Genesis 2:7 - Die Bybel 2020-vertaling

⁷ het die Here God die mens met stof uit die grond gevorm, en in sy neus die asem van lewe geblaas. So het die mens 'n lewende wese geword.

Bybel vir almal

⁷ Toe het die Here God stof geneem uit die grond en Hy het van die stof 'n mens gemaak. Die Here God het asem in die mens se neus geblaas, en die mens het begin lewe.

Afrikaans 1933-1953

⁷ En die Here God het die mens geformeer uit die stof van die aarde en in sy neus die asem van die lewe geblaas. So het dan die mens 'n lewende siel geword.

Afrikaans 1983

⁷ Die Here God het toe die mens gevorm uit stof van die aarde en lewensasem in sy neus geblaas, sodat die mens 'n lewende wese geword het.

Contemporary Afrikaans Bible 2023

⁷ Die HERE God het die mens geformeer uit die stof van die aarde en die asem van die lewe in sy neus geblaas; en die mens het 'n lewende siel geword.

Die Boodskap

⁷ Toe het die Here God van die aarde se bogrond gevat en ’n mens daarvan gemaak. Hy het ook sy asem in die mens se neusgate geblaas en die mens het begin leef.

Genesis 2:7 Kruisverwysings

Genesis 1:27

God het die mens geskep na sy beeld, na die beeld van God het Hy hom geskep, manlik en vroulik het Hy hulle geskep.

Genesis 2:6

maar 'n ondergrondse stroom water het uit die aarde opgewel en die hele oppervlakte van die grond nat gemaak –

Genesis 3:19

Met sweet aan jou gesig sal jy brood eet, totdat jy terugkeer na die grond; want daaruit is jy geneem – ja, stof is jy, en tot stof sal jy terugkeer.”

Genesis 3:23

Die Here God het hom toe weggestuur uit die tuin van Eden om die grond waaruit hy geneem is, te gaan bewerk.

Genesis 7:22

Alles wat lewensasem in hulle neuse gehad het, alles wat op droë grond was, het gesterf.

Job 27:3

ja, solank as wat my asem nog in my is, die lewensasem wat God gee, nog in my neus is –

Job 33:4

Die Gees van God het my gemaak; die asem van die Almagtige hou my lewend.

Job 33:6

Kyk, voor God is ek net soos jy; ook ek is van klei afgeknyp.

Job 4:19

hoeveel te meer geld dit dan hulle wat in huise van klei woon, met fondamente in die stof? Vinniger as 'n mot word hulle platgetrap.

Psalms 100:3

Erken dat die Here God is; Hy het ons gemaak; aan Hom behoort ons, sy volk, die kleinvee wat Hy laat wei.

Psalms 103:14

want Hy, Hy weet waarvan ons gemaak is, Hy hou in gedagte dat ons maar stof is.

Spreuke 20:27

Die asem van die mens is die Here se lamp; daarmee deursoek Hy al die kamers van die binneste.

Prediker 12:7

die stof na die aarde terugkeer soos dit was, en die lewensasem na God terugkeer wat dit gegee het.

Prediker 3:7

'n tyd om te skeur en 'n tyd om toe te werk; 'n tyd om stil te bly en 'n tyd om te praat;

Jesaja 2:22

Hou op om julle te bekommer oor die mens; hy is net 'n asem in 'n neus! Ja, waarom moet met hom rekening gehou word?

Jesaja 64:8

Maar nou, Here, U is ons Vader. Ons is die klei en U is ons pottebakker – ons almal is die werk van u hande.

Klaagliedere 4:20

Ons lewensasem, die gesalfde van die Here, is in hulle vangkuile gevang – die een in wie se skadu ons gedink het ons onder die nasies sou leef!

Esegiël 37:5

So sê my Heer, die Here vir hierdie beendere: “Kyk, Ek gaan gees in julle laat kom, en julle sal leef.

Esegiël 37:6

Ek sal senings aan julle heg, vleis aan julle sit, vel oor julle trek, asem in julle gee, sodat julle kan leef. Dan sal julle besef dat Ek die Here is.” ’ ”

Sagaria 12:1

'n Profesie. Die woord van die Here oor Israel. Dit is die uitspraak van die Here, Hy wat die hemel oopgespan het en die fondamente van die aarde gelê het, wat die mens se gees in sy binneste gevorm het:

Numeri 16:22

Hulle het op hulle gesigte neergeval en gesê: “O God, die God wat lewensasem gee aan alle vlees, gaan U vir die hele volksvergadering vertoornd wees wanneer een man sondig?”

Numeri 27:16

“ Mag die Here, die God wat lewensasem gee aan alle vlees, 'n man oor die volksvergadering aanstel

Johannes 20:22

Nadat Hy dit gesê het, blaas Hy op hulle en sê vir hulle: “Ontvang die Heilige Gees!

Handelinge 17:25

Hy word ook nie deur menslike hande bedien, asof Hy aan iets behoefte het nie – dit is Hy wat aan almal lewe en asem, ja alles, gee.

Romeine 9:20

Wie is jy tog, o mens, om God te weerspreek? Sal die maaksel vir sy maker sê: “Waarom het jy my so gemaak?”

1 Korinthiërs 15:45

So staan daar immers geskryf: “Die eerste mens, Adam, het 'n lewende wese geword.” Die laaste Adam het egter 'n lewendmakende Gees geword.

1 Korinthiërs 15:47

Die eerste mens was uit die aarde, en stoflik; die tweede 'n mens uit die hemel.

2 Korinthiërs 4:7

Hierdie skat het ons in kleipotte, sodat die buitengewone krag duidelik van God kom en nie van ons nie.

2 Korinthiërs 5:1

Ons weet tog dat wanneer ons aardse tentwoning afgebreek word, ons 'n gebou het wat van God kom, 'n ewige woning in die hemele, wat nie met hande gemaak is nie.

1 Timoteus 2:13

Adam is immers eerste geskep, daarna Eva.

Hebreërs 12:9

Verder, ons het tog ons aardse vaders gehad, wat ons getug het, en ons het hulle gerespekteer. Sal ons ons nie baie eerder aan ons geestelike Vader onderwerp, en leef nie?