Filemon 1:1 - Die Bybel 2020-vertaling

¹ Paulus, die gevangene van •Christus Jesus, en ons broer Timoteus, aan ons geliefde medewerker Filemon,

Bybel vir almal

¹ Ek, Paulus, is nou in die tronk omdat ek aan Christus Jesus behoort. Ek en ons vriend Timoteus skryf hierdie brief vir jou, Filemon. Jy werk saam met ons vir God, en ons is lief vir jou.

Afrikaans 1933-1953

¹ PAULUS, 'n gevangene van Christus Jesus, en die broeder Timótheüs, aan Filémon, die geliefde en ons mede-arbeider,

Afrikaans 1983

¹ Van Paulus, 'n gevangene ter wille van Christus Jesus, en van ons broer Timoteus. Aan Filemon, ons vriend en medewerker,

Contemporary Afrikaans Bible 2023

¹ Paulus, 'n gevangene van Jesus Christus, en Timoteus, ons broer, aan Filemon, ons dierbaarste geliefde en medearbeider,

Die Boodskap

¹ Van Paulus. Ek is op die oomblik in die tronk omdat ek die goeie nuus oor Jesus Christus bekendmaak. Timoteus, my broer in die Here, is ook hier by my. Ek skryf hierdie brief aan jou, Filemon, my liewe vriend wat saam met my in die Here se diens staan.

Nuwe Lewende Vertaling

¹ Hierdie brief kom van Paulus. Ek is ’n gevangene ter wille van Christus Jesus. Ons broer Timoteus skryf hierdie brief saam met my. Ons skryf aan Filemon, ons geliefde vriend en medewerker,

Filemon 1:1 Kruisverwysings

Handelinge 16:1

Paulus het na Derbe gegaan, en toe na Listra. En kyk, daar was 'n dissipel met die naam Timoteus – die seun van 'n gelowige Joodse vrou, maar van 'n Griekse pa.

1 Korinthiërs 3:9

Ons is medewerkers van God; julle is God se saailand, God se bouwerk.

2 Korinthiërs 1:1

Paulus, 'n •apostel van •Christus Jesus deur die wil van God, en die broer Timoteus, aan die •gemeente van God wat in Korinthe is, saam met al die heiliges in die hele Agaje:

Galasiërs 3:26

Want deur die geloof is julle almal kinders van God in •Christus Jesus,

Efesiërs 3:1

Om hierdie rede is ek, Paulus, die gevangene van •Christus Jesus, ter wille van julle, die heidene.

Efesiërs 4:1

Daarom spoor ek julle aan, ek, wat ter wille van die Here 'n gevangene is, om so te leef dat julle die roeping waarmee julle geroep is, waardig is:

Efesiërs 6:20

hiervoor is ek 'n gesant in kettings – sodat ek vrymoedig daaroor kan praat soos ek moet.

Filippense 1:1

Paulus en Timoteus, diensknegte van •Christus Jesus, aan al die heiliges in Christus Jesus wat in Filippi is, en ook die opsieners en diakens:

Filippense 2:25

Ek ag dit noodsaaklik om Epafroditus, my broer, medewerker en medestryder en julle gesant, my helper in nood, na julle te stuur.

Filippense 4:3

Ja, ek vra jou ook, getroue medewerker, help hierdie vroue. Hulle het saam met my vir die saak van die evangelie gestry, ook saam met Klemens en my ander medewerkers wie se name in die boekrol van die lewe staan.

Kolossense 1:1

Paulus, 'n •apostel van •Christus Jesus deur die wil van God, en die broer Timoteus,

Kolossense 4:11

Dieselfde geld ook Jesus, wat Justus genoem word. Van diegene wat uit die besnydenis kom, is hulle die enigste medewerkers vir die •koninkryk van God, en hulle het 'n troos vir my geword.

1 Thessalonisense 3:2

en het ons Timoteus gestuur, ons broer en medewerker van God vir die evangelie van •Christus, om julle in julle geloof te versterk en te bemoedig,

2 Thessalonisense 1:1

Paulus en Silvanus en Timoteus, aan die •gemeente van Thessalonika in God, ons Vader, en die Here Jesus •Christus:

2 Timoteus 1:8

Moet jou dus nie skaam vir die getuienis van ons Here nie, ook nie vir my, sy gevangene, nie. Maar dra jou deel van die lyding vir die evangelie deur middel van die krag van God.

Filemon 1:23

Epafras, my medegevangene in •Christus Jesus groet jou.

Filemon 1:24

So ook my medewerkers Markus, Aristargus, Demas en Lukas.

Filemon 1:9

rig ek, Paulus, op grond van die liefde eerder 'n versoek aan jou, juis omdat ek so 'n ou man is, en nou ook nog 'n gevangene ter wille van Christus Jesus.