Genesis 17:3 - Die Bybel 2020-vertaling

³ Abram het neergeval met sy gesig teen die grond, en God het met hom gepraat:

Bybel vir almal

³ Abram het met sy gesig teen die grond gaan lê, en die Here het vir hom gesê:

Afrikaans 1933-1953

³ Toe val Abram op sy aangesig, en God het met hom gespreek en gesê:

Afrikaans 1983

³ Abram het op sy knieë geval, en toe sê God vir hom:

Contemporary Afrikaans Bible 2023

³ En Abram het op sy aangesig geval, en God het met hom gespreek en gesê:

Die Boodskap

³ Terwyl God nog gepraat het, het Abram voor Hom neergeval.

Nuwe Lewende Vertaling

³ Toe Abram dit hoor, val hy met sy gesig op die grond. God sê toe vir hom:

Genesis 17:3 Kruisverwysings

Genesis 17:17

Abraham het neergeval met sy gesig teen die grond, maar hy het gelag en in sy hart gesê: “Kan daar vir 'n honderdjarige 'n kind gebore word? Of sal Sara, 'n negentigjarige, kan geboorte skenk?”

Genesis 18:2

Toe hy opkyk, sien hy skielik drie mans naby hom staan. Toe hy hulle sien, hardloop hy hulle tegemoet van die ingang van die tent af en buig laag teen die grond.

1 Konings 18:39

Toe die hele volk dit sien, val hulle neer met hulle gesigte teen die grond en sê: “Die Here, Hy is God! Die Here, Hy is God!”

Eksodus 3:6

Daarop sê Hy: “Ek is die God van jou voorvader, die God van Abraham, die God van Isak, die God van Jakob.” Moses het sy gesig bedek, want hy was bang om na God te kyk.

Esegiël 1:28

Die helder gloed rondom het gelyk soos 'n reënboog wat in die wolke verskyn op 'n reëndag. Dit is hoe die verskyning van die heerlikheid van die Here gelyk het. Toe ek dit sien, het ek neergeval met my gesig teen die grond. Daarna het ek 'n stem hoor praat.

Esegiël 3:23

Ek het toe opgestaan en uitgegaan na die laagte. En kyk, daar staan die heerlikheid van die Here, net soos die heerlikheid wat ek gesien het langs die Kebarrivier. Ek het neergeval met my gesig teen die grond.

Esegiël 9:8

Terwyl hulle so besig was om dood te slaan, het ek alleen oorgebly. Ek het neergeval met my gesig teen die grond, om hulp geroep en gesê: “Ag, Here, my Heer, gaan U almal wat oorgebly het van Israel uitroei terwyl U so u woede oor Jerusalem uitstort?”

Daniël 10:9

Ek het die geluid van sy woorde gehoor, en toe ek die geluid van sy woorde hoor, was ek in 'n beswyming, met my gesig teen die grond.

Numeri 14:5

Moses en Aäron het op hulle gesigte neergeval voor die hele byeenkoms van die volksvergadering van die Israeliete.

Numeri 16:22

Hulle het op hulle gesigte neergeval en gesê: “O God, die God wat lewensasem gee aan alle vlees, gaan U vir die hele volksvergadering vertoornd wees wanneer een man sondig?”

Numeri 16:45

“Gaan weg van hierdie volksvergadering, sodat Ek hulle in 'n oogwink kan vernietig.” Hulle het op hulle gesigte neergeval,

Matteus 17:6

Toe die dissipels dit hoor, het hulle op hulle gesigte neergeval, oorval deur vrees.

Josua 5:14

Hy het geantwoord: “Nee, maar ek is die bevelvoerder van die leër van die Here; daarom het ek gekom.” Josua het neergeval met sy gesig teen die grond, diep neergebuig, en vir hom gesê: “Wat wil my heer vir sy dienaar sê?”

Openbaring 1:17

Toe ek Hom sien, het ek voor sy voete neergeval soos 'n dooie, maar Hy het sy regterhand op my gelê en gesê: “Hou op om bang te wees – Ek is die Eerste en die Laaste

Rigters 13:20

Toe die vlam van die altaar af na die hemelruim opstyg, het die Engel van die Here in die vlam van die altaar opgegaan terwyl Manoag en sy vrou dit sien. Hulle het neergeval met hulle gesigte teen die grond.