Handelinge 2:20 - Die Bybel 2020-vertaling

²⁰ Die son sal verander in duisternis en die maan in bloed, voordat die groot en glorieryke dag van die Here kom.

Bybel vir almal

²⁰ Die son sal heeltemal donker word, en die maan sal word soos bloed. Dan sal die groot en belangrike dag van die Here kom.

Afrikaans 1933-1953

²⁰ Die son sal verander in duisternis en die maan in bloed voordat die groot en deurlugtige dag van die Here kom.

Afrikaans 1983

²⁰ Die son sal pikdonker word en die maan bloedrooi voordat die groot en glorieryke dag van die Here kom.

Contemporary Afrikaans Bible 2023

²⁰ Die son sal verander word in duisternis en die maan in bloed, voordat daardie groot en merkwaardige dag van die Here kom.

Die Boodskap

²⁰ Bloed en vuur en donker rook sal hemel en aarde vul. Ek sal die son pikswart maak, en die maan so rooi soos bloed. ‘Al hierdie dinge sal gebeur kort voordat die groot dag van die Here aanbreek; daardie dag waarop Hy na die wêreld toe terugkom.

Nuwe Lewende Vertaling

²⁰ Die son sal ’n donker kol word, en die maan ’n bloedkol, voordat die groot en heerlike Dag van die Here kom.

Handelinge 2:20 Kruisverwysings

Jesaja 13:10

Ja, die sterre aan die hemelruim, en Orion met sy sterrebeelde laat nie meer hulle lig skyn nie. Die son word donker sodra dit opkom, en die maan straal nie sy lig uit nie.

Jesaja 13:15

Elkeen wat gevind word, sal deurboor word; en elkeen wat weggesleep word, sal val deur die swaard.

Jesaja 13:9

Kyk, die dag van die Here is aan die kom – wreed, vol gramskap en brandende toorn – om die aarde 'n skrikbeeld te maak, en die sondaars van die aarde daarvan af uit te delg.

Jesaja 24:23

Die volmaan sal verleë wees, die helder son sal beskaamd staan. Want die Here, Heerser oor alle magte, regeer op die berg Sion en in Jerusalem, en voor sy oudstes in heerlikheid.

Jesaja 34:8

Ja, daar is 'n dag van wraak vir die Here, 'n jaar van vergelding in die regstryd van Sion.

Jeremia 4:23

Ek het na die aarde gekyk, en kyk, dit was woes en leeg, ook na die hemel, en daar was geen lig nie!

Joël 2:1

Blaas die •ramshoring op Sion, maak alarm op my heilige berg! Al die inwoners van die land moet bewe, want die dag van die Here is aan die kom, ja, dit is naby!

Joël 2:31

Die son sal verander word in donkerte, en die maan in bloed, voordat die groot en verskriklike dag van die Here kom.

Joël 3:14

Skares, daar is skares mense in die dal van beslissing! Ja, die dag van die Here is naby in die dal van beslissing!

Amos 8:9

“Op daardie dag,” is die uitspraak van my Heer, die Here, “sal Ek die son laat ondergaan op die middaguur en dit helder oordag donker maak vir die aarde.

Maleagi 4:5

Kyk, Ek gaan Elia, die profeet, vir julle stuur voordat die groot en verskriklike dag van die Here kom.

Matteus 24:29

“Onmiddellik ná die verdrukking van daardie dae “ ‘sal die son verduister word, en die maan sal sy lig nie gee nie, en die sterre sal van die hemel val, en die kragte van die hemele sal geskud word. ’

Matteus 27:45

Vanaf die sesde tot die negende uur het daar duisternis oor die hele aarde toegesak.

Markus 13:24

“Maar in daardie dae, ná daardie verdrukking, “ ‘sal die son verduister word, en die maan sal sy lig nie gee nie;

Lukas 21:25

“Dan sal daar tekens wees in die son en die maan en die sterre, en op die aarde sal die nasies beangs en verward wees oor die gedreun en hoë golwe van die see.

Handelinge 2:19

En Ek sal bo in die hemel wonders bewerk en tekens onder op die aarde: bloed en vuur en rookwolke.

Handelinge 2:21

Dan sal elkeen wat die Naam van die Here aanroep, verlos word.’

1 Thessalonisense 5:2

want julle weet self baie goed dat die dag van die Here soos 'n dief in die nag kom.

2 Petrus 3:10

Die dag van die Here sal egter kom soos 'n dief, 'n dag waarop die hemele met 'n gedruis tot 'n einde sal kom, en die elemente sal uitbrand en vergaan, en die aarde en wat daarop gedoen is, ontbloot sal word.

2 Petrus 3:7

maar die huidige hemele en die aarde word deur dieselfde woord vir vuur opsy gesit; dit word bewaar vir die oordeelsdag en die vernietiging van die goddeloses.

Openbaring 16:8

Die vierde engel het sy bak oor die son uitgegooi, en die son is toegelaat om die mense met vuur te skroei.

Openbaring 6:12

Ek het gesien toe Hy die sesde seël oopbreek. En daar het 'n groot aardbewing plaasgevind. Die son het swart geword soos 'n harige sak, en die maan het geheel en al soos bloed geword.