Eksodus 5:3 - Die Bybel 2020-vertaling

³ Toe sê hulle: “Die God van die Hebreërs het Hom aan ons bekend gemaak. Laat ons asseblief drie dagreise in die woestyn ingaan, sodat ons aan die Here ons God kan offer; anders tref Hy ons met pessiekte of die swaard. ”

Bybel vir almal

³ Moses en Aäron sê toe: “Die God van die Hebreërs het aan ons verskyn. Laat ons asseblief in die woestyn ingaan, so ver soos 'n mens in drie dae kan loop. Ons moet vir ons God die Here offers gaan bring, anders sal Hy ons straf, Hy sal siektes en oorlog stuur.”

Afrikaans 1933-1953

³ Toe sê hulle: Die God van die Hebreërs het ons ontmoet; laat ons tog drie dagreise ver die woestyn intrek en aan die Here onse God offer, sodat Hy ons nie tref met die pes of die swaard nie.

Afrikaans 1983

³ Hulle sê toe: “Die God van die Hebreërs het Hom aan ons geopenbaar. Laat ons asseblief drie dagreise die woestyn in trek om 'n offer vir ons God, die Here, te bring, anders tref Hy ons dalk met die pes of die swaard.”

Contemporary Afrikaans Bible 2023

³ En hulle sê: Die God van die Hebreërs het ons ontmoet; laat ons tog drie dagreise die woestyn ingaan en aan die HERE onse God offer; dat hy nie oor ons val met pes of met die swaard nie.

Die Boodskap

³ Hulle sê toe weer: “Die God van die Hebreërs het met ons gepraat. Gee tog vir ons kans om drie dae lank weg te gaan. Ons wil in die woestyn vir die Here ons God gaan offer. As ons dit nie doen nie, sal Hy ons met siektes en met die dood straf.”

Eksodus 5:3 Kruisverwysings

2 Konings 17:25

Aan die begin van hulle verblyf het hulle nie vir die Here ontsag gehad nie. Die Here het toe leeus onder hulle ingestuur, wat aanmekaar van hulle doodgemaak het.

2 Kronieke 30:8

Moet nou nie hardnekkig wees soos julle voorouers nie. Steek 'n hand uit na die Here en kom na sy heiligdom wat Hy vir altyd geheilig het. Dien die Here julle God, sodat sy brandende toorn van julle afgewend word.

Esra 7:23

Alles wat in ooreenstemming met die bevel van die God van die hemel is, moet vir die huis van die God van die hemel op die regte manier uitgevoer word; want waarom moet die toorn van God rus op die ryk van die koning en sy seuns?

Eksodus 3:18

“Hulle sal na jou luister, en dan moet jy en die oudstes van Israel na die koning van Egipte gaan. Julle moet vir hom sê, ‘Die Here, die God van die Hebreërs, het Hom aan ons bekend gemaak. Laat ons asseblief dan nou drie dagreise ver die woestyn ingaan, sodat ons aan die Here ons God kan offer.’

Eksodus 7:16

Sê vir die farao, ‘Die Here, die God van die Hebreërs, het my na u gestuur om te sê: “Laat my volk gaan, sodat hulle My in die woestyn kan dien.” Kyk, tot nou toe het u nie geluister nie.

Eksodus 8:1

Die Here het vir Moses gesê: “Gaan na die farao en sê vir hom, ‘So sê die Here: “Laat my volk gaan, sodat hulle My kan dien.

Eksodus 8:20

Die Here het vir Moses gesê: “Staan môreoggend vroeg op en meld jou aan by die farao. Kyk, hy gaan uit na die water. Sê vir hom, ‘So sê die Here: “Laat my volk gaan, sodat hulle My kan dien.

Eksodus 8:27

Ons wil drie dagreise ver die woestyn ingaan om vir die Here ons God te offer, soos Hy vir ons sê.”

Esegiël 6:11

“ ‘So sê my Heer, die Here: “Klap jou hande en stamp jou voete, en sê, ‘Helaas!’ oor al die afstootlike, bose dade van die huis van Israel, want deur die swaard, hongersnood en pessiekte sal hulle val.

Levitikus 26:25

Ek sal julle met die swaard tref om die skending van die verbond te wreek. En wanneer julle julle terugtrek in julle stede, sal Ek 'n epidemie onder julle loslaat, sodat julle in die hand van die vyand oorgegee word.

Deuteronomium 28:21

Die Here sal pessiekte aan jou laat kleef, totdat Hy jou uitgeroei het, weg van die grond waarheen jy op pad is om dit in besit te neem.