Genesis 4:4 - Die Bybel 2020-vertaling

⁴ En Abel, ook hy het 'n offer gebring uit die eersgeborenes van sy kleinvee, van hulle vet. Die Here het Abel en sy offer met guns beskou.

Bybel vir almal

⁴ Abel het ook 'n offer vir die Here gebring. Hy het die eerste lammers vir die Here gegee en die lammers se vet ge-offer. Die Here was tevrede met Abel en sy offer.

Afrikaans 1933-1953

⁴ En Abel het ook van die eersgeborenes van sy kleinvee gebring, naamlik van hulle vet. En die Here het Abel en sy offer genadig aangesien,

Afrikaans 1983

⁴ Abel het dit ook gedoen, van die eerstelinge uit sy kudde, van hulle vet. Die Here het vir Abel en sy offer aangeneem,

Contemporary Afrikaans Bible 2023

⁴ En Abel, hy het ook van die eersgeborenes van sy kleinvee en van die vet daarvan gebring. En die HERE het ag geslaan op Abel en sy offer.

Die Boodskap

⁴ Abel het dieselfde gedoen. Hy het van die lammers gevat en hulle vet vir die Here geoffer. Die Here het baie van Abel se offer gehou.

Nuwe Lewende Vertaling

⁴ Abel het die beste uit sy lammers, die eerstelinge van die seisoen, en van hulle vet as offer gebring. Die Here het Abel en sy offer aanvaar,

Genesis 4:4 Kruisverwysings

Genesis 15:17

Toe die son ondergegaan het, en dit skemerdonker was – kyk, toe is daar die rook van 'n oond en die vuur van 'n fakkel wat tussen daardie stukke deurbeweeg.

Genesis 4:3

Ná verloop van tyd het Kain van die vrug van die grond 'n offer vir die Here gebring.

1 Konings 18:24

Dan moet julle die naam van julle god aanroep, en ek sal die Naam van die Here aanroep. Die god wat met vuur antwoord, Hy is God. ” Die hele volk het daarop gereageer en gesê: “Dit is goed so.”

1 Konings 18:38

Toe slaan die vuur van die Here neer en verteer die brandoffer, die hout, die klippe en die los grond. Dit het selfs die water wat in die sloot was, opgelek.

1 Kronieke 21:26

Toe het Dawid daar 'n altaar vir die Here gebou, en brandoffers en •maaltydoffers gebring. Hy het die Here aangeroep, en die Here het hom geantwoord met vuur uit die hemel op die brandofferaltaar.

2 Kronieke 7:1

Net toe Salomo klaar gebid het, het vuur uit die hemel neergedaal en die •brandoffer en •maaltydoffers verteer, en die heerlikheid van die Here het die •tempel gevul.

Psalms 20:3

Mag Hy vir u hulp stuur uit die heiligdom, en u uit Sion ondersteun.

Eksodus 13:12

moet jy elke eersteling van die moederskoot aan die Here afstaan. Elke eersteling van die aanteel van jou vee wat jy kry, die manlikes, behoort aan die Here.

Spreuke 3:9

Eer die Here met jou rykdom, met die beste deel van jou volle oes;

Prediker 4:4

Ek het gesien dat al die inspanning en al die kundigheid waarmee gewerk word, naywer is van die een teenoor die ander. Ook dit is sinloos en 'n gejaag na wind.

Levitikus 9:24

'n Vuur het van voor die Here uitgegaan en die brandoffer en die vet op die altaar verteer. Toe die hele volk dit sien, het hulle gejuig en neergeval met hulle gesigte teen die grond.

Numeri 16:15

Moses het baie kwaad geword en vir die Here gesê: “U moet nie ag slaan op hulle offergawe nie. Ek het nie 'n enkele donkie van hulle geneem nie, en ek het nie een van hulle kwaad aangedoen nie.”

Numeri 16:35

'n Vuur het van die Here af uitgegaan en die tweehonderd-en-vyftig man verteer wat die reukwerk nadergebring het.

Numeri 18:12

Al die beste olie, al die beste •nuwe wyn en koring – die eerste opbrengs daarvan wat hulle vir die Here gee, gee Ek vir jou.

Numeri 18:17

Maar die eersgeborenes van beeste, skape en bokke moet jy nie laat loskoop nie; hulle is heilig. Hulle bloed moet jy teen die altaar sprinkel en hulle vet moet jy verbrand as 'n geurige offer, 'n offergawe aan die Here.

Hebreërs 11:4

Deur geloof het Abel 'n beter offer as Kain aan God gebring, waardeur getuig is dat hy regverdig was toe God oor sy gawes getuienis gelewer het; en deur geloof praat hy nog steeds, al het hy gesterf.

Hebreërs 9:22

Feitlik alles is volgens die wet met bloed gereinig; ja, sonder bloedvergieting vind geen vergifnis plaas nie.

Openbaring 13:8

Al die aardbewoners sal hom aanbid, elkeen wie se naam sedert die grondlegging van die wêreld nie opgeskryf is in die boekrol van die lewe van die Lam wat geslag is nie.

Rigters 6:21

Toe steek die Engel van die Here die wandelstok in sy hand uit en raak met die punt aan die vleis en die ongesuurde brood. Vuur het uit die rots opgeslaan en die vleis en ongesuurde brood verteer. Die Engel van die Here het voor sy oë verdwyn,

1 Samuel 15:22

Daarop het Samuel geantwoord: “Is daar vir die Here vreugde in •brandoffers en •maaltydoffers, soos in gehoorsaamheid aan die stem van die Here? Kyk, om gehoorsaam te wees is beter as maaltydoffers, om te luister beter as die vet van ramme.