3

Wat die heiliges in die land betref, ja, die magtiges, by wie ek al my vreugde gevind het:

Psalms 42:4

Trane is dag en nag my brood, omdat daar die hele dag lank vir my gevra word: “Waar is jou God?”

Spreuke 13:20

Wie met wyses saamgaan, sal wys word, maar wie met dwase meng, word benadeel.

Maleagi 3:16

Daarop het dié wat vir die Here ontsag het, met mekaar geredeneer. Die Here het goed geluister en dit gehoor. Dit is toe in sy teenwoordigheid in 'n gedenkboek opgeteken tot voordeel van diegene wat ontsag vir die Here en respek vir sy Naam het.

Handelinge 16:40

Toe hulle uit die tronk kom, het hulle na Lidia se huis gegaan. Daar het hulle die broers gesien, hulle moed ingepraat en vertrek.

Handelinge 4:22

Die man oor wie hierdie teken van genesing gekom het, was immers ouer as veertig jaar.

Handelinge 4:24

Toe hulle dit hoor, het hulle God eensgesind aangeroep en gesê: “Here, U is die Een wat die hemel en die aarde en die see en alles daarin gemaak het,