Filemon 1:10 - Die Bybel 2020-vertaling

¹⁰ Ek pleit by jou vir my geestelike kind, Onesimus, wat ek tydens my gevangenskap verwek het.

Bybel vir almal

¹⁰ Ek vra vir jou mooi om vir Onesimus te help. Hy is soos my eie kind, want terwyl ek in die tronk was, het ek vir hom soos 'n pa geword toe ek vir hom die goeie boodskap van Christus Jesus gebring het.

Afrikaans 1933-1953

¹⁰ pleit by jou vir my kind, Onésimus, wat ek verwek het in my boeie,

Afrikaans 1983

¹⁰ Ek doen 'n beroep op jou in belang van my kind Onesimus. Hier in die gevangenis het ek sy geestelike vader geword.

Contemporary Afrikaans Bible 2023

¹⁰ Ek smeek jou vir my seun Onesimus, wat ek in my boeie verwek het:

Die Boodskap

¹⁰ My versoek gaan oor Onesimus, my kind in die geloof. Hier in die tronk het ek sy pa in die Here geword toe hy tot bekering gekom het.

Nuwe Lewende Vertaling

¹⁰ Ek pleit by jou vir my kind Onesimus. Ek het hom hier in die tronk tot bekering gelei.

Filemon 1:10 Kruisverwysings

2 Samuel 18:5

Die koning het Joab, Abisai en Ittai opdrag gegee: “Werk, ter wille van my, saggies met die jong man, met Absalom. ” Al die manskappe het gehoor toe die koning aan al die aanvoerders opdragte gee in verband met Absalom.

Markus 9:17

Een uit die skare het Hom geantwoord: “Meester, ek het my seun na U gebring; hy het 'n gees in hom wat hom stom maak.

Romeine 12:1

Broers, op grond van die barmhartigheid van God roep ek julle dus nou op om julle liggame beskikbaar te stel as 'n offer wat lewend en heilig is, en vir God aanneemlik. Dit is julle sinvolle godsdiens.

1 Korinthiërs 4:14

Ek skryf nie hierdie dinge om julle skaam te maak nie, maar om julle as my geliefde kinders tereg te wys.

1 Korinthiërs 4:15

Want selfs al het julle 'n menigte opvoeders in •Christus, het julle nie baie vaders nie. Deur die evangelie het ek in Christus Jesus julle vader geword.

Galasiërs 4:19

My kinders, ek ervaar weer geboortepyne oor julle, totdat Christus in julle gestalte kry.

Kolossense 4:9

Ek stuur hom saam met Onesimus, die getroue en geliefde broer, wat van julle af kom. Hulle sal julle alles van ons omstandighede hier vertel.

1 Timoteus 1:2

aan Timoteus, my ware kind in die geloof: Genade, barmhartigheid en vrede van God, die Vader, en Christus Jesus, ons Here.

Titus 1:4

aan Titus, my egte seun op grond van ons gemeenskaplike geloof: Genade en vrede van God, ons Vader, en Christus Jesus ons Verlosser.

Filemon 1:11

Hy het destyds vir jou geen voordeel ingehou nie, maar nou hou hy vir jou en vir my groot voordeel in.

Filemon 1:13

Ek wou hom graag by my hou, sodat hy my in jou plek kon dien, terwyl ek ter wille van die evangelie in boeie is.

3 Johannes 1:4

Groter blydskap as dit het ek nie, dat ek hoor dat my kinders die pad van waarheid loop.